Ministroen Kontseiluak informazio klasifikatuari buruzko lege proiektua onartu du, frankismoko sekretuak argitara emateko asmoz
Informazio klasifikatuari buruzko lege proiektuak frankismo garaitik indarrean den Sekretu Ofizialen Legea ordezkatu nahi du. Espainiako Gobernuak Diputatuen Kongresura bidaliko du lege testua tramitazioa has dadin. EAJ eta EH Bildu zuhur ibili dira balorazioa egitean, baina lehen begiratuan, defendatzen dutenetik urrun dagoela iritzi diote.
Diputatuen Kongresua, osoko bilkura batean. Artxiboko argazkia: EFE
Frankismo eta trantsizio garaiko dokumentu sekretuak desklasifikatzeko lehen pausoa eman gaur Espainiako Gobernuak, informazio klasifikatuari buruzko lege proiektua onartuta. Ministroen Kontseiluak argi berdea eman dio 45 urtetik gorako agiri guztiak automatikoki desklasifikatzea aurreikusten duen lege testuari.
Orain, Diputatuen Kongresura igorriko du, tramitazioa has dadin, Felix Bolaños Justizia, Presidentzia eta Korteekin Harremanetarako ministroak prentsaurrekoan azaldu duenez.
Bolañosek azaldu duenez, gaur egun indarrean dagoen Sekretu Ofizialen Legea (1968) ordezkatu asmo du informazioa klasifikatuari buruzko lege proiektuak.
Lege testuaren arabera, 45 urtetik gorako agiri guztiak automatikoki desklasifikatuko dira, hau da, 1981. urtearen aurrekoak, trantsizioa eta frankismoa barne. Baina, sekretua beste 15 urtez luzatzeko aukera aurreikusten da.
Giza eskubideen urraketa larriei eta gizateriaren aurkako krimen kasuei lotutako informazioa, aldiz, ezingo da sekretuan gorde, lege testuaren arabera.
Epe ezberdinak kategoria ezberdinetarako
Informazio klasifikatua lau kategoriatan banatuko da: goi mailako sekretuak, sekretuak, konfidentzialak eta mugatuak. Ministroak azaldu duenez, goi mailako sekretuak direnak, 45 urtera desklasifikatu beharko dira, baina beste 15 urtez luzatu ahal izango da epea; beraz, 60 urtez isilpean izateko aukera izango da.
Sekretu gisa izendatu direnak, 35 urtera desklasifikatu ahal izango dira, baina beste 10 urtez luzatu ahal izango da epea. Konfidentzialen epea 7 eta 9 urte artekoa izango da eta mugatuena 4 edo 5 urtekoa. Azken bi hauen kasuan, luzatzeko aukerareik gabe.
Bestalde, legeak 30.000 eta 2,5 milioi euro arteko isunak aurreikusten ditu informazio sekretua zabaltzeagatik.
Euskal alderdiak, zuhur
Eusko Jaurlaritzak "albiste positibotzat" jo du legearen tramitazioa martxan jarri izanan. Maria Ubarretxena bozeramailearen hitzetan "oraindik ibilbidearen hasieran" dago eta "ikusi egin beharko da" noraino iristen den, baina "ibilbideak emaitza positiboak emango dituela" espero du.
Sanchezen legegintzaldia babestu zuten euskal alderdi politikoak zuhur ibili dira lege proiektuaren balorazioa egiterakoan. Bai EAJk bai EH Bilduk testua ongi aztertu behar dutela esan dute, behin betiko iritzia eman aurretik.
Alabaina, Mertxe Aizpurua EH Bilduren Kongresuko bozeramailearen aburuz, "aurreko legegintzaldian aurkeztu zen proposamenaren oso antzekoa denaren itxura du. Kasu hartan ez zitzaigun nahikoa iruditu, epeak luzeegiak zirelako".
EAJko bozeramaile Maribel Vaquerok, berriz, positiboki baloratu du "proposamena Kongresura iristea eta guztion artean eztabaidatu ahal izatea". Hala ere, testuaren lehen irakurketaren ondoren, bere alderdiak espero duenetik "urrun dagoela oraindik" iruditu zaio. Bere taldeak proposamenak egingo dituela eta zuzenketak aurkeztuko dituela aurreratu du.
Zure interesekoa izan daiteke
Pradalesek gehiengo sindikala hartuko du, gutxieneko soldataren negoziazioa eta Osakidetzaren gatazka mahai gainean direla
11:00etan Garbiñe Aranburu LABeko idazkari nagusiarekin bilduko da, eta 12:30ean, Mikel Lakuntzarekin (ELA). Sindikatu abertzaleak Jaurlaritzarekin oso kritiko mintzatu dira, eta Confebasken menera aritzea leporatu diote.
Lehen sektoreari eta Arabako Errioxari babesa agertu diete alderdiek
EH Bilduk sektorearen eta erakundeen artean "partekatutako" estrategia baten alde egin du. PSE-EEren aburuz, "Arabako Errioxa klima aldaketaren aurrean babesteko fronte bat" eratu behar da. PPk uste du landa eremua "abandonatuta" dagoela, eta egoera aldatzeko ekimenak agindu ditu.
Faxismoaren aurkako manifestazio jendetsua Donostian
Ernaik 4.000 lagun bildu ditu Gipuzkoako hiriburuan 'Euskal Herria irabaztera' lelopean. Kontxako banderaren bigarren jardunaldiaren amaierarekin bat egin du protestak.
Rego ministroak erantzukizuna eskatu die autonomia erkidegoei adingabe migratzaileak Ceutatik penintsulara eramateko
Gazteria eta Haurtzaro ministroak azaldu duenez, 2.100 haur migratzaile daude hirian. Asko "oso egoera gogorretatik" ihesean iritsi dira bertara, besteak beste, "sexu-indarkeriatik edo derrigorrezko ezkontzetatik".
Manifestazioa Itsasun, Iparretarrak taldeko kide baten omenezko murala ezabatzeko aginduaren kontra
Frantziako Gobernuko ordezkariak Iparretarrak talde armatuko kide ohi baten murala ezabatzeko agindua eman ostean, gaur Itsasun, Lapurdin, ehunka lagun kalera atera dira erabaki hori gogor kritikatzeko. Ez dago argi Udalak noiz ezabatuko duen Txomin Olhagaray Iparretarrak taldeko kidea irudikatzen duen margoa. Manifestariek adierazi dute artelan bat baino ez dela eta noizbait liburuak ere erreko ote dituzten galdetu dute.
Irene Monterok primario ireki batzuetara aurkeztuko du bere burua Podemosen hautagaia izateko hauteskunde orokorretan
Ministro ohiak ezker alternatiboa gidatu nahi du, Sumar, IU, Mas Madrid eta Comunsek osatutako koalizioak oraindik hautagairik ez duen testuinguruan.
Javier de Andres Euskadiko PPko presidenteak Eusko Jaurlaritzaren espetxe politika kritikatu du
Euskadiko PPko presidente Javier de Andresek Alderdi Popularreko Belaunaldi Berriek antolatutako jardunaldi baten amaieran parte hartu du larunbat honetan, Bilbon. Bertan, Eusko Jaurlaritzaren espetxe politika kritikatu du, eta Henri Parot ETAko buruzagi ohiari hirugarren gradua eman izana aurpegiratu dio.
Eneko Andueza, PSE-EE: "Goazen lehentasun sozialetara"
Euskadiko sozialisten burua Abantoko Burdin Jaian egon da, eta adierazpenak egin ditu bertan bildutako kazetarien aurrean. Lehentasun identitarioen gainetik, bere alderdiak lehentasun sozialak lehenetsiko dituela azaldu du.
Tropa frankistek Errenteria okupatu zutela 90 urte bete direla eta, ekitaldia egin du Udalak
1936ko irailaren 13an sartu ziren indarrez Beorlegi koronelaren tropak. Gertakariok eta ondoren jazotako sarraskia gogoan, lore eskaintza eta minutu bateko isilunea egin dute gaur, Udalak antolatuta.
Richar Vaquero: "Ezkerraren batasunaren alde lan egiten jarraituko dugu"
Richar Vaquero Podemos Euskadiko koordinatzaile nagusiak larunbat honetan abiatu du alderdiaren Herritarren Kontseilu Autonomikoaren urte politiko berria. Lehenengo bileran adierazi duenez, Podemosek "euskal errealitatea batu, ilusioa piztu eta eraldatzeko gai izango den blokea eraiki" nahi du.