2015ean soldatak % 1 igotzea adostu dute patronalak eta sindikatuek
Kostata, baina iritsi da. Espainiako patronalak eta CCOO eta UGT sindikatuek 2015 eta 2016. urteetan lan hitzarmen kolektiboek jaso beharreko soldata igoeren inguruko akordioa lortu dute; 2015ean % 1ekoa izango da igoera, eta 2016an, % 1,5ekoa, aldeek jakinarazi dutenez.
Atzo, bilera egin zuten Juan Rosell eta Antonio Garamendi CEOE eta Cepyme patronaletako presidenteek eta Ignacio Fernandez Toxo eta Candido Mendez CCOO eta UGT sindikatuetako idazkari nagusiek.
Hilabeteak daramatzate aldeek negoziatzen; alferrik. Astelehen honetan lortu dute ados jartzea. Enplegurako eta Negoziazio Kolektiborako Akordioa (izenpetzear dagoena hirugarrena da) ez da loteslea, eta aholku gisa erabiltzen da hitzarmen kolektiboetan. Estatuko hitzarmen handietan jarraitu ohi da (banketxeetako eta industria kimikoko sindikatu eta patronalak akordioa noiz heldu izan dira), eta baita CCOO eta UGT nagusi diren enpresetan ere.
Soldatak igotzeko klausula, oztopo nagusia
Hitzartutako soldata igoeraz gain, KPIa espero baino gehiago igotzen bada, langileen erosteko ahalmena handitzeko klausula bat egotea proposatu dute sindikatuek. Hala, prezioak % 2,5 baino gehiago garestitzen badira, klausula indarrean sartuko da.
Patronalak, ordea, zalantzan jarri du klausula hori, inflazioa egonkor mantenduko dela uste du eta.
Ultraaktibitatea hitzarmenean sartu edo ez dute eztabaidagai orain. Iraungita dauden hitzarmenetako baldintzak bermatu nahi dituzte sindikatuek, eta bi aldeek batzorde tekniko bat sortu zuten gaia aztertzeko.
Beste bilera bat, gaur bertan
Astearte arratsaldean, berriz bilduko dira bi aldeak, akordioa itxi eta eztabaidagai dauden gaiak adosteko asmoz.
Sindikatuek gaur bertan izenpetu nahi dute. Patronalak, ordea, ez du horrenbesteko presarik.
Zure interesekoa izan daiteke
Saltokietan eskuko telefonoarekin ordaintzeko aukera emango du Bizumek maiatzaren 18tik aurrera
CaixaBank, Sabadell eta Bankinter izango dira Bizum bidezko ordainketak baimentzen lehenak. Laboral Kutxak ere hilaren 18tik aurrera eskainiko du aukera, baina denda kopuru mugatu batean.
Lanera itzuli nahi duten Amurrioko Tubos Reunidoseko beharginek lantegira sartzeko autobusa izango dute asteartetik aurrera
Ostegunean, 232 langilek, CCOOk eta UGTk babestuta, greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka. Neurri horren helburua, enpresaren arabera, lanera itzuli nahi duten horiek lantokira segurtasun baldintza egokietan sartu eta irtetea da.
ELAk ezkutuko 28 kaleratze salatu ditu Sidenorren Azkoitiko lantegian Reinosara lekualdatzeko prozesuan
Ohar batean, enpresak esan du ez dela "kaleratze bakar bat ere" izan Azkoitian, eta 32 pertsona joango direla Reinosara, horietako bi euren borondatez.
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.