Nuclenor, % 50ean zatituta, Garoñako zentral nuklearraren geroaren aurrean
Nuclenorrek, Santa Maria Garoñako zentral nuklearraren jabeak, administrazio kontseiluaren bilera eta batzar orokorra egin ditu lantegiaren jarduteko baimena berritu ala ez erabakitzeko, baina Endesa eta Iberdrola bazkideek ez dute akordiorik lortu, elkarteak jakinarazi duenez.
Hori horrela, Garoñaren jabeak duen barne zatiketa berretsi egin da, Endesak eta Iberdrolak ez baitute iritzi bera zentralaren etorkizunaz.
Iberdrolak eskatuta egin dute bilera, Endesak bere asmoari babesa ematea nahi baitzuen. Iberdrolak zentral nuklearra ustiatzen jarraitzeko baimenari uko egitea nahi du, eta hori babesteko barne eta kanpo txostenak aurkeztu ditu, zentrala bideragarria ez dela frogatzeko.
Horren aurrean, ordea, Endesaren kontseilariek proposamena errefusatu dute, eta beste aukera baten alde egin dute: Espainiako Gobernuak, Segurtasun Nuklearraren Kontseiluaren txostenean oinarrituta, hartzen duen erabakiari itxarotea (abuztua baino lehenago izango da).
Garoñaren kontrako Foroa
"Benetan Iberdrolaren apustua negozio sail hau ixtea izango balitz, arrazoi ekonomikoengatik soilik izan arren, orain dela urte batzuk zentralak ixten edo akzioak saltzen hasiko zen", esan du Garoñaren kontrako Foroak, Administrazio Kontseiluaren erabakia ezagutu eta gero.
Gainera, hedabideei igorritako ohar baten bidez gaineratu duenez, "orain Energiaren Ministerioak azken hitza izango du Garoñako zentrala berriz irekitzeko baimena eman ala ez, eta eragile guztiekin hitz egingo duela esaten digu. Guztiak esatean guztiak izatea espero dugu, gizarte mugimenduak eta talde ekologistak barne, eta Garoña ixteko eta desegiteko gehien sozialaren aldarria entzutea".
"Horren harira, trantsizio energetikoari buruzko eztabaida irekitzeko aukera aproposa izango litzateke. Pertsonen bizitzak eta haien ate birakarien dibidenduak nola kokatzen dituen bere balio-eskalan ikusiko dugu", gaineratu du.
Zure interesekoa izan daiteke
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.
Gasteizko Udalak taxilarien guardiak arautu ditu, dekretu bidez
Dokumentuak larunbat eta jai bezperetarako guardien egutegia ezartzen du, 00:00etatik 08:00etara, eta tarte horretan gutxienez 50 taxi arituko dira zerbitzua ematen.
Etxebizitzen salerosketa % 11,6 jaitsi da EAEn, eta % 8,2 igo da Nafarroan
Donostian 418 etxebizitza salerosi dira 2026ko urtarrila eta apirila bitartean, aurreko hiruhilekoan baino % 26,8 gutxiago, eta iazko tarte berean baino % 30,8 gutxiago.
Banku-txartelari agur? Bizum bidezko ordainketa saltokietara iritsi da
NFC teknologiaren bidez egingo dira ordainketak, contactless metodoaz, erabiltzaileak Bizum aktibatuta duen banku-aplikazioaren edo Bizum Pay-ren diru-zorro digital berriaren bitartez. Ordainketa berehala egingo da, eta ez da bitartekaririk (Visa, Mastercard…) beharko. Massimo Cermelli ekonomialariaren ustez, Bizum "erakargarria izan daiteke; saltoki txiketarako, batik bat", komisioetan aurreztu dezaketelako.
Tubos Reunidosen enpresak "antolatutako" eta patronalak babestutako kanpaina bat egon dela salatu du ELAk
Mitxel Lakuntza ELA sindikatuko idazkari nagusiak enpresak azken urteetan egindako "kudeaketa tamalgarria" gaitzetsi, eta "akziodunek 170 milioiko zorra" sortu dutela salatu du.