BBVAk 2.797 milioi euro irabazi ditu irailera arte, % 64 gehiago

BBVAk 2.797 milioi euro irabazi ditu irailera arte, iazko epe berean baino % 63,4 gehiago, Espainiako Balore Merkatuaren Batzorde Nazionalak gaur jakinarazi duenez. Ezusteko negatiborik izan ez duelako lortu ditu emaitza horiek.

Korporazioari dagozkion operazioak eta dibisen gorabeherak albo batera utziz gero, hazkundea % 15ekoa litzateke.

Urtarrila eta iraila bitartean izandako diru-sarrera errekurrentei (interesen eta komisioen arteko tartea) erreparatuta, joera positiboari eutsi diola azpimarratu du finantza erakundeak.

Horrenbestez, BBVAren urte arteko marjina gordina % 5,1 hazi da, 12.674 milioi euroraino, eta aurreko urteko epe berean baino % 5,5 handiagoa izan da.