Euskal sindikatuak nor bere aldetik ospatzen ari dira Maiatzaren 1a
Urtero legez, gaur, Maiatzak 1, igandea, Langileen Nazioarteko Eguna ospatuko da, eta euskal sindikatuek bakoitzak bere aldetik egingo dute beste behin ere.
ELA
"Gehiago balio dugu. Con reformas y convenios estatales, más precariedad y pobreza" lelopean ELAk bi hitzordu ditu. Lehendabizikoa kronologiko Iruñean egingo duena izango da, eta Gurutze plazatik aterako da 11:30ean hasita. Bigarrenak Bilboko kaleak zeharkatuko ditu 12:15etik aurrera, irteera puntua Jesusen Bihotzean egonik.
Adolfo "Txiki" Muñoz ELAko idazkari nagusiak mitina eskainiko du 11:45etik aurrera Bilboko Jesusen Bihotza plazan. Langilearen Eguneko aldarrikapenei dagokionez, ELAk euskal administrazioen politika "antisozialen" amaiera eskatuko du eta "eskubideen suntsiketa" ere salatuko du. Gainera, Confebask patronalak berriki aurkeztu duen lan harremanen eredu berria ere salatuko du, ELAren esanetan, sindikaturik eta hitzarmen kolektiborik gabeko lan esparrua helburu duena. Bestalde, "estatalizazioa" kritikatu du, sindikatuaren hitzetan "behin-behinekotasuna" ekartzen duelako.
LAB
LAB sindikatuak, bere aldetik, bere deialdiak biderkatuko ditu, hainbat baitira Euskal Herrian egingo dituen manifestazioak "Euskal Herria contra la precariedad. Langileok martxan eskuBIDEAk aktiBATUZ" mezua aldarri izanda. Arabako hitzorduak Gasteizen (12:30) eta Amurrion (12:00) dira, azken udalerri horretan Tubos Reunidosek lan-erregulazioko espedientea iragarri du. Bizkaian Sestaon egingo da manifestazioa, 12:30ean, eta hango ACB altzairu-lantegia itxi berri dutela aintzat hartuko dute. Gipuzkoari dagokionez, Donostian (12:30), Eibarren (12:00) eta Zumarragan (12:00) bilduko dira; hain justu ere, Zumarragan, ArcelorMittal enpresak 342 langile Asturiasera bidaltzeko asmoa azaldu du. Nafarroan deialdi asko ditu LABek gaurko, baina hiriburuan egingo dena izango da nabarmena: Gaztelu plazatik aterako da, 12:30ean. Ipar Euskal Herrian ere aldarrikatuko dituzte langileen eskaerak: Baionan (10:30), Maulen (11:00) eta Ziburun (11:00).
Ainhoa Etxaide LABeko idazkari nagusiak LABek Donostian deituriko manifestazioan parte hartuko du. Maiatzaren 1eko mobilizazioen harira, behin-behinekotasunari aurre egiteko alternatiba bat eraikitzearen beharra aldarrikatuko du, langileak batuz eta mobilizatuz. LABen esanetan, langileek botere ekonomikoari eta "sindikaturik gabeko" lan harremanen eredua proposatzen duen patronalari egin behar die aurre.
UGT eta CCOO
Euskadin ordezkaritza duten Estatuko UGT eta CCOO sindikatuei dagokienez, batera ospatuko dute Maiatzaren Lehena beste behin, eta hitzorduak izango dituzte EAEko hiriburuetan eta Nafarroakoan: Bilbo (11:30, Jesusen Bihotza), Donostia (12:00, Alderdi Eder), Vitoria-Gasteiz (12:00, Andra Mari Zuriaren plaza), Iruñea (12:00 autobus geltoki zaharra). Oraingo honetan aukeratu duten leloa honako hau da: "Contra la pobreza salarial y social. Lana eta Eskubideak".
Unai Sordo eta Raul Arza, hurrenez hurren, CCOOk eta UGTk Euskadin dituzten idazkari nagusiak Bilboko manifestazioan izango dira. Aipaturiko bi sindikatuek egungo politika ekonomiak aldatzea eskatuko dute, "behin-behinekotasuna eta pobrezia" sakontzea eragin dutela argudiatuta. Halaber, Euskadiko negoziazio kolektiboaren blokeoari irteera bat bilatzea ere aldarrikatuko dute. Bestalde, langileei etsipenean ez erortzeko eta ekainaren 26ko Espainiako hauteskunde orokorretan botoa emateko dei egin die.
STEILAS, CGT-LKN eta ESK
Bilbon Steilas, CGT-LKN eta ESK sindikatuek ere egingo dute manifestazio bateratua; 11:30ean abiatuko dira, Kale Nagusiko 56. zenbakitik. Gipuzkoan, "Langileen Askatasuna eta Eskubideak Berreskura Ditzagun" lelopean Errenteriatik Donostiara martxa egingo dute ESK, Steilas, CGT-LKN eta CO.BAS sindikatuek eta eguerditik aurrera Donostiako kaleak zeharkatuko dituzte, Boulevardetik hasita. Bestalde, Gasteizen, ESK, Steilas, CNT eta CGT elkarrekin aterako dira kalera 12:30ean Europa Zentro Zibikotik.
Zure interesekoa izan daiteke
Trumpek Venezuelako petrolioaren kontrola hartu zuenetik Europara heldu den lehen ontzia Bilboko portuan da
Hilabete eta sei egun igaro dira Josu Jon Imaz Repsoleko egungo kontseilari delegatua Etxe Zurian sartu zenetik, beste petrolio-enpresa batzuetako ordezkariekin, Venezuelako petrolio-industria berrabiarazteko. Hala, Trumpek industria horren kontrola hartu zuenetik Karibeko lehen petrolio-ontzia iritsi da azken orduotan Bilbora. Repsolek milioi bat upel eskuratu ditu, eta Petronorren plantan tratatuko dituzte, Muskizen.
Lanaldiei lotuta Euskadin egindako jarduketen % 60etan irregulartasunak antzeman zituen iaz Lan Ikuskaritzak
Emandako datuen arabera, Euskadiko Lan Ikuskaritzak 20.191 esku-hartze egin zituen iaz. Horietan 1862 arau-hauste antzeman ziren — 10,4 milioi euro —, eta 26.959 kontratu berrikusi; horietatik 1.788 kontratu mugagabe eta lanaldi osokoak bihurtu ziren.
Euskadik zerua ukitu nahi du aeronautikan: 110 milioi inbertituko ditu proiektu batean, eta 800 lanpostu sortu
ITP Aero izango da proposamenaren buru, eta hamabi enpresak hartuko dute parte harekin batera.
Estatutu propio baten aldeko aldarria zabaldu dute medikuek Donostian
Osakidetzan lehen arretako mediku bat egongo da gutxienez osasun-etxe bakoitzean. Baliteke urgentziazkoak ez diren ebakuntza batzuk bertan behera uztea.
Zer eskatzen dute medikuek?
Medikuen sindikatuek Estatutu Marko propioa eskatzen dute, euren lanbideak Osasunaren sektoreko gainerako lanbideetatik bereizten dituzten ezaugarriak dituela argudiatuta.
Espainiako Gobernuak gutxieneko soldataren igoera sinatuta, zenbatekoa izango da LGS berria?
Behin akordioa sinatuta, litekeena da Errege Dekretua astearte honetan onartzea, % 3,1eko igoerarekin.
Albiste izango da: medikuen greba, aireportuen eskualdatzea eta abisu horia euriagatik
Gaurkoan albiste izango direnen laburpena, bi hitzetan.
Tamara Yagüe (Confebask): "Industria atzeraldira hurbil daiteke une batzuetan; datozen hilabeteak erabakigarriak izango dira"
Arantza Ruizek Confebaskeko presidentea elkarrizketatu du ETBko "12 minutos" saioan. Yagüek azpimarratu du hazkundea ez dela etengabea sektore guztietan, eta, industriari dagokionez, zuhur jokatzea komeni dela adierazi du, "datozen hilabeteak erabakigarriak" izango baitira.
Sarralle taldea osatzen duten zazpi lantegitan sei hilabeterako erregulazio txostena jarriko dute martxan
Enpresak eta langileek ez dute akordiorik lortu lantegi gehienetan, eta kontsultetarako epea agortuta, astelehenetik aurrera indarrean izango da aldi baterako enplegu-erregulazioko espedientea (ABEEE). Taldeak arrazoi ekonomikoak eta teknologiari lotutakoak argudiatu ditu erregulazioko txostena abian jartzeko.
Galiziako itsaski-biltzaileak kezkatuta daude euriteen ondorioz itsaskiak hilda agertzen ari direlako
Berberetxoa % 30 garestitu da, bata bestearen atzetik izan ditugun ekaitzen ondorioz asko hil egin baitira. Galiziako itsaski-biltzaileak kezkatuta bizi dira denboraleen boladari begira, etengabeko euriek itsasadarren gazitasuna murriztu dutelako, eta, ondorioz, berberetxoen % 70 hil direlako.