Langabezia tasa bi puntu jaitsi da EAEn, % 14,5era
Langabezia-tasak bi puntu egin zuen behera Euskal Autonomia Erkidegoan 2015eko azken hiruhilekoan, % 14,5era jaitsi baitzen. Horrela, aurreko hiruhilekoarekin alderatuta (% 14,7), bi hamarren jaitsi da langabeen kopurua, Eustat Euskal Estatistika Institutuak emandako datuen arabera.
Orotara, Araban, Gipuzkoan eta Bizkaian 889.900 pertsona zeuden lanean iazko azken hiruhilekoan, aurrekoan baino 4.300 gehiago. Lanean ari den eta langabezian dagoen herritar multzoaren bilakaerari erreparatuta, Eustaten arabera, jarduera-tasa % 57,4koa zen hiruhileko horretan, aurrekoan baino bi hamarren gehiago.
Emakumeei eragin die gehien okupazio-handitze horrek, aurreko hiruhilekoan baino 2.300 emakume gehiago eta 1.900 gizonezko gehiago zenbatu baitituzte Gizarte Segurantzan izena emanda.
Datu hori lurraldez lurralde aztertuta, 2.700 langile gehiago zenbatu dituzte Bizkaian, 1.000 langile gehiago Araban, eta 500 gehiago Gipuzkoan.
Alor guztietan egin du behera langabeziak, eraikuntzan izan ezik. 3.000 langile gehiago zenbatu dituzte zerbitzuen sektorean, 1.200 gehiago industrian eta 400 gehiago lehen sektorean. Eraikuntzan, berriz, 200 langile gutxiago zenbatu dituzte.
Eurostatek, EBko Estatistika Bulegoak, zabaldu berri dituen datuen arabera, % 9,1ekoa zen Europar Batasuneko langabezia-tasa iazko azaroan, eta % 21,4koa, berriz, Espainiakoa.
Zure interesekoa izan daiteke
Petronorrek 27,8 milioi irabazi zituen 2025ean, aurreko urtean baino % 61 gutxiago, itzalaldiaren eta hiru hilabeteko grebaren eraginez
Konpainiak apirileko itzalaldiaren eraginari eta urteko azken hiruhilekoko lan-gatazkari egotzi die irabazien beherakada. Hala ere, inbertsioak % 48 igo zituen, 217,8 milioi euroraino.
Petrolioaren prezioa % 5 jaitsi da, 98 dolar ingururaino, AEBren eta Iranen arteko elkarrizketen traza ona dela eta
Brenta 98,1 dolarretan kotizatzen da gaur goizean, joan den ostiralean Europan burtsak ixtean kotizatzen zen 103 dolarretatik behera, % 5,2 gutxiago, zehazki. Ekialde hurbileko gerra laster bukatuko den itxaropenak bultzatuta, Asiako Burtsak igoerekin ekin diote egunari eta Burtsa europarren gerorako inbertsioek ere % 1 egin dute gora.
Lekeitioko arrantzale bat hil da Senegalgo uretan
Bermeoko ATUNSA enpresako langilea zen. LAB sindikatuaren esanetan, "heriotza ez traumatiko" gisa sailkatu dute, eta enpresa horretan aurten izan den bigarren heriotza ez traumatikoa izan dela salatu du.
Pakistandarrak lanean esplotatzeagatik ikertutako hiru pertsonak aske utzi dituzte, Espainiatik irtetea galarazita
Ikertuek epailearen aurrean ez deklaratzeko eskubideari heldu diote, eta epaileak pasaportea kentzea eta hileko lehenengo egunean eta hamabosgarrenean epaitegian agertzea agindu du.
A-15 autobidea osorik zabalduko dute igandean, tunelak egokitzeko lanak guztiz amaitu ostean
Asteburuan behin-behineko seinaleak eta obrako gainerako elementuak kenduko dira eta, lanak bukatzeko, Andoain eta Berastegi artean itxita egongo da errepidea, ostiral gauetik igandera bitarte.
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan, Bilboko egoitzan. Erakundeetako eta enpresa munduko ordezkariak bildu ditu ekitaldiak, eta konpainiaren historia gogora ekarri dute. "Argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolaren presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.