ArcelorMittalek 10 milioi euro inbertituko ditu urtero Sestaoko ACBn
Irailaz geroztik Sestaoko ACB altzairutegiak bere helburu nagusia bete eta ez duela dirurik galdu esan du astearte honetan Jose Manuel Arias Europako ArcelorMittaleko zuzendari exekutiboak. Halaber, ArcelorMittalek urtero hamar milioi euroko inbertsioa egingo duela iragarri du, ikerkuntza eta garapenera (I+Gra) bideratuta.
Astearte honetan, ArcelorMittalen ikerketa berrikuntza eta garapenerako instalazioa inauguratu dute Sestaon. Ekitaldi horretan Arantxa Tapia Ekonomiaren Garapen eta Azpiegituretako sailburua eta Arcelorreko buruzagiak izan dira.
Arcelorreko zuzendari exekutiboak nabarmendu duenez, “gaurkoa oso egun garrantzitsua da”, enpresak Sestaora eraman baitu Zamudion zuen I+G+B zentroa. 1998an Zamudioko Parke Teknologikoan jarri zuten martxan ikerkuntza eta garapenari bideratutako zentro hori.
Ildo horretatik, lekualdatze horrek Sestaoko ACB altzairutegiaren beharrei erantzuteko aukera paregabea suposatzen duela azpimarratu du Ariasek. Halaber, enpresaren helburu nagusia dirurik galdu gabe aurrera jarraitzea dela esan du Arcelorreko buruzagiak. Oraindik errentagarritasun handirik lortu ez duten arren, Ebitda positiboa lortu dute.
Halaber, sektoreko beste enpresa batzuetatik bereizteko lanean jarraitu behar dutela eta bestelako materialak erabili eta ekoiztu behar dituztela gaineratu du Ariasek. Gainera, Sestaoko ACB altzairutegiak ekoizten dituen produktuek kalitate ezin hobea dutela esan du.
Beste alde batetik, jardunari berriz ekin ziotenetik produkzioa gero eta handiagoa dela azaldu du. Hala, ekoizpenari dagokionez, hilean 12.000 tonatik 30.000 mila tonara pasatzeko asmoa dutela esan du.
Dena dela, ateak itxi aurretik ekoizten zuten kopurura bueltatzeko zenbat denbora falta den zehaztea zaila dela esan du. Ildo horretatik, faktore ezberdinak izan behar direla kontuan azaldu du: enpresaren eboluzioa eta bezeroen harrera, besteak beste.
Energia elektrikoaren kostuari dagokionez, egoera nabarmen zailtzen duela esan du Ariasek. Arrazoi horregatik, enplegua indartzeko eta gastua ahal den neurrian murrizteko, asteburuetan eta gauez lan egitea proposatu die zuzendaritzak langileei, argindarra merkeagoa baita.
Zure interesekoa izan daiteke
Ikuskizunetako teknikarien grebaren deitzaileak pozik agertu dira, lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Behineko kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian lan egiteagatiko plusik ez jasotzea edota lana eta bizitza pertsonala uztartzeko zailtasunak izatea salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuko eta UAGA Arabako nekazarien elkarteko ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.