Errumaniako Fiskaltza CAFek lortu zuen lizitazio bat ikertzen ari da
Errumaniako Ustelkeriaren Kontrako Fiskaltza Metrorexeko, Bucaresteko metroa kudeatzen duen enpresako, hiru agintari ikertzen ari da, CAF tren ekoizle gipuzkoarrak irabazi zuen lizitazio batean erosi egin ote zituzten argitzeko, Ministerio Publikoak gaur jakitera eman duenez.
Zuzendari errumaniarrak aipatu enpresa publikoko eskaintzen ebaluaziorako batzordeko kideak dira, eta susmoa da "lizitazioa manipulatu" zutela "esleipena atzerriko enpresak lor zezan", adierazi du Fiskaltzak prentsa-agiri batean.
Hain zuzen ere, eroskerian erortzea, "botere gehiegikeriaz" jokatzea, eta CAFi "abantaila emateko" lehiakideen informazio sekretua helaraztea leporatzen diete.
Fiskal errumaniarrek diote Metrorexeko hiru agintariek CAFek ordaindutako bidaia bat onartu zutela lizitazio prozesuaren erdian. Agerpres albiste-agentziak dio bidaia CAFen Beasaingo fabrikara egin zutela.
Aurreko martxoan, Metrorexek 51 tren berri ekoizteko kontratua eman zion CAFi, 310 milioi euroren truke, Bucarest kanpoaldean egingo duten metro linea berrirako.
Era berean, "eroskeria" leporatu dio Errumaniako Fiskaltzak Ovidiu Bancescuri, "atzerriko enpresa baten" ordezkariari.
Errumaniako hedabideek diote Bancescu CAFek Errumanian duen ordezkaria dela, eta Fiskaltzak dio berak antolatu zuela hiru agintarien bidaia.
Beasaingo CAFetik esan dute beraiek sinatu gabe dutela oraindik kontratua, eta auzibidean dagoen gai baten inguruan ez dutela hitz egiten.
CAFek Errumanian duen ordezkaritzak, berriz, esan du ez dutela ezer ezkutatzeko eta Fiskaltzarekin kolaboratzeko prest daudela.
Zure interesekoa izan daiteke
Egunean 188.000 petrolio upel gehiago ekoitziko ditu OPEP+ aliantzak ekainetik aurrera
Bestalde, merkatuaren egoera gertutik aztertzen jarraitzeko konpromisoa hartu dute aliantza osatzen duten herrialdeek, eta berretsi dute garrantzitsua dela "ikuspegi zentzuduna" izatea, "baita ekoizpenaren doikuntza handitzeko, gelditzeko edo kentzeko malgutasuna izatea ere".
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.
Maiatzaren 1eko mobilizazioetan, LGS propioa, pentsio eta soldata "duinak" eta etxebizitza eskubidea aldarrikatu dituzte
ELA eta LAB bakoitza bere aldetik atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira. Alderdi politikoek ordezkariak bidali dituzte deialdi horietako askotara.
Lan eskubideak arriskuan daudela ohartarazi du Anduezak, eta Euskadiko LEPetako euskara eskakizunak kritikatu ditu
PSE-EEko buruaren esanetan, langileak mehatxupean daude eskuin eta ultraeskuinaren eta nazioarteko gerren ondorioz, baita EAJk eta EH Bilduk enplegu publikoan dituzten politiken ondorioz ere.
Tubos Reunidoseko langile talde batek Amurrioko greba mugagabeari buruzko erreferenduma egitea eskatu du
Enpresa batzordeak deituta, martxoaren 15etik daude greba mugagabean Amurrioko lantegian. ELAk, LABek eta ESK-k babestu zuten lanuztea, eta CCOO eta UGT kontra agertu ziren. Azken horiek hasieratik eskatu dute grebari buruzko erabakia erreferendumean hartzea.
Behargin bat hil da Zamudion, lan-istripuz
Langileak 61 urte zituen. Ezbeharra ostegun goizean gertatu da, Ugaldeguren industrialdean, eta biktima bertan hil da, osasun-zerbitzuek esku hartu duten arren. ELAk lan-istripua salaktzeko elkarretaratzea deitu du maiatzaren 5erako.
AAk 2,3 milioi lanpostu suntsitu ditzake datorren hamarkadan Espainian
Bereziki enplegatu administrarien eta erdi-mailako zein goi-mailako teknikarien taldeei eragingo lieke. Hala ere, AAri lotutako 1,61 milioi lanpostu berri inguru sortuko lirateke eta, horrek, suntsitutako lanpostuen zati handi bat konpentsatuko luke.