Gora egin du langabeziak EAEn, baina behera Nafarroan
Uztaileko datuekin alderatuta, gora egin du % 1,17 (1.650 lagun) enplegu zerbitzu publikoek abuztuan zenbatutako langabeen kopuruak, guztira 143.114 langabe zenbatu baitituzte. Nafarroan, berriz, 707 pertsona (% 1,17) gutxiago zenbatu dituzte lanik gabe, eta 38.899 langabe daude guztira.
Espainiako Gobernuko Gizarte Segurantza eta Enplegu Ministerioak gaur, ostirala, plazaratutako datuen arabera, EAEko hiru lurralde historikoetan gora egin du langabeziak. Hala, abuztuan uztailean baino 701 langabe (% 0,87) gehiago zenbatu dituzte Bizkaian, 529 (% 1,38) gehiago Gipuzkoan eta 420 (% 1,82) gehiago Araban.
Lurraldeka, eta aurreko urteko hilabete bereko datuekin erkatuta, 6.460 langabe gutxiago (% 7,4) zenbatu dira Bizkaian, 80.874 langaberekin itxi baitu aurten hilabete hori.
Gipuzkoaren kasuan, 4.060 pertsona (% 9,48) gutxiago zenbatu dituzte lanik gabe; 38.780 langabe zenbatu dituzte Lanbideren bulegoetan.
Araban, 2.135 langabe (% 8,34) gutxiago egon dira abuztuan, guztira 23.460 langabe zenbatu baitituzte.
Halaber, Nafarroan, 2.868 pertsona gutxiago zenbatu dira urtebetean lan barik, hau da, % 6,87ko jaitsiera. EAEn, 12.655 lagun izan dira lana topatu dutenak, bestera esanda, % 8,12 langabe gutxiago.
Estatu mailako datuak
Estatu espainiarra bere osotasunean kontuan hartuta, 14.435 langabe gehiago zenbatu dituzte enplegu zerbitzu bulegoetan izena emanda, aurreko hileko datuekin alderatuta. Horrela, eten egin da azken bost hilabeteetan hartutako beheranzko joera.
Horrela, guztira 3.697.496 langabe daude; 2009tik izan den kopururik txikiena. Aurtengo abuztuan izandako hazkundea azken zortzi urteetako txikiena izan da.
Zure interesekoa izan daiteke
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELA, LAB eta ESK sindikatuek, grebarekin jarraitzearen aldekoek, bozketa zilegi den zalantzan jarri dute.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.
Apirilean, 3.368 langabe gutxiago zenbatu dituzte EAEn, eta 833 gutxiago, Nafarroan
Urtearteko datuak alderatuta, langabeziak behera egin du bai EAEn (-3.006) eta baita Nafarroan ere (-588).
Tubos Reunidosek hartzekodunen konkurtsoa aurkeztu du
Enpresak maiatzaren 6an bilera egingo du Trapagaran eta Amurrioko langile batzordeekin. Bestalde, Amurrioko greba mugagabearekin jarraitu ala ez erabakitzeko asanblada egin ahal izateko beharrezkoak ziren 235 sinadurak aurkeztu dituzte Lan Ikuskaritzaren aurrean.
Medikuek mahai sektoriala eratzea eskatu dute, “Osakidetzaren egitura aldatzeko”
Salatu dutenez, lanean jasaten duten "gainkargak" etengabe luzatzen diren "agenda txikle" deritzonak eragiten dizkie, eta horrek haien osasunerako kaltegarria da.
Gipuzkoan, hiru kontrataziotik bi goi-mailako ikasketak dutenek beteko dituzte
Unibertsitatera joan direnek zein graduondoa dutenek kontratuen % 47 biltzen dute, eta bereziki nabarmentzekoa da STEM profilen eskaera handia. Nolanahi ere, kontratazioa aurreikusten duten enpresa guztiek diote zailtasunak dituztela langileak aurkitzeko eta lanpostuak betetzeko.