ArcelorMittalek ACBrako planari eutsiko dio, aurkako epaia egon arren
ArcelorMittalek helegitea jarriko du Sestaoko ACB lantegiko "lan baldintzetan izandako funtsezko aldaketak" baliogabetu dituen epaiaren kontra. Zuzendaritzak eta ACBko enpresa batzordeak lantegia berriro irekitzeko lan baldintzak adostu zituzten, baina ELA eta LAB sindikatuek ez zuten akordioarekin bat egin eta epaitegietara jo zuten. Dena den, Indiako multinazionalak gaur egungo lan baldintzak mantentzeko eta hilaren 17tik aurrera ekoizpena bikoizteko planari eusteko asmoa agertu du.
Lan arloko Bilboko laugarren epaitegiak ELAk eta LABek aurkeztutako errekurtsoa onartu du, ACBko langileen lan baldintzetan izandako aldaketak baliogabetu ditu eta kaltetutako langileei baldintzak leheneratzera behartu du.
Ekainaren 14an egindako bozketan, hilean 12.000 tona ekoitziz eta asteburuetan bakarrik lan eginez Sestaoko lantegia berriro irekitzea onartu zuten langileek, eta irailean ekin zioten berriro lanari.
ArcelorMittalek erabakiaren aurkako helegitea aurkeztuko du, eta hilaren 17tik aurrera ekoizpena 15.000 tonatik 30.000 tonara igarotzeko eta 40 langile gehiago hartzeko asmoari eutsi dio.
Enpresak aurreko baldintzak leheneratzera behartzen duen epaia hizpide izan du. ArcelorMittaleko iturrien esanetan, lantegia geldirik zegoen eta langileak lan erregulazioko txosten baten pean zeuden.
Epaileak bere ebazpenean dio akordio horrek enpresari "eskumen osoa ematen" diola "lanaldiak, ordutegiak eta lan-egutegiak erabakitzeko, baita aldaketa funtzionalak egiteko ere".
Horrez gain, epaileak dio enpresak ez duela inolako frogarik aurkeztu, "neurri horiek justifikatzeko". Era berean, negoziazio prozedura egokia izan ez zela ondorioztatu du, kontsultak egiteko faserik izan zelako eta horrek enpresaren asmo ona zalantzan jartzen duelako.
Horregatik guztiagatik, bi aldeen arteko itunean bildutako neurriak baliogabetzeko eta horren aurreko lan-baldintzak berriro ezartzeko agindua eman du epaileak.
Albiste gehiago ekonomia
Bruselak espedientea ireki dio Espainiari, BBVAk Sabadellen akzioak eskuratzeko operazioan erabilitako legeengatik
Europako Batzordearen ustez, kapitalen zirkulazio askearen aurkakoak dira Espainiako Gobernuak operazio hau baldintzatzeko erabili dituen legeak. Eta 2 hilabeteko epea eman diote Espainiako Gobernuari azalpenak emateko.
Portugalete eta Leioa lotuko dituen ibai azpiko errepideak 2026ko lehen seihilekoan hasiko dira, 543 milioiko aurrekontuarekin
Elixabete Etxanobe Bizkaiko diputatu nagusiak defendatu duenez, itsasadarraren azpiko tunela "ez da ez kapritxo bat, ezta burutazio bat ere", eta bai, ordea, lurraldearentzako "behar bat".
Euskal kostaldean udan pisua alokatzea gutxi batzuen eskura dagoen luxua bilakatu da
Opor garaiko alokairuen prezioak % 40 igo dira azken bost urteetan. Jabe askok etekin ekonomikoa bilatzen dute: nahiago dute alokairuen epeak laburtu eta diru-sarrerak handitzea.
Euskal ekonomia % 2,2 hazi da iaztik
Enpleguak % 1,4 egin du gora bigarren hiruhilekoan, Eustaten datuen arabera. Lehen hiruhilekoarekin alderatuta, igo egin dira bai BPGa (% 0,5), bai enplegua (% 0,3).
Eusko Jaurlaritzak 1.385 eurorainoko tartea aurreikusi du EAEko gutxieneko soldata negoziatzeko
Eusko Jaurlaritzak Euskadiko hitzarmenetan gutxieneko soldata planteatu du Euskadin: 1.268 eta 1.385 euro gordin artekoa 14 ordainsaritan, hau da, Estatuarekin alderatuta % 7 eta 17 gehiago.
Hauek dira Euskadik kudeatuko dituen sendientzako laguntza berriak
Eusko Jaurlaritzak bere gain hartuko du Gizarte Segurantzaren kotizazio gabeko hainbat familia-prestazioren kudeaketa eta ordainketa, Euskadin 20.000 pertsona ingururentzat onuragarria izango den eta 100 milioi euro inguruko inbertsioa suposatuko duen transferentzia baten bidez.
Jaurlaritzak eta Espainiako Gobernuak SEPIren parte-hartzea bideratu dute, Talgoren operazioa gauzatu ahal izateko
Joan den astean, SEPIk Talgo erosteko operazioan "atzera egin" zuela salatu zuen Eusko Jaurlaritzak.
Euskadik babes ofizialeko 1.000 etxebizitza berreskuratuko ditu irailetik aurrera
Erabaki "estrategikoa" da, Euskadiko etxebizitza-parke babestua indartzeko eta, aldi berean, 20 milioi euro inguru sartzeko aukera emango duena. Diru hori alokairu-erregimeneko etxebizitza publiko berriak eraikitzeko erabiliko da oso-osorik.
Ertzainak urriko nominan hasiko dira soldata-igoerak kobratzen
Gobernu Kontseiluak Ertzaintzaren lan-baldintzak (2028ra arte) arautzen dituen akordioa baliozkotzen duen dekretua onartu du. Agenteek urtean 4.200 euro gordineko gutxieneko igoera jasoko dute, eta urriko nominan hasiko dira jasotzen.
Ekainean, urtearteko KPIa % 2,8raino igo da EAEn, eta % 2,4an kokatu da Nafarroan
Espainiako Estatistikako Institutuak argitaratutako datuen arabera, Euskal Autonomia Erkidegoak du erkidegoetan tasarik altuena, Balearrekin batera; izan ere, % 2,8ko indizea dute biek ala biek.