2019rako 20.000 enplegu sortzea aurreikusi du Nafarroak
Nafarroako Gobernuak 20.000 enplegu berri sortu nahi ditu datozen hiru urteotan, 2016-2019 Enplegu Planaren bidez. Langabezia tasa % 10era (egun, % 13,27koa da) jaistea eta lan-merkatuan 10.000 pertsona gehiago sartzea da foru exekutiboaren asmoa.
Manu Ayerdik eta Miguel Laparrak, Garapen Ekonomikorako eta Eskubide Sozialetako presidenteordeek, hurrenez hurren, eman dute egitasmoaren berri, hedabideen aurrean. "Enplegu gehiago, kalitate hobeagokoa, enplegatze maila hobetzea eta aukera berdintasuna dira Enplegu Planaren lau ardatz estrategikoak. Horiei bosgarren helburu bat gehitu behar zaie: Nafar Lansarea eraldatzea, arreta pertsonalizatuagoa emateko langileei. 20.000 lanpostu sortuta, Nafarroa % 75eko enplegu-tasara hel daiteke, 20-64 urte arteko tartean. 2020rako Europak ezarritako helburua da", esan dute.
Helburu horiek lortzeko, 140 neurri zehatz jaso ditu Nafarroako Gobernuak gaur aurkeztu duen zirriborroan, eta datozen hilabeteotan hainbat eragile sozioekonomikoren artean eztabaidatuko dira neurriok.
Planaren arabera, enpleguaren kalitateari berebiziko garrantzia emango diote. "Planak kontratazio mugagabea sustatzearen aldeko apustua egiten du. Egun, urtean 17.000 kontratu mugagabe egiten dira. 25.000ra heltzea da helburua. Gainera, aurrera egin nahi da soldatetan, lan-osasunean, deklaratu gabeko enplegu-murrizketan … Kalitatezko enpleguaren sorrera funtsezko adierazlea izango da", zehaztu dute Laparrak eta Ayerdik.
Lanbide heziketa
Formakuntza da Enplegu Planaren ardatz estrategikoetako bat, Lanbide Heziketan arreta berezia jarrita. Maila horretan prestatutako pertsonen kopurua % 10 handitzea proposatzen du planak; Lanbide Heziketako 10.000 akreditazio berri lortu nahi dira. Horrez gain, Nafar Lansarean urtean 15.000 pertsonari "laguntza pertsonalizatua eta etengabekoa" emango zaie, batez ere, laneratzeko zailtasun handiak dituztenei.
Ayerdik azaldu duenez, "Foru Gobernuak ahalik eta adostasun sozial eta politiko handiena lortu nahi du Planaren baitan; izan ere, kalitatezko enplegua sortzea da Nafarroako Gobernuaren helburu nagusia. Enpleguaren egoerari buruzko diagnostikoa eragileekin partekatu ondoren, eragile sozial eta politikoekin hitz egingo da".
Foru exekutiboak Elkarrizketa Sozialeko Kontseilua deituko du, proposamenaren gainean hausnartu dezan. Neurriak adosten direnean eta jendaurrean erakusteko eta herritarrek parte hartzeko fasea amaitzen denean, Gobernuak 2017rako eta hurrengo ekitaldietarako aurrekontua zehaztuko du.
Albiste gehiago ekonomia
Nafarroako dozena bat udalek eta hainbat elkartek Azantzako aerosorgailuen proiektua errefusatu dute
Aizpunen egindako ekitaldi batean, Mikel Irujo Industria kontseilariak Nafarroako sektore berriztagarriaren egoera azaldu du. Ondoren Udalek euren iritzia azaldu dute ohar baten bidez. Hala ere, eskerrak eman dizkiote kontseilariari bertara hubiltzeagatik, "inguruko biztanleen eskaerak entzun dituelako".
Bizkaian aurkeztutako hamar errenta aitorpenetik zazpik diru-itzulketa jaso dute
Batez beste, 1.201 euro ordaindu zaizkie zergadunei, iaz baino 94 euro gehiago. Ordaindu beharreko aitorpena duten zergadunek, berriz, 2.653 euro ordaindu behar izan dituzte, batez beste.
Turismo-tasari % 100eko hobaria eman edo errekargua ezarri ahal izango diote udalek
Turismo-egonaldien gaineko zergak aplikazio orokorra izango du, espezifikotasun bereziekin (% 100eko hobariak edo errekarguak), udalerrietako ostatu-establezimenduen arabera eta udal-autonomiarako marjinarekin.
Bizkaiko metalgintzako enpresek 1400 lanpostu sortuko dituzte 2025ean, 2024an baino % 2,6 gehiago
Gainera, enpresa metalurgikoek fakturazioa "pixka bat" haziko dela eta eskaera-zorroak mantenduko direla uste dute, merkatua etengabe "hozten" ari dela eta eskaera-maila ohikoa baino baxuagoa dela kontuan hartuta.
Bizkaiko anbulantzien "egoera larria" salatu du ELAk, eta publiko egitea eskatu du lizitazio berriaren aurrean
Sindikatuak Bizkanb aldi baterako enpresa-elkartearen kudeaketa kritikatu du eta anbulantzien erabilera desegokia salatu du.
Sidenor eta Legazpiko Udala zigortu dituzte langile bati amiantoagatik kalte-ordaina ematera
EAEko Auzitegi Nagusiak atzera bota ditu enpresaren eta Udalaren helegiteak, eta berretsi egin du 376.305 euroko zigorra amiantoaren eraginpean egoteagatik.
BSHko langileek babesa eman diote zuzendaritzak eta gehiengo sindikalak lortutako akordioari, aldeko 475 bozkekin
Langileen % 78k bat egin du aurreko ostegunean UGT, CCOO, ATISS eta Solidari sindikatuetako ordezkariek adostu zuten aurreakordiorekin. Horren arabera, 609 lagun kaleratuko dituzte kalteordainekin eta lantegia itxiko dute.
Euskadiko Parke Teknologikoaren etorkizuneko campusa eraikitzen hasi dira Zorrotzaurren: Idom, Mondragon eta abangoardiako enpresak hartuko ditu
Aurreneko eraikina Tarabusi pabiloi zaharraren kokalekuan egongo da, Galletaginen etorbidean. Bilboko Campusean teknologikoki aurreratuak diren hainbat enpresa ezartzea aurreikusten da.
Parte-hartze zabala BSHn, lan-erregulazioko espedientearen aurreakordioaren inguruko bozketan
Eguerdiko 13:00etarako langileen % 80k eman du bozka. Enpresa batzordearen gehiengoak, ELAk eta LABek izan ezik, joan zen asteazkenean lortu zuen aurreakordioa zuzendaritzarekin, eta, horren arabera, lantegia itxi eta 609 pertsona kaleratuko dituzte, 655 izan beharrean.
Arabako Ogasunak 181 milioi euro itzuli ditu errentaren kanpainan
Guztira, 200.457 aitorpen egin dira, aurreko ekitaldian baino % 3 gehiago. Datu hori "Arabako ekonomiaren martxa onaren sintoma" da Itziar Gonzalo Ogasun diputatuaren arabera.