485 milioi euroko isuna hiru bankurentzat, Euriborra manipulatzeagatik

Europako Batzordeak 485 milioi euroko isuna jarri die Credit Agricole, HSBC eta JPMorgan bankuei, legez kanpoko akordio batean parte hartzeagatik, Euriborra bezalako erreferentziazko interesetatik datozen produktuetan eragina izateko.

Interes motako deribatuak (adibidez, etorkizuneko mota akordioak, swapsak edota aukerak) bankuek eta enpresek interes motetako gorabeheretatik datozen arriskuak kudeatzeko erabiltzen dituzten finantza produktuak dira.

Lehiakortasun arloan araudi komunitarioa haustea leporatu die Bruselak hiru bankuei, informazio nabarmena trukatzeagatik eta euroaren interes motatik deribatutako produktuen prezioa jartzeko elementuak eztabaidatzeagatik.