Villalabeitiak soldataren % 25ari uko egin zion 2015ean
2015eko soldataren zati aldakorreko 200.000 bat euro jasotzeari uko egin dio Gregorio Villalabeitia Kutxabankeko presidenteak. Hori urteko soldataren % 25 inguru da.
Erabakiaren berri gaur eman du entitateak, bankuaren atarian argitaratutako agiri baten bidez.
Kutxabanken “eraginkortasuna hobetzeko egiten ari diren esfortzuarekin” bat egiteko erabaki pertsonala hartu duela azaldu du Villalabeitiak agirian.
Polemika
Villalabeitia 2014ko azaroan Kutxabankeko presidente izendatu zuten, Mario Fernandezek dimisioa eman ondoren. Hiru hilabete geroago, 2015eko otsailean, polemika piztu zen; izan ere, Kutxabankek presidente berriaren soldata % 73 igo zuela jakitera eman zuten.
Villalabeitiaren soldata 800.000 eurotan kokatu zen, horietatik 600.000 soldata finkoa dira eta 200.000 bat zati aldakorra, hau da, diru hori irabazteko baldintza batzuk bete behar dira, etekinak lortu, esaterako.
Enpresaburuen eta sindikatuen kritikak
Soldataren igoerak sektore ezberdinen kritikak eragin zituen; izan ere, Mario Fernandezek bere azken urtean 463.500 euro irabazi zituen, eta haren soldatak beherakada baino gehiago izan zuen.
Bestalde, soldataren % 25ari uko egitea “ohikoa ez” dela goraipatu dute Kutxabankeko iturriek, are gehiago, soldata hori finantza sektorearen “behealdean” kokatzen denean, beste enpresa handi batzuetako zuzendariena baino txikiagoa denean, alegia.
Zure interesekoa izan daiteke
52 urteko gizon bat hil da Valtierran, lan-istripu batean
Ezbeharra hondakinak kudeatzeko enpresa batean gertatu da, Nafarroako udalerriko abeltzaintza-industrialdean. Lehen ikerketen arabera, kargatzeko pala batek jo du langilea.
Tubos Reunidosek hitzarturiko kaleratzeekin bat egin dezaten eskaini die finko bihurtutako 42 langileei, aldi baterako langileen baldintzekin
Lan Ikuskaritzak, asteazkenean batzordearekin eta enpresarekin egindako bilera batean, Tubos Reunidosek lege iruzurrez egindako 42-47 behin-behineko kontratu atzeman zituen. Hori dela eta, enpresak finko egin behar izan ditu langileak. Sindikatuek azaldu zutenez, enpresak martxoaren 31ra arte luzatu zituen kontratazio horiek.
Ertzaintzan hauteskunde sindikalak egingo dituzte gaur, lantaldea handitzeko eskaera mahai gainean dutela
Botoa emateko eskubidea duten 7.078 ertzainek 60 ordezkari aukeratu beharko dituzte: 17 Araban, 23 Bizkaian eta 20 Gipuzkoan.
Brent upela % 2 igo da, 104 dolarreraino, Irango gatazkaren eboluzioaren zain
Asteazkenean, % 2,17 jaitsi zen, gerrari amaiera emateko negoziazioek aurrera egiteko aukerak bultzatuta, eta AEBk Irani ebazpen-plan bat proposatu baitzion. Iranek plana onartu ez, eta berea aurkeztu du.
Euskadiko Lan Ikuskaritzak lege iruzurrez egindako 42-47 behin-behineko kontratu atzeman ditu Tubos Reunidosen
Langileen batzordeak bilera izan du goizean Eusko Jaurlaritzako Lan Ikuskaritzako ordezkariekin, Gasteizen, eta batzarrak iraun duen bitartean, dozenaka langilek protesta egin dute atarian.
Erregaien krisiak arrantza-sektorea astindu du: lehen ontziak geldirik, Ondarroan
Gasolioaren garestitzeak alturako flotaren zati bat portuan egotera behartu du. Bitartean, sektoreak bideragarritasuna bermatzeko laguntza gehiago eskatzen ditu.
Behargin bat hil da Goiaingo industrialdean, lan-istripuz
Ezbeharra 20:00ak aldera gertatu da, eta bertaratu diren larrialdi-zerbitzuek ezin izan dute langilea suspertu.
Osasun Ministerioak bi bilera egingo ditu aste honetan, medikuen grebari buruz hitz egiteko
Ostegunean greba batzordearekin bilduko da, mobilizazioak eragin dituzten gatazka-puntuak aztertzeko. Ondoren, ostiralean, egoeraren berri emango die autonomia-erkidegoei Osasun Sistema Nazionaleko Lurraldearteko Kontseiluan.
Tubos Reunidosek enplegu-erregulazioko espedientea aurkeztu du, eta 285 kaleratze iragarri
200 langile baino gehiago (152, Amurrion, eta 53, Trapagaranen) hitzartutako kaleratzeen bidez egotziko dituzte. Aldi baterako kontratudun langileak (80 bat), ordea, hilaren amaieran kaleratuko dituzte.
Tubos Reunidos onbideratzeko aukera txikiena ere esploratzeko eskatu dio Otxandianok Jaurlaritzari, enpleguaren aldeko konpromisoari azkenera arte eusteko
Pello Otxandiano EH Bilduren bozeramaileak Euskadi Irratian egin dioten elkarrizketan adierazi duenez, gaur bertan ELA, LAB, CCOO eta UGT sindikatuen idazkari nagusiekin harremanetan jarriko da hizkuntza eskakizunen aferari irtenbidea emateko EH Bilduk planteatzen duen proposamen zehatza aurkezteko; EAJk eta PSE-EEk mahai gainean daukate dagoeneko.