26.500 familiak baino gehiagok galdu dute etxea urte erdian

26.500 familiak baino gehiagok (26.549) galdu dute etxea Espainiako Estatuan 2014ko lehenengo sei hilabeteetan, urtebete lehenago baino % 24,4 gutxiago. Gehienak, 17.472 hain zuzen ere, etxegabetzeak izan dira, eta 9.077 kasutan akordioa lortu dute bankuekin, etxea uztearen truke.

Espainiako Bankuak jakitera eman duenez, bankuaren esku utzitako etxebizitzen % 73,7 ohiko bizitokia zen, eta gainerakoak bigarren etxebizitzak ziren.

Erakunde horren arabera, etxegabetzea eragin duten hipoteken % 83,6 2007ko abenduaren aurretik sinatu ziren, hau da, higiezinen burbuila lehertu baino lehen.