Jaurlaritzak Aurrekontuak onartuko ditu PPren abstentzioari esker
Eusko Jaurlaritzak 2017ko Aurrekontuak onartuko ditu PPren abstentzioari esker. Jaurlaritzak eta Alderdi Popularrak aurrekontuen inguruko akordio markoa izenpetu dute gaur, eta datozen egunetan popularrek zuzenketa batzuk aurkeztuko dizkiote aurrekontu proiektuari.
Pedro Azpiazu Ogasun eta Ekonomia sailburuak eta Anton Damborenea PPk Ekonomia gaietarako duen bozeramaile eta legebiltzarkideak sinatu dute akordioa Eusko Legebiltzarrean. Osoko zuzenketa ez aurkezteko eta gainerako taldeek aurkeztuko dituzten osoko zuzenketak ez babesteko konpromisoa hartu du Alderdi Popularrak.
PPk 29 milioi euroko balioa duten zuzenketa partzialak aurkeztuko dizkio Eusko Jaurlaritzaren jatorriko aurrekontu proiektuari.
2017rako 11.059 milioi euroko aurrekontu proiektua aurkeztu du Jaurlaritzak, iaz baino % 1,2 handiagoa (126 milioi). Beraz, PPk aurkeztuko dituen osoko zuzenketak Aurrekontu osoaren % 0,25ari eragingo dio.
Sinaduraren ostean Pedro Azpiazuk adierazi duenez, akordioa "positiboa" da eta, hori dela eta, Eusko Jaurlaritza "pozik" dago. Aurrekontuen inguruko adostasunak beste akordio batzuei bide eman diezaioketen galdetuta, ez du aukera horri buruzko gogoetarik egin nahi izan.
Anton Damborenean esanetan, Eusko Jaurlaritzaren eta PPren arteko akordioa "albiste oso ona" da. Gaineratu duenez, PPren bederatzi legebiltzarkideak abstenitu egingo dira Aurrekontuei buruzko bozketan.
Bestalde, EH Bilduk aurrekontu proiektuari osoko zuzenketa aurkeztuko diola iragarri du gaur, aurrez Elkarrekin Podemosek iragarri zuen moduan.
EH Bilduk osoko zuzenketa aurkeztuko die Aurrekontuei
Leire Pinedo eta Iker Casanova EH Bilduko legebiltzarkideek gaur kazetarien aurrean iragarri dutenez, koalizioak osoko zuzenketa aurkeztuko dio Eusko Jaurlaritzaren aurrekontu proiektuari.
Salatu dutenez, EAJk ez du inoiz borondaterik izan EH Bildurekin akordioa lortzeko. Koalizioko kideen esanetan, EAJk "txeke zuria" eskatu die, aurrekontuko koma bakar bat ere aldatzeko aukerarik gabe.
Casanovak Madrilen eta "ezkutuan" egindako akordioa dela salatu du. "EAJk Espainiara, eskuinera begiratu du, euskal gizarteari bizkarra emanda", gaineratu du.
Zure interesekoa izan daiteke
Sindikatuek eta Jaurlaritzak talka egin dute Tubos Reunidosen etorkizunaren inguruan, argitasun faltagatik
LAB eta ESK sindikatuek Eusko Jaurlaritzaren zeregin aktiboagoa eskatu dute, eta enplegu industrialaren defentsan irmo jardutea eta abian dauden negoziazioen gardentasun handiagoa eskatu diote. Jaurlaritzak berretsi du pilatutako zor handia dela Tubos Reunidosen arazo nagusia.
Energia Agentziak ohartarazi du Europak hegazkinentzako erregai eskasia izan dezakeela sei astean
Ekialde Hurbiletik zetorren hornidura Europako hegazkinetarako erregai-inportazio garbien % 75 zen orain arte.
Babes zabala jaso du osasun publikoaren aldeko plataformek larunbaterako deitutako protestak
60 taldek baino gehiagok egin dute bat deialdiarekin. Manifestazioak 12:00etan abiatuko dira Bilbon (Jesusen Bihotza plazatik) eta Gasteizen (Bilbo plazatik), eta 17:00etan, Donostian (Boulevardetik).
Lan Ikuskaritzak ondorioztatu du Tubos Reunidoseko enplegu-erregulazioko espedienteak legea betetzen duela eta arrazoi ekonomikoak daudela
Espedienteak 240 langileri eragiten die: 177, Amurrioko lantegian, eta 63, Trapagaranen.
Etxeko hegaztien konfinamendua kendu dute, hegazti gripearen egoerak hobera egin baitu
Neurria 2025eko azarotik zegoen indarrean, eta bertan behera utzi da, kasurik ez dagoela egiaztatu baitute, eta tenperaturak gora egin duela ikusita.
Metroko bi zaintzailek salatu dute eraso "bortitza" jasan zutela Urdulizen
CCOO sindikatuak Metro Bilbaori eta enpresa esleipendunari eskatu die langileei baliabide egokiak emateko, "muturreko indarkeria" egoerei aurre egin ahal izateko.
Justiziak ez du onartu mediku gazatar bat Sidenorren aurkako akusazio partikular gisa aurkeztea, eta ez ditu kontuan hartuko Basauriko erregistroak
Akusazio partikularra erretiratu ostean, ezin izango dira Jose Antonio Jainaga eta beste bi zuzendari ikertu genozidio eta gizateriaren aurkako delituen konplize gisa. Siderurgia-enpresaren aurkako ikerketa zabalik dago Auzitegi Nazionalean, altzairua Israelgo enpresa batera esportatzeagatik, eta hori, ustez, armamentua fabrikatzeko erabiltzeagatik.
Voloteak txartelen prezioa erregaiaren kostuaren arabera igo eta jaitsi ahal izango du, 14 eurorainoko tartearekin, hegaldia baino astebete lehenago
Fair Travel Promise sistema berri eta aldakorraren bidez gehigarri finko tradizionalak ekidin nahi ditu konpainiak. Hala, airelineak txartelaren behin betiko salneurria erregaiaren prezioaren arabera doitzeko aukera izango du.
Hithiumen inbertsioa Nafarroan gauzatzeko akordioa sinatu dute Chivitek eta Txinako enpresak, Pekinen
Proiektuari esker 405 milioi euro inbertitu eta 700 lanpostu inguru sortuko dira, lehen fasean, Nafarroan, eta bigarren fasean mila lanpostu ere izan daitezke.
Tasa turistikoa Donostian: Hurtadok uste du ezinezkoa dela uda baino lehen ezartzea, eta Mendoza elkarrizketarako prest agertu da
Jon Insausti alkateak Donostiako tasa turistikoa uda aurretik ezartzea mahai gainean jarri ondotik, gaia pil-pilean dago: Javier Hurtado Turismo sailburuak Radio Euskadin adierazi du ez duela uste bideragarria denik 2027a baino lehen ezartzea, epe teknikoak direla eta. Bien bitartean, Eider Mendoza Gipuzkoako ahaldun nagusiak Euskadi Irratian esan du Gipuzkoako Batzar Nagusietan eztabaidatuko dutela, akordio batera iristeko.