Caja Madrideko zazpi kontseilari ohiek 850.000 euro xahutu zituzten
Azken orduetan 'B kreditu-txartelen' eskandaluagatik dimisioa eman duten Caja Madrideko zuzendaritzaren zazpi kideek 850.000 euro baino gehiago gastatu zituzten, Bankia auzia ikertzen ari den epaileari igorritako dokumentazioaren arabera.
Eskandaluaren aurreneko bi biktimak PPk proposatutako bi kontseilari ohi izan ziren: Pablo Abejas eta Mari Carmen Cafranga. Ostegunera arte Madrilgo Gobernuan eta Bankiaren fundazioan kargudunak ziren.
Kreditu-txartelak erabili zituzten Caja Madrideko 83 zuzendari eta kontseilari ohien zerrenda argitaratu eta ordu gutxi batzuk geroago, Abejas kargutik kendu egin zuten. Ignacio Gonzalezen Exekutiboan Ekonomia zuzendari nagusia zen. 2006tik 2012ra 246.700 euro xahutu zituen Abejasek.
Bestalde, Carmen Cafranga Caja Madrideko Fundazioaren presidenteak dimisioa eman zuen ostegunean. Gizarte Ekintzaren "interesak babesteko helburuarekin" kargua uzten zuela azaldu zuen Cafrangak agiri batean. Bederatzi urtetan, 2003tik 2012ra arte 175.200 euro gastatu zituen iruzurraren kreditu-txartelarekin.
UGT, CCOO eta PSM
Ostiral honetan beste bost dimisio eman dituzte: Jose Ricardo Martinez UGTko buruzagiak kargua utzi du, 2010, 2011 eta 2012an txartelarekin 44.200 euro xahutu zituela jakitera eman eta gero.
Ondoren, Angel Gomez del Pulgar PSMko zuzendaritza laga du. Caja Madrideko kontseilari gisa, 2003tik 2010era arte, 'B txartelarekin' 149.700 euro xahutu zituen gastu pribatuetan.
Era berean, Rodolfo Benito CCOOko buruzagi historikoak dimisioa eman du. 2003tik 2010era arte 140.600 euro gastatu zituen Benitok.
Azken bi dimisioak, PPrenak
Bestalde, Jose Maria Buenaventura Ogasuneko Estatu idazkariaren kabineteko zuzendariak dimisioa aurkeztu du eguerdian. PPk proposatu zuen. 2004tik 2007ra 63.000 euro xahutu zituen Buenaventurak.
Dimisioa eman duen azkena Manuel Jose Rodriguez Gonzalez Boadilla del Monteko EMVS udal-konpainiaren zuzendaria izan da. Caja Madrideko kontseilaria izan zen urte bakarrean, 2011n, 37.100 euro gastatu zituen.
Zure interesekoa izan daiteke
Nafarroak etxebizitza berrien stocka agortu zuen 2025eko amaierarako, eta Euskadik % 0,23ra murriztu zuen
Urte amaieran, 2.502 etxebizitza zeuden saldu gabe Euskal Autonomia Erkidegoan (EAE). Espainiar Estatuan, berriz, saldu gabeko etxebizitza berrien stocka 452.670 etxebizitzakoa izan zen.
Zabalik dago Tubos Reunidos erosteko interesa agertzeko epea
Hartzekodunen konkurtsoa kudeatzen duen epaileak erosketa-prozesua aktibatu du eta konkurtso-administratzaileak prozesua bideratzeko jarritako arauak onartu ditu. Lehentasuna ematen dio talde osoa saltzeari.
Ekitaldi eta ikuskizunetako teknikariek greba egingo dute berriz
“Patronalaren pasibotasunaren aurrean”, maiatzaren 15ean egin zuten bezala, greba egingo dute Bilbao BBK Liveko zein Gasteiz, Donostia eta Bilboko jaietako egun banatan.
Pirinioetako abeltzainek hartzak zaintzeko eskatu dute, horien kopurua abeltzaintza estentsiboarekin "bateragarria" izan dadin
Ezkaroze eta Aribe herrietan, etxeetatik gertu dauden eremuetan, bi hartz ikusi dituzte asteburuan. Hartza hain gertu izateak kezka zabaldu du inguruko abeltzainen artean, abere taldeetan zer ondorio izango dituen beldur.
Tubos Reunidosko langileen batzordeak konpainiaren jarraipena bermatzeko eskatu du Diputatuen Kongresuan
Amurrioko lantegiko beharginen ordezkariak Diputatuen Kongresuko hainbat talderekin bildu dira, tartean Podemos eta EH Bildurekin, legez besteko proposamen bat aurkezteko. SEPIren zorra akzio bihurtzea eskatu dute, jarduera eta enplegua bermatzeko, hala nola plan industrial bat eta bankuei laguntzeko neurriak hartu ditzatela, besteak beste, BBVAri, akziodun eta hartzekodun gisa. Tubos Reunidosek 263 milioi euroko zorra duen hartzekodunen konkurtso bati aurre egin behar dio.
Arabako lantegietan aldi baterako lan erregulazioa aktibatzea proposatu du Tubacexek, eskaeren jaitsieragatik
Ormuzko itsasartea ixtearen ondorioz, eskaera-kopuru asko jaitsi delako proposatu du neurria. Alabaina, Iranen eta AEBren arteko akordioa gauzatzen bada, egoera alda daiteke.
Cl Group taldeak Papresa erosteko eskaintza onartu du epaitegi batek
Cristian Layri lotutako Extremadurako taldeak 39,3 milioi euroko eskaintza egin zuen, baina azkenean erosketaren zenbatekoa handiagoa izango da Donostiako Merkataritza Arloko Epaitegiaren arabera.
Bizkaiak “etorkizuna eraikitzeko lekua” dela aldarrikatu du Madrilen, inbertitzaileak erakartzeko
Aldundiak bere erreforma fiskala aurkeztu du Madrilen, ehun bat enpresatako eta erakundetako ordezkarien aurrean.
Langile bat hil da Topoaren lanetan, Donostian
Euskal Trenbide Sareak ohar bidez jakinarazi duenez, tunel batean lanak egiten ari zirela, makina bat irauli da eta langilea azpian harrapatu du.