Negoziazio kolektiboak 'porrot' egin duela aitortu du Confebaskek
Miguel Angel Lujua Confebaskeko presidenteak aitortu egin du negoziazio kolektiboak "porrot" egin duela, eta patronalak "erantzukizunaren zati bat" onartzen duela. Porrota "denona" dela ohartarazi du.
Lujuak bere agintaldiaren balantzea egin du Radio Euskadin, hilabete amaieran kargua utziko baitu. Horren ildotik, Presidentetzara heldu zenean ETA aktibo zegoela eta krisi ekonomikoa oso sakona zela gogorarazi du.
Uztailaren 20an kargua uzten duenean, baina, "bake-prozesua guztiz errotuta dago eta ez du atzera bueltarik". Gainera, "ekonomiaren ikuspuntutik, etorkizuna itxaropentsua da".
Aitzitik, agintaldiko "puntu beltza" negoziazio kolektiboa "guztiz blokeatuta" egotea dela aitortu du. "Confebask ez dago eroso blokeo testuinguru horretan, pertsonentzat kaltegarri baita", esan du, eta hurrengo presidenteari laguntza eskaini diola gaineratu du, "borondateak batzeko".
Bestalde, Espainian egindako erreformak "mingarriak" badira ere, "egokiak" izan direla adierazi du, baina "oraindik asko dago egiteko", horren esanetan, eta energia, zerga eta hezkuntza alorrak eta lan-kostuak aipatu ditu hobetu beharrekoen artean.
Halaber, Espainiako Konstituzioa erreformatzearen alde agertu da, erkidegoen finantziazioaren esparruan batik bat. Nolanahi ere, EAEko Kontzertu Ekonomikoa babestu beharra dagoela iritzi dio, "funtzionatu" egiten baitu. "Euskal ekonomiaren motorra izan da, eta alderdi guztiek defendatu beharko lukete", nabarmendu du.
Zure interesekoa izan daiteke
Baso-langile bat hil da Zornotzan, zuhaitz batek kolpatuta
Lan-istripua 18:30 aldera gertatu da, eta, osasun-langileak bertaratu diren arren, ezin izan dute ezer egin haren bizitza salbatzeko.
Honela banatzen da ostatu turistikoaren eskaintza Euskal Autonomia Erkidegoan
Euskadiko Turismo Enpresen eta Jardueren Erregistroaren azken datuaren arabera, gaur egun 88.604 turismo-plaza daude, ia erdia Bizkaian. EAEko 19 udalerritan 750 ostatu-plaza baino gehiago daude.
Eusko Legebiltzarrak uko egin dio etxebizitza-edukitzaile handien erregistro bat egiteari
EH Bilduren eskariz eztabaidatu da gaia Osoko Bilkuran. Koalizioaren jatorrizko ekimena baztertu egin dute bozketan, baita Sumarren zuzenketa bat ere; aldiz, EAJren eta PSE-EEren zuzenketa bat onartu da. EH Bilduren proposamenak edukitzaile handien erregistro bat eegitea eskatzen zuen, izan pertsona fisiko naiz juridikoena, Nafarroan edo Katalunian daundenen gisan.
Interes-tasak % 2an mantendu ditu EBZk, bosgarren aldiz, merkatuek espero bezala
Europako Banku Zentraleko (EBZ) Gobernu Kontseiluak joera aldatu gabe jarraitzea erabaki du, 2025eko ekainean malgutze-zikloa eten ondoren. Ziklo horrek oinarrizko 200 puntu murriztu zuen diruaren prezioa, beheranzko zortzi doikuntzen bidez.
Hurtado sailburuak turismo-zerga 2027an EAE osoan aplikatu ahal izatea espero du
Javier Hurtado Turismo sailburuak "positibotzat" jo du aldundiek egindako foru arauaren edukia, eta hiru lurralde historikoetarako araudi "homogeneoa" dela nabarmendu du. Gainera, zerga progresiboa izatea txalotu du, "gehien duenak gehiago ordaintzea" eragingo duelako.
Bizkaian garraio publikoko deskontuak abenduaren 31ra arte luzatuko dira
14 urtetik beherako adingabeek garraioa doan izango dute urte amaierara arte eta deskontuak egongo dira Gazte tarifetan eta bidaia ugariko gainerako abonuetan. Hobari-neurriak otsailera arte zeuden indarrean, eta ostegun honetan Bizkaiko Garraio Partzuergoak erabaki du abenduaren 31ra arte mantentzea.
EAErako zerga turistikoa onartzeko aurreproiektua, martxan: eguneko 7,5 eurorainokoa izan daiteke
Egonaldi turistikoen gaineko zerga udarako indarrean izatea aurreikusten dute Araba, Bizkaia eta Gipuzkoako aldundiek. Hori bai, udalerri denetan ez da aldi berean indarrean sartuko, batzar nagusiek zerga onartu eta foru araua lurralde bakoitzeko agerkari ofizialetan argitaratu ostean, udalek sei hilabeteko epea izango dutelako udal-ordenantzak egokitzeko. Udalerri bakoitzari dagokio zerga kobratzea.
BBVAk 10.511 milioi irabazi ditu 2025ean, % 4,5 gehiago
Aldaketa-tasa egonkorra erabilita, mozkinen hazkundea % 19,2koa izan zen. Erakundeko presidenteak adierazi duenez, errekor berri horrek agerian uzten du "hazkundea eta errentagarritasuna konbinatzeko dugun gaitasuna".
ELA, LAB, CC. OO. eta ESK sindikatuek Ertzaintzak Gasteizen manifestari "baketsuen" aurka egindako "erasoak" salatu dituzte
Arabako esku-hartze sozialaren sektorean lan-hobekuntzak eskatzeko mobilizazioa egin dute Arabako hiriburuan.
Inbertitzaileen euskal partzuergoak Uvesco erosteko prozesua amaitu du
Uvesco Taldeak, BM eta Super Amara marken matrizeak, 344 establezimendu eta 7.000 langile baino gehiago ditu gaur egun. Banaketa taldeak Hego Euskal Herrian, Madrilgo Erkidegoan, Avilan, Kantabrian eta Errioxan jarduten du une honetan.