Milaka pertsona bildu dira Bilbon euskal industriaren defentsan
Milaka pertsona manifestatu dira larunbat honetan Bilbon euskal industriaren defentsan eta azken aldian euskal industrian iragarri dituzten itxieren eta murrizketen aurka (altzairuaren sektorekoak, kasu), ELA, LAB, CCOO eta UGT sindikatuek deituta.
Martxa bukatu ostean, antolatzaileek azpimarratu dute "industriarik gabeko herrialdea, etorkizunik gabeko herrialdea" dela, eta ohartarazi nahi izan dute milaka familien etorkizuna "dudazkoa" dela.
Manifestazioa eguerdiko hamabietan atera da Jesusen Bihotza plazatik "Gure industriaren defentsan. Industria politika erreal baten alde" lelopean, eta Areatzan bukatu da. Aipatutako sindikatuez gain, Steilas, ESK edota LSB-USO sindikatuek ere deialdiarekin bat egin dute.
Metalgintzako federazioen ekimenez egin da mobilizazioa, euskal altzairugintzak bizi duen egoera zailaren harira; une honetan ekoizpena etenda duten ArcelorMittal Sestao eta ArcelorMittal Zumarraga lantegiak horren lekuko.
Protestarekin bat egin dute politikako hainbat ordezkarik ere; besteak beste, Itxaso Atutxa, EAJko BBBko presidentea; Idoia Mendia, PSE-EEko idazkari nagusia; Nerea Llanos PPko idazkari nagusia; Hasier Arraiz, Sortuko presidentea, eta Eduardo Maura, Podemoseko senataria.
Manifestazioa bukatu denean, antolatzailek ohar bat irakurri dute euskaraz eta gaztelaniaz, eta "industria politika" baten gabezia eta "botere ekonomikoarekiko gobernuek duten mendetasuna" salatu dute. "Industriarik gabeko herrialdea, etorkizunik gabeko herrialdea da", azpimarratu dute.
Hala, ELAko Unai Martinezek "epe motzetik haratago doan industria politika" izatea eskatu du. CCOO sindikatuko Unai Sordok, berriz, industria defendatzeko "instituzioen arteko" konpromiso bat egotea eskatu du, zeren, esan duenez, "industria galtzen duen herrialde batek bere ekonomia desorekatzen du".
LABeko idazkari nagusi Ainhoa Etxaideren esanetan, herrialde baten inbertsiorik onena industria da, "etorkizun ekonomikoa eta enplegua" ziurtatzen baititu. Aldi berean, UGT sindikatuko Raul Arzak azpimarratu du industria-enpresek beti eskaintzen dutela kalitate gehiago duten lanpostuak.
Alderdi politikoei dagokienez, Itxaso Atutxak (EAJ) ziurtatu du bere alderdia "lanpostu bat zalantzan, kolokan dagoen tokian" han izango dela. EH Bilduko Hasier Arraizek Eusko Jaurlaritza kritikatu du, industria-politika bat ez izategatik, eta, aldi berean, "Madrileko betoei aurre egiteko" subiranotasuna izatea eskatu du.
Idoia Mendia PSE-EEko idazkari nagusiak gogorazi du Jaurlaritzak daukala industriaren eskuduntza "esklusiboa", eta EBri eta Espainiako Gobernuari neurriak eskatzea baino "askoz gehiago" egin dezakeela. Nerea Llanos PPko ordezkariak ere Jaurlaritzari eskaera zuzendu dio, eta autogobernua erabil dezala eta gainerakoei erruak botatzeari utz diezaiola esan dio.
Podemosen partetik, Eduardo Maurak industriak sektore estrategiko gisa duen garrantzia nabarmendu du, "euskal gizartearen etorkizunaren eta ongizatearen zati bat jokoan dagoelako".
Tapia: Eusko Jaurlaritzak "beti izan du" bere industria-politika
Arantxa Tapia Ekonomiaren Garapen eta Lehiakortasun sailburuak gaur Bermeon ziurtatu duenez, Eusko Jaurlaritzak "beti izan du" berezko industria-politika bat, industriak herrialdearen bizkarrezurra izan behar duela sinetsita. Hala, bere hitzetan, politika horrek nazioartekotasuna eta berrikuntza bultzatzen ditu, eta euskal enpresei laguntza emateko tresna ekonomikoak eskuragai jartzen ditu.
Nahiz eta altzairuarena bezalako sektoreek zailtasunak dituzten, Tapiak gogoratu nahi du industria hazten ari dela, 2016ko lehen hiruhilabetekoan izandako datuek adierazten dutenez, % 18 igo baitira eskariak.
Zure interesekoa izan daiteke
Pradalesek aliantza politiko berri bat aldarrikatu du, Europak "benetako autonomia" izan dezan "berrindustrializazioan"
'Bilboko Adierazpena' sinatuta amaitu da 'Leaders Meeting – Fit For The Future' goi-bileraren bigarren edizioa, Bilbon. Europak "oparotasun jasangarria, industria-lehiakortasuna eta autonomia estrategikoa sortzeko" duen ahalmena indartzea eskatzen du agiriak.
Volkswagenen lege urraketen aurrean "isilik" egotea egotzi dio ELAk Nafarroako Gobernuari
Sindikatuaren arabera, Lan Ikuskaritzak "iruzurrean" egindako 146 aldi baterako kontratu atzeman zituen Volkswagen Nafarroan eta 93 kontratu mugagabe egitera behartu zuen enpresa. Oraindik, ez duela agindua bete salatu du ELAk.
Amurrioko Tubos Reunidoseko batzordeak greba mugagabea baztertu eta mobilizazioen egutegi bat adostu du
Langileek bilera egin dute astearte honetan, enpresak iragarritako 301 kaleratzeei aurre nola egin erabakitzeko.
Sindikatuek salatu dute iaz Hego Euskal Herrian 84 lan heriotza jazo zirela
Osalanek, berriz, heriotza 42 zenbatu ditu azarora arte. Sindikatuen arabera, Eusko Jaurlaritzaren zenbaketak ez ditu garraiolarien heriotzak, heriotza ez-traumatikoak edo 'in itinere' gertatzen direnak kontuan hartzen.
Ertzain izateko hautagaien % 59k gainditu du psikoteknikoa, baremazioa aldatu ondoren
Zupiria sailburuak berretsi du kopuruak aurreko deialdietan baino txikiagoa izaten jarraitzen duela. Halaber, barkamena eskatu du joan den larunbateko proben hasieran izandako atzerapenagatik, eta prozesuak "segurtasun berme guztiak" bete zituela ziurtatu du.
Pradales lehendakariak "norabide berean arraun egiteko" eskatu die eragile guztiei, Tubos Reunidosi laguntzeko
Imanol Pradales lehendakariak Tubos Reunidos "erreferentziazko" enpresatzat jo du, besteak beste, ekonomiaren deskarbonizazioan eta trantsizio energetikoan giltzarri baita, eta azpimarratu du etorkizunean ere hala izaten jarraitu behar duela. "Egoerari aurre egiteko, denok norabide berean arraun egin behar dugu: zuzendaritza, langileak, hornitzaileak, hartzekodunak eta erakundeak", gaineratu du.
Osakidetzako LEPen filtrazioengatik ahozko epaiketa egitea agindu du Gasteizko epaile batek
2018ko maiatzaren 20an egin zen Kirurgia Plastiko, Estetiko eta Konpontzaileen espezialitateko azterketarekin lotutako bi pertsona eseriko dira akusatuen aulkian.
"Muga-zergak gorabehera, urte ona izan da makina-erremintarentzat"
Xabier Ortueta AFM clusterraren zuzendariak adierazi duenez, "aurten, eskarietan, AEB gure lehen merkatua izan da. Eskarien % 22 handik jaso ditugu". "Egoera kudeatzako zaila da, baina ondo manejatu gara makina-erremintaren behar handia dutelako", gaineratu du Ortuetak.
Cebeken ustez, greba mugagabea "ez da irtenbidea" eta Tubos Reunidosen "akabua" izango litzateke
Cebeken presidente Guillermo Bucesek gogorarazi duenez, Bizkaiko patronalak ohartarazi zuen TRk "bere ekoizpenaren zati oso handi bat Amerikako merkatura bideratuta" duela, "% 45 edo % 50 inguru", eta "merkatu hori, % 50eko muga-zerga ezartzeagatik, bat-batean desagertzen bazaizu, lantegien bideragarritasuna kolokan jartzeko moduko arazo bat duzu".
Tubos Reunidoseko langileek batzarra egingo dute arratsaldean, hurrengo zer pauso eman erabakitzeko
Goizean langileen batzordea osatzen duten ordezkariek bilera egingo dute, arratsaldeko batzarra prestatzeko. Zuzendaritzak 301 langile kaleratzeko (274 Amurrion eta 27 Trapagaranen) eta Amurrioko altzairutegia ixteko asmoa agertu die langileei.