Lurraldebusek zerbitzua emango du Urtezahar gauean
Lurraldebusi zerbitzua eskaintzen dioten Ekialdebus autobus zerbitzuetako langileek bertan behera utzi dute Gabon Zahar gauerako deitutako greba, akordioa lortu ostean. Beraz, gaueko zerbitzuak izango dira Irun, Hondarribia, Errenteria eta Pasaia Donostiarekin lotzen dituen lineetan.
Gipuzkoako Foru Aldundiak ostegun honetan jakinarazi duenez, langileekin lortutako akordioari esker posible izan da greba bertan behera gelditzea.
Marisol Garmendia Mugikortasun zinegotzia pozik azaldu da "Urtezahar gauerako aurreikusitako greba bertan behera uztea eragin duen akordioagatik", ohar batean adierazi duenez. Beraz, gaueko zerbitzua izango dela gaineratu du.
Garmendiak akordio batera iristeko langileen partaidetza eta esfortzua eskertu ditu; "bi parteek zerbait eman dute, eta herritar guztiei egin diete mesede".
Horrela, gaueko zerbitzuak izango dira Irun, Hondarribia, Errenteria eta Pasaia Donostiarekin lotzen dituen lineetan.
Autobus zerbitzuak etenaldi bat egingo du abenduaren 31n, 21:00etatik 01:00era, modu boluntarioan lan egiteko prest dauden langileek Urtezahar gaua euren senideekin pasatu dezaten.
Urteberri eguneko goizeko lehen zerbitzuei dagokienez, hasiera batean aurreikusi baino zertxobait geroago hasiko dira, 08:00etan, hain zuzen.
Aldundia udalerrietako alkateekin harremanetan jarri da, udaltzaingoaren laguntza eskatzeko, gidarien segurtasuna bermatzeko asmoz.
Grebari eutsi diete Donostialdea Astigarraga eta Hernanirekin lotzen dituen lineetako langileek
Lurraldebusi zerbitzua eskaintzen dion HASA autobus zerbitzuetako langileek Urtezahar gauerako deitutako grebari eutsi diote eta, beraz, ez da gaueko zerbitzurik izango Donostialdea Astigarraga eta Hernanirekin lotzen dituen autobus lineetan. Langileen esanetan Gipuzkoako Foru Aldundiak autobusetan segurtasuna bermatzeko hartutako neurriak ez dira nahikoak.
HASA enpresan ordezkaritza duen UGT sindikatuaren esanetan, greba hori sagardo denboraldiko eta herriko jaietako gaueko zerbitzuetara luza daiteke. Gaineratu duenez, politikarien eta enpresaburuen ardura ezin da autobus gidarien gainera bota.
Zure interesekoa izan daiteke
CAFek lortu egin du "mendeko kontratua": 1.700 milioi euro Belgikan trenak egiteko
Beasainen egoitza duen konpainiak kontratu horren inguruko ziurgabetasunarekin amaitu du; izan ere, polemika handia piztu zen han, Alstom enpresa frantziarrak dagoeneko hainbat lantegi baititu Belgikan, eta enpresa horrek kontratua ez lortzea kritikatu zuten.
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.