Nafarroa azken ukituak ematen ari zaizkio AHTari buruzko itun proposamenari
Manu Ayerdi Nafarroako Gobernuko Garapen Ekonomikorako presidenteordeak gaur goizean iragarri duenez, Nafarroako trenbide korridoreari buruzko hitzarmen proposamenari azken ukituak ematen ari zaizkio Foru Gobernua, Espainiako Sustapen Ministerioari igortzeko. Foru Gobernua sostengatzen duten alderdien artean iritzi ezberdinak izan arren bukatzen ari dira proposamena.
Atzo lau alderdien arteko bilera egin ostean, azpiegitura horren inguruan dauden "azken berriak" izan ditu hizpide Ayerdik kazetarien aurrean. Bertan azaldu duenez, Foru Gobernuak azpiegitura honi buruzko prozesu parte-hartzailea jarri du martxan, jendartea informatzeko eta herritarren iradokizunak jasotzeko.
Ayerdiren esanetan, ez da prozesu "loteslea" izango trenbide alorrean, eskumen hori Estatuaren esku baitago. Hori dela eta, eta gainerako hiru alderdiak (EH Bildu, Izquierda-Ezkerra eta Nafarroako Ahal Dugu) ados ez badaude ere, Espainiako Sustapen Ministerioarekin hitzarmen bat sinatzearen alde agertu da, "betiere egokia bada".
Foru Gobernuak Estatuarekin hitzarmena sinatzeko arrazoi gehiago eman ditu. AHTaren trenbide sareak gaitasun eta estandarrei dagokienez zituen arazoak konpontzen ditu, bidaiarientzako eta merkantzietako erabilera bermatzen du, eta "trenbide korridore" kontzeptua jasotzen du, horren arabera.
Horrenbestez, Foru Gobernuaren esanetan, "eskumena" duenak egindako proposamenak proiektuaren "gakoak" betetzen ditu, eta, beraz, "guk jarritako helburuak errespetatzen ditu".
Kontuak kontu, orain mahai gainean dagoena hitzarmen bat dela azpimarratu du Ayerdik. "Gero etorriko da negoziaziorako eta lizitazioez hitz egiteko garaia", gaineratu du.
Zure interesekoa izan daiteke
Kamioilariek protesta egin dute Iruñean, "Bidesariei ez" lelopean
Ehun kamioilari baino gehiago bildu dira protestan larunbat honetan Iruñean. Garraiolari nafarrak bidesariak "inposatzearen aurka" agertu dira, eta hauek eskatu dituzte: "bidezko fiskalitatea, azpiegituretan hobekuntzak, belaunaldien arteko erreleboa eta garraiolarien duintasun profesionala bermatuko duten neurri eraginkorrak".
Talgo % 9,7 igo da burtsan Sidenorrek konpainiaren % 30 erosi ondoren
Talgoren kotizazioa ordubete inguru egon da etenda ostiraleko saioan, konpainiak Balore Merkatuaren Batzorde Nazionalari Sidenorrek akzio-pakete hori erosi duela jakinarazi aurretik.
Sidenorren arabera, Talgok "etorkizuneko proiektu sendo batekin" ekin ahalko dio etapa berriari
Mikel Jauregi Eusko Jaurlaritzako Industria sailburuaren esanetan, euskal partzuergoak Talgoren % 29,76 erosteko sinatutako akordioa "mugarri oso garrantzitsua" da urtea amaitu aurretik operazioa gauzatu ahal izateko. EAJk euskal industriaren aldeko apustuaren erakusgarri gisa ospatu du operazioa; EH Bilduk, berriz, albiste ontzat jo du, nahiz eta izen aldaketa eskatuko duen eta beheranzko joera hartua duen euskal ekonomiarentzat lagungarria izatea espero du.
Talgo eta Sidenor, euskal industriaren bi erraldoi
Lehenengoa erreferentea da tren-sektorean; bigarrena, berriz, liderra da siderurgian.
Sidenor buru duen partzuergoak Talgoren % 29,76ren erosketa itxi du 156 milioiren truke
Balore Merkatuaren Batzorde Nazionalak (CNMV) behin-behinean eten du Talgoren kotizazioa, Sidenorrek gidatutako partzuergoak Pegasorekin sinatutako akzioen salerosketa-kontratua sinatu ondoren. Eragiketak otsailean lortutako aurreakordioa berretsi du, eta erosketaren azken faseari ekin dio.
Bizkaiko hegoaldeko trenbide-saihesbidearen obrak urtea amaitu baino lehen hasiko dira
Eusko Jaurlaritzako Mugikortasun Jasangarriaren sailburu Susana Garcia Chuecak azaldu duenez, obrak amaitutakoan merkantzia-trenek ez dute Santurtzi, Portugalete, Sestao eta Barakaldo zeharkatu beharko. "Aldiriko trenek bakarrik zirkulatuko dute, iberiar zabalera baitute trenbide horiek", gaineratu du.
Angula-arrantza denboraldia hastear, Bizkaiko eta Gipuzkoako arrantzaleak lehorrean
Eusko Jaurlaritzak bertan behera utzi du aurtengo angularen arrantza-kanpaina, espeziea galtzear dagoela argudiatuta. Hala, urtebetean, gutxienez, ezingo da angularik harrapatu Bizkaiko eta Gipuzkoako ibaietan. Euskadiko Anguleroen Elkarteak salatu du Europa osoan arrantzatuko dutela angula, Euskal Autonomia Erkidegoan izan ezik.
“Ipar Euskal Herrian, Asturiasen, Kantabrian… Europa osoan ari dira angula arrantzatzen, EAEn izan ezik”
Angula denboraldia hastear den honetan, Gipuzkoako eta Bizkaiko arrantzaleek ezin izango dute angula arrantzatu, Jaurlaritzaren debekua dela eta. Unai Eizagirre Anguleroen Elkartearen lehendakariak onartu du angularen egoera ez dela ona, baina kritikatu du debekua Euskal Autonomia Erkidegoan soilik ezarri dela, eta, bien bitartean, Asturiasen, Galizian... angula arrantzatzen ari direla. Eurak soluzioaren parte direla nabarmendu dute, eta, Frantziako eredua jarri dute mahai gainean.
Gobernantza Sailak 167,5 milioi bideratuko ditu 2026an Administrazioa arinagoa izan dadin
Gainera, Ubarretxena sailburuak iragarri duenez, Eusko Jaurlaritzak 2023, 2024 eta 2025eko Lan Eskaintza Publikoak batuko ditu, eta guztira 1.700 plaza aterako ditu Administrazio Orokorrean, baina ez da deialdi bakarra egingo, eskalen arabera deituko dira.
Eusko Jaurlaritzak 8 ikuskatzaile gehiago kontratatuko ditu etxebizitza turistikoen gaineko kontrola areagotzeko
Javier Hurtado Turismo, Merkataritza eta Kontsumoko sailburuak bere sailari dagokion datorren urteko aurrekontu-proiektua aurkeztu du Eusko Legebiltzarrean. Guztira, 56,5 milioi euroko aurrekontua izango du, aurten baino % 2 gutxiago.