Bizkaiko zahar-etxeetako langileek mobilizazioei eutsiko diete
Bizkaiko zahar-etxeetako langileek mobilizazioei eutsiko diete beren aldarrikapenak asebetetzen direla egiaztatu arte, gaur ohartarazi dutenez. Langileek ordezkarien esanetan, sektoreko arazo bat baino gehiago da eta gatazka sozial moduan jorratzeko eskatu diote Bizkaiko Foru Aldundiari. Langileek 50 egun daramatzate greban.
ELAren Bilboko egoitzan eskainitako prentsaurrekoan, 50 greba egunen balorazioa egin eta aste honetako mobilizazioen berri eman dute. Bihar, asteartea, kontzentrazioa egingo dute Foru jauregiaren atarian 10:30etik aurrera. Ostegunean, berriz, manifestazioa egingo dute 11:30ean, Bilbon. Hiru zutabe abiatuko dira Zabalburu plazatik, Arriaga plazatik eta Bilboko udaletxetik eta hiru zutabe horiek Plaza Biribilean elkartuko dira.
Gaizka de Miguel eta Ander Akarregi ELAko ordezkariek ohar batean azpimarratu dutenez, greba erabateko jarraipena izaten ari da Bizkaiko zahar-etxeetan, bai handietan eta baita ertainak diren horietan ere. Aldi berean, senideek emandako pausoa goraipatu dute eta horiek antolatzea beharrezkoa dela gaineratu dute.
Aitzitik, patronalaren eta Bizkaiko Foru Aldundiaren jarrera salatu dute. Langileek urriaren 4an egindako proposamenari ez erantzutea leporatu diote patronalari. Langileen ordezkarien esanetan, 6 euro baino gutxiagoko soldata igoera eta lanaldia 2 ordu baino gutxiago murriztea eskatu zuten.
Bestalde, ELAko ordezkariek nabarmendu dute behin baino ez direla elkartu Bizkaiko Foru Aldundiko Gizarte Ongizate Sailarekin eta bilera horretan 3.000 ohe ingururen prezioa 81 eurotik 79ra jaisteko asmoa agertu omen zuten foru ordezkariek. Langile ordezkarien esanetan, erabaki horrek eragin zuzena izango luke zerbitzuaren kalitatean.
Hori guztia dela eta, borrokan jarraituko dute harik eta beren eskariei jaramon egiten dieten arte. Langileek ratioak hobetzea, langileen kopurua igotzea eta langileek lan-baldintza duinak izatea eskatzen dute.
Zure interesekoa izan daiteke
Hernani, Tolosa eta Lezo etxebizitza-eremu tentsionatu izendatu dituzte
Izendapen horiekin, Euskadin dagoeneko 14 udalerri daude tentsionatuen zerrendan, eta litekeena da laster Arrasate, Zestoa, Pasaia eta Basauri ere gehitzea.
Bi greba egun deitu dituzte Amurrioko Tubos Reunidosen
Amurrioko eta Trapagarango lantegietako beharginen batzordeak Bizkaiko egoitzan bildu dira, otsailaren 9an zuzendaritzarekin egingo den lehen bileraren aurretik jarrera bateratua finkatzeko. Negoziazio mahaiko ordezkaritza adostu dute, baina, lanuzteei dagokienez, Amurrioko plantan bakarrik egingo dira. Trapagarango langileek ez dituzte babestu grebak.
Urrearen eta zilarraren prezioak behera, pasa den astean markak hautsi ostean
Pasa den urtarrilaren 29an ezarri zuen urreak bere azken marka (5595,47 dolar), eta zilarrak ere bai (121,65 dolar).
Tubos Reunidoseko Amurrioko eta Trapagarango batzordeek bilera egingo dute gaur, EEEaren inguruan zer jarrera hartu erabakitzeko
Enplegu-erregulazio espedienteak bi lantokiri eragiten dien arren, enpresak espediente bakar gisa negoziatu nahi du. Horregatik, jarrera komun bat ezarri nahi dute bi batzordeek.
Tubos Reunidos: Trumpen muga-zergek bultzatutako krisiaren gakoak
Konpainiak produkzioaren % 40 galdu du, bere merkatu nagusia (% 45eko kuota) AEB baita. Txerra Molinuevo Amurrioko alkatea zuhur bezain kezkatuta agertu da, "Tubos Reunidos motor ekonomikoa baita eskualde osoan".
Nafarroako Volkswagenek ohartarazi du 93 langile finko egiteak lan-erregulazioko espediente batean amaitu dezakeela
Enpresak "legezkotasuna zorrotz beteko" duela ziurtatu dio batzordeari bilera batean, Lan Ikuskaritzak behin-behineko 93 langile finko egitea agindu ostean. Sindikatuek akordiorako proposamena egin dute.
32 urteko langile bat hil da Zumaiako enpresa batean, pieza handi batek jota
Estaños Matiena enpresan jazo da ezbeharra, LAB sindikatuak jakinarazi duenez. Enpresa horrek hainbat salaketa zituen prebentzio-araudia ez betetzeagatik, sindikatuak salatu duenez.
UGT, CC. OO. eta USO sindikatuek akordioa sinatu dute Arabako garbiketa-hitzarmenerako
ELA eta LAB sindikatuek, aldiz, baztertu egin dute aurreakordioa, "amore ematea" delakoan, eta "atzerakada nabarmena" dakarrela iritzita. Uste dute "langileak erosteko ahalmena galtzeko arriskuan" egongo direla, "azken bost urteetan gertatu den bezala".
Tubos Reunidosek enplegu-erregulazioko espediente bat proposatuko du Amurrio eta Trapagarango lantegietan
Tubos Reunidoseko zuzendaritza bi lantegietako enpresa-batzordeekin bildu da gaur goizean, lan-erregulazioko espedientea iragarri ondoren. Sindikatuetako iturrien arabera, bileran, zuzendaritzak planteatuko dituzten neurriak aurkeztu ditu. Kontsulta aldiak, paraleloak eta bi lantegietarako, otsailaren 9an hasiko dira, eta asmoa da negoziazioa bi enpresa batzordeekin negoziazio mahai bakar batean garatzea.
EAEn batez besteko soldata % 3,6 haziko da 2026an, KPIaren gainetik beste urte batez
LKS Nextek egindako ikerketa baten arabera, profil profesional teknikoak, industrialak, digitalak eta AAri eta datuen analisiari lotutakoak dira gehien behar direnak.