Estatuko Aurrekontu Orokorrek lehen azterketa gainditu dute Kongresuan
Ezusterik ez da izan, eta 2017ko Estatuko Aurrekontu Orokorrek lehen azterketa gainditu dute gaur Diputatuen Kongresuan. Hiru aldiz bozkatu dute, eta hiru bozketetan berdinketa egon denez (175 boto alde eta 175 boto kontra), aurkeztutako osoko zuzenketak baztertu egin ditu Ganberak.
Aurrekontuak Espainiako Gobernuari itzultzearen alde bozkatu dute PSOEk, Unidos Podemos-En Comú-En Marea taldeek, ERCk, PDeCATek, Compromisek, EH Bilduk eta Nueva Canariasek. Guztira, 175 boto.
Beste hainbeste boto izan dira zuzenketen kontra: 175. UPN, Foro Asturias, Ciudadanos, EAJ eta Coalicion Canaria alderdiek eta PPk berak bozkatu dute.
Lehen bozketan ez da akatsik izan, eta berdinketa egon denez, diputatuek bigarrenez bozkatu behar izan dute. Bozketa horretan ez denez aldaketarik egon, Kongresuan bost minutuko etenaldia egin dute eta berriz bozkatu dute.
Berdinketak jarraitzen zuela egiaztatuta, hirugarren bozketarekin Espainiako Aurreko Orokorren inguruko osoko zuzenketa baztertu egin dute. Gauzak horrela, aurrekontuek lehen azterketa gainditu dute Diputatuen Kongresuan.
Ostiral honetan, Kongresuan ordezkatuta dauden alderdi politikoek zatikako zuzenketak aurkezteko aukera izango dute.
Ondoren, aurrekontuak batzordean lantzen dituztenean, Alderdi Popularrak babes nahikoa izaten jarraituko du; EAJrekin eta UPNrekin lortutako akordioei esker. Hala, ostiralean aurkezten dituzten zatikako zuzenketek ez dute trabarik jarriko.
Dena dela, maiatzaren azken astean diputatuek Espainiako Aurrekontu Orokorrak berriz bozkatzen dituztenean, berdinketa lortzea ez da nahikoa izango. Une horretan, PPk aldeko boto gehiago behar izango ditu. Hala, beharrezkoa izango da oposizioko diputatu batzuk abstenitzea edota aldeko beste boto bat lortzea.
Zure interesekoa izan daiteke
Angularen arrantza kanpainak bertan behera jarraitzea berretsi du EAEko Justizia Auzitegi Gorenak
Iazko azaroan, 2025-2026rako aurreikusitako angularen kanpaina bertan behera geratu zen EAEn, Eusko Jaurlaritzaren txostenek espeziearen egoera kritikoa egiaztatu ondoren.
Diesel litroa 2 eurotik gorakoa da jada Hego Euskal Herriko gasolindegi askotan
Gasolioaren prezioa % 30,78 igo da martxoan, Irango gerrak eragindako ezegonkortasunaren ondorioz, eta maximo berria ezarri du, litroko 1,916 eurora iritsi baita EAEn, batez beste, 2022ko uztailetik izan duen preziorik garestiena.
Euskadiko CCOOk gaitzetsi du ELAk "seinalamendu kanpaina" darabilela haren kontra, eta adierazi du euskararen aldeko jarrera "integratzailea" duela
Comisiones Obrerasek salatu du sindikatuaren aurkako manifestazio kanpaina bat darabiltzatela beste sindikatuek, euskararekiko eta hizkuntza eskakizunekiko duen jarrera dela eta. Santi Martinez idazkari nagusiak, gainera, Korrikan parte hartzeko "betoa" jarri izana gaitzetsi du, eta sindikatu abertzaleak haien kontra "erakunde ultra batek egingo lukeen moduan" jokatzen ari direla uste du.
Aste Santuan greba egingo dute Bilboko aireportuko Grounforceko lurreko asistentziako langileek
Lanuzteak martxoaren 27an hasiko dira eta apirilaren 1ean (asteazkena), apirilaren 3an (Ostiral Santua) eta 6an (Pazko Astelehena) izango lukete eragina. KPIaren diferentzialari eta erosahalmenari eustea aldarrikatzen dute langileek. Handling enpresa horrek zerbitzua ematen duen Estatuko aireportu guztietan izango dira greba-deialdiak.
Nafarroako Ekonomia eta Gizarte Kontseiluak Irango gerraren ondorioei aurre egiteko neurriak aztertuko ditu
Nafarroako Gobernuak aurreratu du Ministroen Kontseiluak ostiral honetan iragarriko dituen neurriak arretaz aztertuko dituela Nafarroan aplika daitezkeen egiaztatzeko.
"Indarberriturik eta helburua lortzetik gertuago" atera dira langile klasea eta indar sindikala, ELAren eta LABen ustez
Sindikatuen ustez, greba orokorra "klase elkartasun erakustaldia" izan da. LGS propioa lortzeko bideak zabalik daudela adierazi dute (bai patronalarekin, bai Espainiako Kongresuan) eta Jaurlaritzari eta, bereziki, EAJri, eskatu diote argitu dezala Legebiltzarrean eta Espainian dituen jarrera kontraesankorrak.
Atzoko greba orokorra "indar erakustaldia" izan zen, LAB eta ELA sindikatuen aburuz
Radio Euskadin eta Euskadi Irratian egindako elkarrizketetan LAB eta ELAko idazkari nagusiek adierazi dutenez, atzokoak "oso mobilizazio jendetsuak izan ziren, 135.000 pertsona ere batu zirela". "Indarberrituta atera gara", azpimarratu du Garbiñe Aranburu LABen koordinatzaile nagusiak.
Albiste izango dira: Greba orokorraren balantzea, Iranek Ali Larijaniren heriotza eta Ipar Euskal Herriko udal hauteskundeen bigarren itzulia
Orain-ek gaur landuko dituen albiste nagusien laburpena.
Ertzaintzak hiru pertsona atxilotu ditu greba orokorraren egunean
Desordena publikoak egitea leporatzen zaie. Gainera, bost pertsona ikertzen ari da eta 165 identifikatu ditu.
Egungo gutxieneko soldata kobratzen dutenek diote ez dela nahikoa duintasunez bizi ahal izateko
Zaintzan eta garbiketan; ostalaritzan eta turismoan; saltokietan, logistikan eta nekazaritzan… Arlo horietan ohikoa izaten da lanbidearteko gutxieneko soldata erreferentziatzat hartzea ordainsariak ezartzeko. Langileek salatzen dute jasotzen duten horrekin ezin dela bizi, eta ezinbesteko jotzen dute 1.500 eurora igotzea, duintasunez bizi ahal izateko.