EAEko industria-jarduerak % 1,2 egin du behera uztailean
Lan-egutegia termino homogeneoetan aztertuta, 2016ko uztailean % 1,2 egin du behera EAEko ekoizpen industrialak, 2015eko hilabete bereko datuekin alderatuta. Eustaten datuen arabera, 2016ko lehenengo zazpi hilabeteetako balantzean % 1,5eko hazkundea izan da 2015eko aldi berekoarekin alderatuta.
Iazko uztaileko datuekin alderatuta, Ekipo-ondasunen produkzioak % 4,2 egin du gora, Bitarteko ondasunek % 0,9 egin dute behera, eta Energiak, % 14,6. Kontsumo-ondasunek, oro har, % 1,1 egin dute behera, Kontsumo-ondasun iraunkorrak % 10,5 jatsi direlako eta Kontsumo-ondasun ez-iraunkorrak % 3,5 igo direlako.
Datuak sektoreka aztertuta, industria-sektore indartsuenetan, igoerarik handiena garraio-materialen (% 17,3) eta kautxu eta plastikoen produkzioak (% 1,9) izan da. Behera egin dute, aldiz, energia elektriko, gas eta lurrunen (% 16,6) eta material eta ekipo elektrikoen sektorean (% 7,8).
Lurraldez lurralde, positiboa izan da uztaileko ekoizpen industrialaren indizearen urte arteko bilakaera Araban (% 7,1 egin du gora), baina behera egin du Bizkaian (% 3,8) eta Gipuzkoan (% 2,8).
Albiste gehiago ekonomia
BetiONeko langileek 24 orduko greba deitu dute "kaleratze arbitrarioak eta babes falta" salatzeko
Langile batzordeak kaleratutako langile bat berriro onartzeko eta erasoen aurrean protokolo eraginkorrak izateko eskatzen du.
Serveoko langileak 22 laguni eragiten dien enplegu-erregulazioko espedientearen aurka bildu dira Basaurin
CCOOk deituta, Serveoko langileek "Bridgestoneko kaleratze ikusezinak" salatu dituzte, eta datorren astelehenean hasiko den greba mugagabea deitu dute.
Banco Sabadell erosteko eskaintza publikoa onartzeko Espainiako Gobernuaren baldintzaren aurkako helegitea aurkeztu du BBVAk Auzitegi Gorenean
Bankuak uztailaren 15ean aurkeztu zuen errekurtsoa, Espainiako Gobernuak baldintza iragarri eta hiru astera. Zehazki, hiru urteetan bi erakundeek identitate juridikoa eta ondarea bereizita mantentzera behartzen ditu Sanchezen gobernuak.
Zerga-bilketa % 9,6 igo da Euskadin 2025eko lehen seihilekoan
Hiru euskal ogasunek 11.173,7 milioi euro bildu zituzten uztailera arte, hau da, iazko aldi berean baino % 9,6 gehiago eta 983,9 milioi gehiago.
Eusko Jaurlaritzak ingurumen baimena ukatu die Balmasedako El Haya 1 eta 2 parke eolikoei
Kolitza inguruan lau aerosorgailu ezarri nahi ditu Side Recovery Systems konpainiak, baina, txostenaren arabera, eremua sai zuriaren babestokia.
KPIa hamarren bat jaitsi da Euskadin uztailean, eta % 0,2 igo Nafarroan
Urte arteko datuei dagokienez, inflazioa % 3koa da Euskadin eta % 2,7koa Nafarroan, Estatuko batez bestekoaren berdina.
Statkraftek aztertuko du Piaspe parke eolikoaren ingurumen baimenari buruzko erabakiari helegitea jarri ala ez
Parke eolikoa Gipuzkoako Azpeitia, Zestoa eta Errezil udalerrietan zegoen planifikatuta eta kontrako ingurumen-ebazpena jaso du. Enpresaren aburuz, parke eolikoa "energiaren sozializazioa bultzatzeko diseinatu zen, enpresen, administrazioen eta tokiko komunitateen inplikazioa bilatuz".
Jaurlaritzak ingurumen baimena ukatu dio Piaspe proiektu eolikoari
Eusko Jaurlaritzako Industria, Transizio Energetiko eta Jasangarritasun sailak atzera bota du Statkraft enpresak Azpeitia, Zestoa eta Errezil artean egitekoa zuen parke eolikoaren proiektua. Mendi inguru horretan eraikitzekoak zituzten errotek eta energia azpiegiturek ingurumenari kalte egingo lioketela ebatzi du txostenak.
BBVAk bere eskaintzari eutsi eta aurrera jarraitzen du Sabadell erosteko ahaleginean
Sabadelleko akziodunek ia aho batez TSB Erresuma Batuko filiala Santander bankuari saltzea onartu eta astebetera hartu du Carlos Torres buru duen konpainiak erosketa eskaintzari eusteko erabakia.
Greba Bilboko Udaltzaingoaren telefono bidezko arreta-zerbitzuan, Aste Nagusian zehar
ELAk salatu du Udalak eta Lanalden azpikontratak ez dutela negoziatu nahi zerbitzua osatzen duten bost profesionalen lan-baldintzak hobetzea.