Osakidetzak bi lan-eskaintza publiko deitzea onartu du
Osakidetzan Lan Eskaintza Publikoa (LEP) deitzea erabaki du gaur Administrazio Kontseiluak.
Aurten 374 lanpostuko deialdia izango da, eta datorren urtean 600 ingurukoa. Bi deialdietan lanpostu kopuruaren erdia txanda librekoa izango da eta beste erdia barne-promoziokoa.
Osakidetzako zuzendaritzaren esanetan, sindikatuen adostasunarekin egin nahi zuen deialdia, baina ez dute lortu, eta 2014. urtea bukatzeko gutxi falta denez, aukera hori ezerezean utzi gabe, aurtengo deialdia onartzea erabaki du, txanda irekian 187 lanpostu eta barne promozioan beste hainbeste ateratzeko. Estatu espainiarrak ezarritako % 10eko muga, beraz, errespetatu egingo da.
Deialdi honen ostean, 2015ekoa onartuko du, hurrengo urteko lehenengo hiruhilekoan, eta ia 600 plaza aterako dituzte: txanda librean 300 eta barne promozioan beste hainbeste.
Bi deialdiak bateratu eta azterketak datorren urtean izango dira, uda ondoren seguruenera. Osakidetza prest dago 2016ko oposaketen deialdia sindikatuekin negoziatzeko, eta, akordioa lortuz gero, azterketak 2016an bertan egingo dira.
EH Bilduren ustez, "motz"
Rebeka Ubera EH Bilduko legebiltzarkideak esan du Lan Eskaintza Publikoa "motz" geratzen dela, kendu dituzten lanpostu kopurutik urrun geratzen delako.
Izan ere, sindikatuen eta Osakidetzako eragileen arabera, krisia hasi zenetik, 3.000 lanpostu galdu dira Osakidetzan.
Zure interesekoa izan daiteke
Saltokietan eskuko telefonoarekin ordaintzeko aukera emango du Bizumek maiatzaren 18tik aurrera
CaixaBank, Sabadell eta Bankinter izango dira Bizum bidezko ordainketak baimentzen lehenak. Laboral Kutxak ere hilaren 18tik aurrera eskainiko du aukera, baina denda kopuru mugatu batean.
Lanera itzuli nahi duten Amurrioko Tubos Reunidoseko beharginek lantegira sartzeko autobusa izango dute asteartetik aurrera
Ostegunean, 232 langilek, CCOOk eta UGTk babestuta, greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka. Neurri horren helburua, enpresaren arabera, lanera itzuli nahi duten horiek lantokira segurtasun baldintza egokietan sartu eta irtetea da.
ELAk ezkutuko 28 kaleratze salatu ditu Sidenorren Azkoitiko lantegian Reinosara lekualdatzeko prozesuan
Ohar batean, enpresak esan du ez dela "kaleratze bakar bat ere" izan Azkoitian, eta 32 pertsona joango direla Reinosara, horietako bi euren borondatez.
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.