Roberto Larrañaga, SEAren hautagaia Confebaskeko presidente izateko
Roberto Larrañaga Confebaskeko hurrengo presidentea izateko proposatzea erabaki dute SEAko Batzorde Exekutiboak eta Batzarrak arratsaldean, Gasteizen, Arabako patronalak jakinarazi duenez.
Erabakia hartu eta gero, lehendakariari, Garapen Ekonomiko eta Lehiakortasunerako sailburuari, Enplegu eta Gizarte Politikarako sailburuari, Miguel Angel Lujua Confebaskeko presidenteari, Cebeki eta Adegiri eman die proposamenaren berri SEAko presidenteak.
Confebaskeko Estatutuak betez, uztailaren 20an aurkeztuko dio Larrañagaren hautagaitza Arabako patronalak Batzorde Exekutiboari, eta egun horretan bertan berretsi beharko du Confebaskeko Kontseilu Nagusiak.
Roberto Larrañaga Oyanguren (Eibar, 1958) enpresaburua Gasteizen bizi da 1981az geroztik. Eraikuntza eta sustapen sektorearekin lotura du. Zikotz SA Arabako enpresa zuzentzen du. Konpainia 1984an sortu zuten.
Zure interesekoa izan daiteke
SMU medikuen sindikatuak deitutako grebaren jarraipena % 4koa da, Osakidetzaren arabera
Repsolek auzitara eraman ditu Endesa, Iberdrola, Naturgy eta Red Electrica, itzalaldiagatik
Etxebizitzaren prezioak markak hautsi ditu berriro: 6.662 €/m2 Donostian eta 4.102 €/m2 Gipuzkoan
Espainiako Gobernuak bihar onartuko du gutxieneko soldata 1.286 eurora igotzea