EiTBk esan du soldata murrizketaren kontrako epaia bete egingo duela
EiTBren zuzendaritzak jakinarazi du laster beteko duela %5eko soldata murrizketaren kontra Auzitegi Gorenak emandako epaia. Eusko Legebiltzarrak 2010ean onartu zuen soldatak %5ean murrizteko legea, baina Gorenak ebatzi du arau horrek Konstituzioa urratzen duela, eta, beraz, urte hartara arte indarrean zeuden soldatak ezartzeko agindua eman du, aipatu murrizketa baliorik gabe utzita.
Auzitegi Gorenak Euskal Telebistari buruz duela gutxi emandako epaiaren eta % 5eko soldata-jaitsierari buruz, EiTBko Zuzendaritzaren oharra oso-osorik:
EiTBn eta haren sozietateetan 2010. urtetik aurrera aplikatu den % 5eko soldata-jaitsierari buruz Auzitegi Gorenak eman duen epaia ikusita, Zuzendaritzak hauxe jakinarazi nahi du:
1.- Euskal Autonomia Erkidegoko Justizia Auzitegi Nagusiak hiru epai eman zituen EiTB, Euskal Telebista eta Eusko Irratiari zegozkienak, hurrenez hurren. Bertan adierazi zuen EiTBko Zuzendaritzak 2010. urtean modu egokian aplikatu zuela Eusko Legebiltzarraren ekainaren 24ko 3/2010 Legea, zeinaren bidez soldata-jaitsiera horiek egitea derrigortu zen, bai funtzionarioei, bai Eusko Jaurlaritzaren mende dauden erakunde zein sozietate publikoetako langileei.
2.- Ondoren, Auzitegi Gorenak bi epai irmoren bidez, soldata-jaitsiera horiek berretsi zituen EiTB eta EUSKO IRRATIArentzat, hurrenez hurren, eta onetsi zuen EiTBko Zuzendaritzak modu egokian aplikatu zuela aipatutako legea; izan ere, ulertzen da lege hori betetzea hitzarmen kolektiboa aplikatzearen gainetik dagoela. Gainera, Fiskaltza, beren-beregi, enpresak hartutako erabakiaren legezkotasunaren alde agertu zen.
3.- Auzitegi Gorenak, Euskal Telebistaren inguruko epaia eman aurretik, konstituzio-kontrakotasun gaia Konstituzio Auzitegian aurkeztu zuen, aipatutako euskal legea Espainiako Konstituzioaren aurkakoa izateko aukera bazegoen ikusteko. Auzitegi Gorenak une horretan bertan antzeko konstituzio-kontrakotasun erabaki bat hartu zela jakin zuen, Kantabriako sozietate publiko batean egindako soldata-jaitsierei zegokiena, hain zuzen ere.
4.- Konstituzio Tribunalak epaia eman zuen iaz, eta, hain zuzen ere, sindikatu errekurtsogileek eskatuta, adierazi zuen euskal legea Espainiako Konstituzioaren mende dagoela; izan ere, zehaztu zuen Eusko Legebiltzarrak eta Eusko Jaurlaritzak ez zutela eskumenik Espainiako Gobernuak 2010. urtean emandako soldata-jaitsieraren inguruko legearekiko ezberdina zen beste lege bat emateko eta ateratzeko, Espainiako legeak oinarrizko arautegiaren izaera baitzuen, eta, beraz, Espainiako Estatua da horren gainean eskumena duen bakarra. Horrenbestez, izaera konstituzionaleko eztabaida da, Euskal Autonomia Erkidegoaren eskumenei buruzkoa baina estatuko eskumenei dagokienez, sindikatuek alegatu zuten bezala. Eztabaida hori ez dago EiTBren Zuzendaritzaren esku. Zuzendaritzak, orain arte, Eusko Legebiltzarrak 2010. urtean onetsitako legea aplikatzeko betebeharra baino ez du bete, baita Justizia Auzitegi Nagusiak eta Auzitegi Gorenak gai horren inguruan bere garaian emandako epaiak ere.
5.- Euskal legea Konstituzioaren aurkakoa zela esaten duen Konstituzio Auzitegiaren epaia ikusita, Auzitegi Gorenak epai bat eman zuen 2016ko martxoaren 3an, EiTBri apirilaren 4an, astelehena, jakinarazi zitzaiona. Epaia EUSKAL TELEBISTAri zegokion, eta haren bidez, sindikatuek errekurtsoa jartzeko planteatutako arrazoi guztiak ezetsi ziren bat izan ezik: euskal legeak Espainiako legea urratzen du. Konstituzio Auzitegiak arrazoi hori aintzat hartu zuen. Hori horrela, Auzitegi Gorenak adierazi du enpresa horrek egindako soldata-jaitsiera ez dela egokia, eta derrigortu du jaitsiera hori egin aurretik zeuden soldatak berriz jartzera, Eusko Legebiltzarrak 2010. urtean Euskadin aplikatzeko onetsitako legea Espainiako Konstituzioaren aurkakoa dela baitio.
6.- Beste alde batetik, Auzitegi Gorenak orain eman duen epaiak ezetsi ditu Itzarri BGAEri emandako enpresa-ekarpenak deuseztatzearen inguruan sindikatuek zituzten pretentsioak , eta, ondorioz, Euskal Autonomia Erkidegoko Justizia Auzitegi Nagusiak emandako aurreko epaia berretsi du, baita Auzitegi Gorenak EiTB eta EUSKO IRRATIAri buruz emandakoak ere; izan ere, ulertzen da kasu horretan Eusko Legebiltzarrak eskumena zuela neurri hori hartzeko.
Eztabaida horrek, izaera politiko eta konstituzionala duenak, ez du inolako zerikusirik EiTBko Zuzendaritzarekin, gaur egungo zein aurreko zuzendaritzak legea betetzera mugatu baitziren, besterik ez. Hala ere, duela gutxiko erabaki judiziala ikusita, EiTBko Zuzendaritzak jakinarazi nahi du laster Auzitegi Gorenak emandako epaia onartu eta beteko duela, bere terminoetan.
2016ko apirilaren 4a
Zure interesekoa izan daiteke
Makinistek greba abiatu dute, tren zerbitzuaren krisiaren ostean
Jaurlaritzak % 50eko gutxieneko zerbitzuak ezarri ditu puntako orduetan, eta % 25ekoak gainerako orduetan Bilboko eta Donostiako aldiriko bost lineetan, trenbide sektoreko sindikatuek otsailaren 9an, 10ean eta 11n deitutako hiru greba egunetarako.
Amurrioko Tubos Reunidoseko langileek 24 orduko lanuzteari ekin diote, enplegu-erregulazio prozesuari aurre egiteko
Igandeko 22:00etan hasi da lanuztea. Astelehen honetan bilduko da zuzendaritza Amurrioko zein Trapagarango lantegietako ordezkaritza sindikalarekin, eta enplegu-erregulazioko txostenaren berri emango die. UGT beldur da kaleratzeak 130 baino gehiago izango ote diren.
Talgok 1.332 milioi euroko kontratua lortu du Saudi Arabian, abiadura handiko 20 tren egiteko
Jose Antonio Jainaga urtarrilean tren-konpainia horretako presidente izendatu zutenetik sinatutako lehen kontratu handia da. 20 tren horiek Talgok 2018an hornitu zituen 35 trenei gehitu behar zaizkie.
Ertzaintzaren lan eskaintzarako lehen probak atzerapenarekin hasi dira, espero baino jende gehiago aurkeztu baita
Aurreikusitakoa baino ordubete eta laurden geroago hasi dira azterketak, leku eta proba gehiago prestatu behar izan dituztelako; izan ere, hautagaien % 70 aurkeztu ohi dira, eta % 85etik gora bertaratu dira gaurkoan. Segurtasun Sailak ohar bidez azaldu duenez, sindikatuei eman diete jada gertatutakoaren berri, baina Legebiltzarrean agerraldia eskatu du azalpenak emateko.
Eusko Jaurlaritzak eta Espainiako Gobernuak gutxieneko zerbitzuak ezarri dituzte datorren asteko trenbideen sektoreko grebari begira
Trenbideko sindikatu nagusiek (CCOO, UGT eta makinisten Semaf) datorren asterako deitutako grebari eutsiko diote, otsailaren 9tik 11ra.
Metal Groupek enpresa-batzordeekin eta administratzailearekin aztertuko du konkurtsoaren eta lantegien itxieraren ondorengo egoera
COOOko iturriek adierazi dutenez, egoera zaila da, eta, gainera, zaila da lantegien jarraitutasuna bermatuko lukeen erosle bat aurkitzea.
Elkarrekin Podemosek zuzenketak aurkeztuko dizkio turismo-zergari "progresiboa eta udalerrien errealitatera egokitua" izan dadin
Miren Echeveste Elkarrekin Podemosen Gipuzkoako Batzar Nagusietako bozeramaileak esan duenez, bere taldeak "jarrera ireki, arduratsu eta eraikitzailearekin" egingo dio aurre zerga honen negoziazioari, "aurreproiektua indartzeko eta herri eta hirietako bizitzarekin bateragarria den turismo eredu jasangarriago baterantz aurrera egiteko".
Adegi: "Absentismoak gizarte osoaren kezka izan beharko luke, ez bakarrik enpresariena"
Jose Miguel Ayerza Adegiko zuzendari nagusiak positibotzat jo du Cebekek gai horretan neurriak hartzeko eskatu izana. "Eragile guztiok partekatu beharko genuke diagnostikoa, eta neurriak jarri beharko genituzke hori murriztu ahal izateko", gaineratu du.
Donostia da hiribururik garestiena: 6.107 euro metro karratuko
Donostia da, alde handiarekin, hiribururik garestiena, Madril, Bartzelona, Palma eta Bilboren aurretik, baina Gasteiz eta Iruñea ere Estatuko 10 hiri garestienen artean daude.
Enplegu-erregulazioko espedientea bertan behera uzteko eskatu du Tubos Reunidoseko enpresa batzordeak, "borrokari" bidea irekita
Mikel Jauregi Industria sailburuak esan du otsailaren 13an Tubos Reunidoseko enpresa batzordearekin egingo duten bileran konponbideak bilatzen saiatuko direla, besteak beste, enplegu-erregulazioko espedientearen ondorioak "txikitzeko".