Erabateko jarraipena izan dute zamaketarien lanuzteek euskal portuetan

Zamaketarien bigarren greba egunean ere % 100ekoa izan da jarraipena Pasaiako eta Bilboko portuetan, UGT sindikatuak jakinarazi duenez, eta "arrakasta"tzat jo du deialdia.

Bilboko eta Pasaiako portuetan "langile guztiek" egin dute bat grebarekin bi jarduneldietan. "Langile guztiak ari dira lanuztea egiten ordu bakoitietan", adierazi dute aipatu iturriek.

Zamaketariek elkarretaratzeak egin dituzte portuetan "Anesko patronalaren jokabidea aldatzeko", "enpleguaren subrogazioa" onar dezan.

"Une honetan, aldarrikapen nagusiak langileen enplegua eta subrogazioa bermatzea da. Ziurrenik, zintzilik geratuko diren gainerako gaiak negoziatzea eta akordioetara iristea errazagoa izango da", azaldu du.

Portu Agintaritzak azpimarratu du gutxieneko zerbitzuen % 100a bete dela.