Istiluak izan dira Bizkaiko hainbat puntutan, grebaren hasieran
Bizkaiko hainbat puntutan arazoak izan dira Bizkaibuseko langileek deitutako greba orokorraren lehenengo goizean. Batetik, gutxieneko zerbitzuak egin behar zituzten ibilgailu batzuek arazoak izan dituzte garajetik ateratzeko eta, bestetik, autobus biri beirak apurtu dizkiete harrikadaz.
Bizkaiko Foru Aldundiko iturriek azaldu dutenez, piketeek Berriatua eta Lemoan autobusen irteerak itxi egin dituzte, ontziak lotzeko erabiltzen den katea erabilita. Zornotzan ere "arazoak" izan direla adierazi dute Aldunditik.
Lemoan, ibilgailu biri beirak apurtu dizkiete, harrikadaz.
Lekeition, berriz, gutxieneko zerbitzua bete behar zuen autobus baten gurpilak airez hustu dituzte eta ezin izan da garajetik atera.
Zornotzan ere, gurpil bateko balbula apurtu dute eta Bilbon, autobus baten atzerako ispiluak margotu egin dituzte, Bailen kaleko geltokian.
ELA, LAB, CCOO, UGT eta USO sindikatuek deitu dute protesta, eta Bizkaibusen lan egiten duten langile guztiak daude grebara deituta; hala nola, TCSA, Encartaciones, Compañia de Autobuses Vascongados (CAVSA), Pesa Bizkaia, eta autobuses de Lujua y Autocares discrecionales del Norte (ADNOR) enpresetakoak. Grebak Bizkaiko eskualde hauetan izango du eragina: Enkartazioak, Ezkerraldea, Meatzaldea, Txorierri-Mungialdea, Nerbioi, Arratia-Durangaldea eta Busturialdea-Lea-Artibai.
Greba mugagabea hasi aurretik, langileek bi orduko lanuztea egin zuten irailaren 2an, eta ondoren egun osoko bederatzi greba egun ere egin dituzte. Astelehenetik aurrera greba mugagabeari ekingo diote, eta lehen egunean manifestazioa egingo dute Bilbon.
Mobilizazio hauekin, sindikatuek urriaren 4an Bizkaiko Foru Aldundiarekin lorturiko akordioa betetzea eskatzen dute, enpleguari eta lan-baldintzei eusteko.
Lan-baldintzei dagokienez, zerbitzua eskaintzen duten enpresak sindikatuen planteamendu hori onartzeko prest agertu dira, baina sindikatuek grebari eustea erabaki dute "Diputazioak akordioa betetzen dela bermatu behar duelako". Bizkaiko Foru Aldundiaren esanetan, baina, akordioa betetzeko lanean ari dira.
Sindikatuek salatu dutenez, Bizkaibuseko autobus-lineen berrantolaketaren eraginez, 300 lanpostu galduko dira, eta lanpostuei eutsiko zaiela bermatzeko eskatu diote Diputazioari.
ELAk Diputazioa egin du grebaren erantzule
ELA sindikatuaren iritziz, Diputazioa da Bizkaibuseko langileek greba mugagabea hastearen "erantzule bakarra", "iaz lorturiko akordioa ez du bete, eta orain ez du irtenbiderik eskaini".
Sindikatuak hitz egiteko eta akordioa lortzeko prest daude, ELAren arabera. Salatu dutenez, Diputazioak asteburu guztian ez die deitu, eta "horrek gatazka konpontzeko duen borondate falta agerian uzten du". "Eskuko telefonoak piztuta daude", gaineratu du.
Sindikatuen eta Diputazioaren arteko azken bilera akordiorik gabe amaitu zen. "Beraien hitzaz fidatzeko eskatu ziguten, 2016ko martxoan enpleguak berreskuratuko direla, alegia. Ezin digute konfiantza eskatu akordioa betetzen ez badute", nabarmendu dute.
Diputazioak datorren ostiralean bilera batera deitu ditu sindikatuak. ELAren iritziz, sindikatuei eta hiritarrei barre egiten die Diputazioak, izan ere, ostiralera arte bost egunez greba egingo dute "Diputazioak astelehenean bilera egin nahi ez duelako".
Zure interesekoa izan daiteke
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".