Frantziako lan-erreforma polemikoaren gakoak
François Hollande Frantziako presidentearen Gobernuak sustatutako lan-erreformak hautsak harrotu ditu sindikatuen eta ezkerreko alderdien artean, baina patronalean eta alderdi kontserbadoreetan ere bai. Une txarrenean heldu zaio polemika estatuburuari, gainera, urtebete barru egitekoak baitira hauteskundeak, eta haren ospea inoizko baxuena baita; 10 herritarretik zortzi haren kudeaketaren aurka daude.
Erreformaren puntu polemikoenetakoa da lehentasuna ematen diela enpresetako itunei, hitzarmen kolektiboen aurrean, hots, enpresa-itun batek ordezka dezakeela Estatu mailan ezarritako lan-hitzarmen bat.
Horregatik, Frantziako sindikatu nagusietako bik, CGTk eta FOk, lege-proiektua erretiratzea eskatu dute.
Hasieran, eskuina eta patronala erreformaren alde agertu ziren, duela hiru hilabete ildo nagusiak ezagutu zituztenean, baina asteek aurrera egin ahala aldendu dira horretatik, Gobernuak hainbat aldaketa egin baititu sindikatuen babesa lortzen saiatzeko.
Beste hainbat gako
Erreformaren beste puntu polemiko bat du, erraztu eta merkatu egingo baititu kaleratzeak. Izan ere, nahikoa izango da bizpahiru hilabetez eskari gutxiago izatea edo diruzaintza alorrean arazoak daudela argudiatzea, nahiz eta epe horretan galerarik ez izan, kaleratze objektiboak egiteko.
Gainera, kalte-ordainak hiru hilabetekoak izango dira bi urtetik beherako antzinatasuna duten langileentzat, eta 15 hilabetekoak enpresa berean 20 urte baino gehiago eman dituztenentzat (gaur egun, 27 hilabetekoa da).
Halaber, erreformak kolokan jarriko du Frantziako ikurretako bat: 35 orduko lan-astea. Teorian, erreformak ez du ukituko lan-astea, baina, praktikan, 48 ordura (edo 60ra, baimena eskatuta) luzatzea ahalbidetuko du, trukean hurrengo astean 10era jaisten bada. Horren ondorioz, lan-astea 37,5 ordukoa izan ahalko da hiru hilabetez, batez beste.
Era berean, enpresaburuek lan-kontratua aldatzeko gaitasuna izango dute, langilearekin berarekin adostuta, baina soldata ukitu gabe. Hau da, gerta liteke langileek gehiago lan egitea, baina berdin kobratuta.
Zure interesekoa izan daiteke
Angularik ezin dela arrantzatu berretsi du EAEko Justizia Auzitegi Gorenak
Iazko azaroan, 2025-2026rako aurreikusitako angularen kanpaina bertan behera geratu zen EAEn, Eusko Jaurlaritzaren txostenek espeziea egoera kritikoan zegoela egiaztatu baitzuen.
Diesel litroa 2 eurotik gora dago Hego Euskal Herriko gasolindegi askotan
Gasolioaren prezioa % 30,78 igo da martxoan, Irango gerrak eragindako ezegonkortasunaren ondorioz, eta maximo berria ezarri du, litroko 1,916 eurora iritsi baita EAEn, batez beste, 2022ko uztailetik izan duen preziorik garestiena.
Euskadiko CCOOk gaitzetsi du ELAk "seinalamendu kanpaina" darabilela haren kontra, eta adierazi du euskararen aldeko jarrera "integratzailea" duela
Comisiones Obrerasek salatu du sindikatuaren aurkako manifestazio kanpaina bat darabiltzatela beste sindikatuek, euskararekiko eta hizkuntza eskakizunekiko duen jarrera dela eta. Santi Martinez idazkari nagusiak, gainera, Korrikan parte hartzeko "betoa" jarri izana gaitzetsi du, eta sindikatu abertzaleak haien kontra "erakunde ultra batek egingo lukeen moduan" jokatzen ari direla uste du.
Aste Santuan greba egingo dute Bilboko aireportuko Grounforceko lurreko asistentziako langileek
Lanuzteak martxoaren 27an hasiko dira eta apirilaren 1ean (asteazkena), apirilaren 3an (Ostiral Santua) eta 6an (Pazko Astelehena) izango lukete eragina. KPIaren diferentzialari eta erosahalmenari eustea aldarrikatzen dute langileek. Handling enpresa horrek zerbitzua ematen duen Estatuko aireportu guztietan izango dira greba-deialdiak.
Nafarroako Ekonomia eta Gizarte Kontseiluak Irango gerraren ondorioei aurre egiteko neurriak aztertuko ditu
Nafarroako Gobernuak aurreratu du Ministroen Kontseiluak ostiral honetan iragarriko dituen neurriak arretaz aztertuko dituela Nafarroan aplika daitezkeen egiaztatzeko.
"Indarberriturik eta helburua lortzetik gertuago" atera dira langile klasea eta indar sindikala, ELAren eta LABen ustez
Sindikatuen ustez, greba orokorra "klase elkartasun erakustaldia" izan da. LGS propioa lortzeko bideak zabalik daudela adierazi dute (bai patronalarekin, bai Espainiako Kongresuan) eta Jaurlaritzari eta, bereziki, EAJri, eskatu diote argitu dezala Legebiltzarrean eta Espainian dituen jarrera kontraesankorrak.
Atzoko greba orokorra "indar erakustaldia" izan zen, LAB eta ELA sindikatuen aburuz
Radio Euskadin eta Euskadi Irratian egindako elkarrizketetan LAB eta ELAko idazkari nagusiek adierazi dutenez, atzokoak "oso mobilizazio jendetsuak izan ziren, 135.000 pertsona ere batu zirela". "Indarberrituta atera gara", azpimarratu du Garbiñe Aranburu LABen koordinatzaile nagusiak.
Albiste izango dira: Greba orokorraren balantzea, Iranek Ali Larijaniren heriotza eta Ipar Euskal Herriko udal hauteskundeen bigarren itzulia
Orain-ek gaur landuko dituen albiste nagusien laburpena.
Ertzaintzak hiru pertsona atxilotu ditu greba orokorraren egunean
Desordena publikoak egitea leporatzen zaie. Gainera, bost pertsona ikertzen ari da eta 165 identifikatu ditu.
Egungo gutxieneko soldata kobratzen dutenek diote ez dela nahikoa duintasunez bizi ahal izateko
Zaintzan eta garbiketan; ostalaritzan eta turismoan; saltokietan, logistikan eta nekazaritzan… Arlo horietan ohikoa izaten da lanbidearteko gutxieneko soldata erreferentziatzat hartzea ordainsariak ezartzeko. Langileek salatzen dute jasotzen duten horrekin ezin dela bizi, eta ezinbesteko jotzen dute 1.500 eurora igotzea, duintasunez bizi ahal izateko.