Kontzertu Ekonomikoaren entzuera bai, baina ezagutza gutxi
Kontzertu Ekonomikoaren entzuera badute herritarrek, baina ia ez dute ezagutzen tresna horren edukia. EiTB Focus ikerketa soziologikoak 2017an egindako lehen galdeketaren emaitza nagusietako bat da. Besteak beste, Eusko Jaurlaritzaren eta Espainiako Gobernuaren arteko Ekonomia Itun edo Kontzertu Ekonomikoaz galdetu zaie aurtengo lehen inkesta honetan herritarrei.
Gizaker enpresak 1.200 elkarrizketaren bidez EiTBrentzat egindako ikerketa soziologikoaren arabera, EAEko herritarren % 75ek Kontzertu Ekonomikoaren aditzea eduki dute. Pertsona horiei Kontzertuaz zer dakiten galdetuta, baina, ia denek onartu dute ezer gutxi dakitela: 1etik 10erako ezagutza mailan, 4,89ko nota jarri diote euren buruari, batez beste.
Herritarren gehiengo zabala ados dago Euskadiren eta Espainiaren arteko Ekonomia Itunarekin, eta Espainiako eredu ekonomikoa baino hobea dela irizten diote herritarrek.
Kontzertu Ekonomikoa blindatzea beharrezkoa dela uste dute galdetutako 10 herritarretatik 7k, Espainiako Gobernuaren helegite gehiago egon ez dadin.
Zerga gehiago ordaintzeko prest legoke EAEko herritarren hirutik bat, horrek gizarte-ongizatea hobetuko balu.
Presio fiskalari dagokionez, Euskadiko herritarrek ez dute uste pribilegiorik dutenik. Espainiako herritarrek baino zerga gehiago ordaintzen dituztela diote.
Inkestan parte hartu dutenen % 66k adierazi dute Euskadiko egoera ekonomikoa Espainiakoaren aldean ona dela, industria gehiago eta langabezia gutxiago dagoelako.
Herritarren erdiak baino gehiagok (% 55) Euskadik hitzartuta duen itun ekonomikoa Espainiako sistema baino hobea dela uste dute; % 10en iritzian, sistema berdina da, eta % 2k Espainiakoa hobea dela adierazi dute. Hirutik batek ez du horren inguruko iritzia eman edo ez du ezagutzen.
Krisi ekonomikoari aurre egiteko, Kontzertu Ekonomikoa EAEko herritarren mesederako dela esan dute galdetutakoen % 40k. Aldiz, % 10en iritzian, krisi garaiotan kalterako da itun hori. % 17k, berriz, ez diote ez aldeko eta kontrako eraginik ikusten.
Fitxa teknikoa
2017ko martxoko EiTB Focus inkestan, Eusko Jaurlaritzako lehen 100 egunei eta boto-asmoari buruz eta balorazio politikoaz eta Kontzertu Ekonomikoaz galdetu zaie herritarrei. Kontzertu Ekonomikoari buruzko emaitzak gaur, martxoak 13, argitaratuko dira.
EiTBrentzat egindako ikerketarako, Euskal Autonomia Erkidegoan bizi diren 1.200 lagun galdekatu ditu Gizaker inkesta-etxeak (400 Araban, 400 Bizkaian eta 400 Gipuzkoan). Lagin osoaren akats-tartea 2,83koa da eta konfiantza maila, ostera, % 95ekoa.
Lagina zoriz hautatu dute, eta lurralde historikoa, udalerria eta generoa kontuan hartuta sortu dute. Inkesten % 22,3 euskaraz egin dituzte eta beste % 77,7ak gaztelaniaz. Emaitzak herrien tamainaren arabera haztatu dituzte.
Inkestak otsailaren 22a eta 24a bitartean egin zituzten. Elkarrizketek, batez beste, 8 minutu eta erdi iraun zuten. Luzeena 22 minutukoa izan zen, eta laburrena, berriz, 6 minutukoa.
Zure interesekoa izan daiteke
Tubos Reunidos onbideratzeko aukera txikiena ere esploratzeko eskatu dio Otxandianok Jaurlaritzari, enpleguaren aldeko konpromisoari azkenera arte eusteko
Pello Otxandiano EH Bilduren bozeramaileak Euskadi Irratian egin dioten elkarrizketan adierazi duenez, gaur bertan ELA, LAB, CCOO eta UGT sindikatuen idazkari nagusiekin harremanetan jarriko da hizkuntza eskakizunen aferari irtenbidea emateko EH Bilduk planteatzen duen proposamen zehatza aurkezteko; EAJk eta PSE-EEk mahai gainean daukate dagoeneko.
Tubos Reunidosek enplegu-erregulazioko espedientea aurkeztu du, eta 285 kaleratze iragarri
200 langile baino gehiago (152, Amurrion, eta 53, Trapagaranen) hitzartutako kaleratzeen bidez egotziko dituzte. Aldi baterako kontratudun langileak (80 bat), ordea, hilaren amaieran kaleratuko dituzte.
Osasun mentala eta itxaron-zerrendak, Nafarroako lan-absentismoaren gorakadaren gakoak
Langileen % 67k ez zuen bajarik izan 2025ean, baina talde txiki batek biltzen ditu absentzia-egun gehienak, Absentismo Barometroaren arabera.
Esportazioak % 4,5 murriztu dira urtarrilean Euskadin, eta inportazioak % 6,1
2026ko lehenengo hilabeteko saldo komertziala positiboa izan da, 113,2 milioi eurokoa, eta esportazioen eta inportazioen arteko harremana neurtzen duen estaldura tasa % 105,5ekoa.
Brenta % 13 jaitsi da, kolpetik, Trumpek Irango erasoak etengo dituela iragartzearekin bat; 100 dolar ingurura itzuli da gero
Trumpen iragarpena islatu egin da Ibex 35ean, saio erdian lehengoratu eta % 1,08 igo da, 16.893,9 punturaino.
Confebask ez da joango ELAk eta LABek gutxieneko soldata propioa negoziatzeko biharko deitutako bilerara
Patronalak argudiatu du EAEko Auzitegi Nagusiak ebatzi zuela afera hori negoziatzea "legez kanpokoa" zela. Batzarra bihar, M17ko greba orokorra egin zenetik astebetera, egin asmo zuten bi sindikatu abertzaleek. Hain justu, Confebasken ezezkoa "probokaziotzat" jo dute biek ala biek, eta Jaurlaritzari "ekidistantziak bilatzeari" uzteko eskatu diote. Azken horrek elkarrizketarako deia egin die bi aldeei.
Osasun Ministerioak apirilaren 9rako deitu ditu autonomia erkidegoak medikuen grebaz hitz egiteko
Ostiral honetan ohiko osoko bilkura egingo dute pazienteen eta Osasun Sistema Nazionalaren kudeaketa publikoaren lege aurreproiektuen berri emateko.
Lanbidek aurreikusten du martxoa enplegu-datu positiboekin amaituko dela: "Oraindik ez dira nabaritzen krisi geopolitikoaren ondorioak"
Francisco Pedraza Lanbideren zuzendari nagusiak, Radio Euskadin egindako elkarrizketan, adierazi du "zalantza asko" daudela "epe ertainera begira".
Erregaiaren prezioek behera, astelehenari ekiteko, krisiaren aurkako neurriak igandean indarrean sartu ostean
Zerbitzugunearen arabera, erregaien prezioak litroko 15-20 zentimo jaitsi dira. Neurriak jada indarrean dauden arren, Diputatuen Kongresuak onartu beharko ditu; datorren ostegunean, martxoaren 26an, bozkatuko dituzte neurriak.
Tubos Reunidoseko langileek elkarretaratzea egin dute San Mameseko zabalgunean, Bilbon
Athletic-Betis partidaren atarian lan-erregulazioaren eta altzairutegia ixtearen kontrako jarrera azaldu dute. Gainera hitzartutako kaleratzeei atxikimendua emateko prozesua kritikatu dute, eta dudan jartzen dute benetan 301 langilek izena eman duten.