Barkos AHTari buruz: Alderdien interesengatik hartu du erabakia Estatuak
Espainiako Gobernuak Abiadura Handiko Nafarroako Trenbidearen lanen kudeaketa bere gain oso osorik hartu ondoren, Nafarroako Gobernuak bilera egingo du gaur egoera aztertzeko. Horren aurretik, Uxue Barkos Foru Gobernuko presidenteak kazetarien aurrean adierazi duenez, alderdien interesengatik eta ez Nafarroaren interesengatik hartu du erabakia Espainiako Sustapen Ministerioak.
Proiektua "berehala" bere gain hartuko duela iragarri zuen atzo Espainiako Gobernuak, haren esanetan, "Nafarroako Gobernuak hitzarmen proposamenari erantzunik ez diolako eman".
Barkosen hitzetan, "alde bakarreko haustura" izan da eta gertatutakoa ulertzeko atzera begiratu behar da, zehazki, maiatzean eta ekainean izandako Espainiako aurrekontuen negoziazio garaietara. "UPNk jostailu bat nahi zuen, UPNk jostailua dauka orain eta Nafarroari hitzarmena lapurtu diote", nabarmendu du.
"Arduragabetasun adibide argia da hau, hain zuzen, alderdi interesek Nafarroako interesekin talka egiten duten auzi batean", azpimarratu du.
Uxue Barkosek UPNren eskua ikusten du Espainiako Sustapen Ministerioaren erabakiaren atzean. Azaldu duenez, honek ez dauka zerikusirik Nafarroako interes orokorrarekin, 2017ko Espainiako aurrekontu orokorrak adosterakoan hartu zituzten konpromisoekin baizik.
Nafarroako presidenteak ukatu egin du Espainiako Gobernuak esandakoa, hots, Nafarroako Gobernuak ez diola hitzarmen proposamenari erantzunik eman. Are gehiago, Nafarroako Gobernua berari dagokion horretan guztian lanean ari dela "denbora eta formari dagokionez". "Ez dago inolako atzerapenik, bestelako arrazoiek izan dute eragina, alderdien interesek alegia", berretsi du.
Erreakzioak, Abiadura Handiko Nafarroako Trenbidearen lanen harira
Koldo Martinez Geroa Baiko parlamentariaren hitzetan, "egutegiko arazo txiki bat ezin da eta ez litzateke izan behar Nafarroako Gobernuaren eta Espainiako Gobernuaren arteko akordioa lortzeko arazo bat".
Adolfo Araiz Nafarroako EH Bilduren bozeramailearen hitzetan, UPNren "presioak" eragindako "inposaketa" da.
Podemosen izenean, Mikel Buil parlamentariak Estatuaren erabakia deitoratu du "Nafarroako autogobernuari kalte handia egiten diolako".
Marisa Simon Ezkerra taldeko parlamentaria ez da "inondik ere" harritzen, hartutako erabakiarekin.
Bestalde, Javier Esparza UPNko presidenteak esan du EH Bildu, Podemos eta Ezkerra izan direla Nafarroako Gobernuari bultzatu diotenek "azpiegitura ez sustatzeko".
Maria Chivite PSNko idazkariaren arabera, "desiragarriena" hitzarmena izango litzateke, baina orain "egoerak saihestea ez du balio".
Ana Beltran bozeramaile popularrak Nafarroako Gobernuaren jokabidea deitoratu du, "gobernukideen presioen ondorioz nahita luzatu baitu bere erantzuna".
>
Zure interesekoa izan daiteke
Ertzaintzaren lan eskaintzarako lehen probak atzerapenarekin hasi dira, espero baino jende gehiago aurkeztu baita
Aurreikusitakoa baino ordubete eta laurden geroago hasi dira azterketak, leku eta proba gehiago prestatu behar izan dituztelako; izan ere, hautagaien % 70 aurkeztu ohi dira, eta % 85etik gora bertaratu dira gaurkoan. Segurtasun Sailak ohar bidez azaldu duenez, sindikatuei eman diete jada gertatutakoaren berri, baina Legebiltzarrean agerraldia eskatu du azalpenak emateko.
Eusko Jaurlaritzak eta Espainiako Gobernuak gutxieneko zerbitzuak ezarri dituzte datorren asteko trenbideen sektoreko grebari begira
Trenbideko sindikatu nagusiek (CCOO, UGT eta makinisten Semaf) datorren asterako deitutako grebari eutsiko diote, otsailaren 9tik 11ra.
Metal Groupek enpresa-batzordeekin eta administratzailearekin aztertuko du konkurtsoaren eta lantegien itxieraren ondorengo egoera
COOOko iturriek adierazi dutenez, egoera zaila da, eta, gainera, zaila da lantegien jarraitutasuna bermatuko lukeen erosle bat aurkitzea.
Elkarrekin Podemosek zuzenketak aurkeztuko dizkio turismo-zergari "progresiboa eta udalerrien errealitatera egokitua" izan dadin
Miren Echeveste Elkarrekin Podemosen Gipuzkoako Batzar Nagusietako bozeramaileak esan duenez, bere taldeak "jarrera ireki, arduratsu eta eraikitzailearekin" egingo dio aurre zerga honen negoziazioari, "aurreproiektua indartzeko eta herri eta hirietako bizitzarekin bateragarria den turismo eredu jasangarriago baterantz aurrera egiteko".
Adegi: "Absentismoak gizarte osoaren kezka izan beharko luke, ez bakarrik enpresariena"
Jose Miguel Ayerza Adegiko zuzendari nagusiak positibotzat jo du Cebekek gai horretan neurriak hartzeko eskatu izana. "Eragile guztiok partekatu beharko genuke diagnostikoa, eta neurriak jarri beharko genituzke hori murriztu ahal izateko", gaineratu du.
Donostia da hiribururik garestiena: 6.107 euro metro karratuko
Donostia da, alde handiarekin, hiribururik garestiena, Madril, Bartzelona, Palma eta Bilboren aurretik, baina Gasteiz eta Iruñea ere Estatuko 10 hiri garestienen artean daude.
Enplegu-erregulazioko espedientea bertan behera uzteko eskatu du Tubos Reunidoseko enpresa batzordeak, "borrokari" bidea irekita
Mikel Jauregi Industria sailburuak esan du otsailaren 13an Tubos Reunidoseko enpresa batzordearekin egingo duten bileran konponbideak bilatzen saiatuko direla, besteak beste, enplegu-erregulazioko espedientearen ondorioak "txikitzeko".
Miren Arzalluzek "oso positibotzat" jo du Euskadin zerga turistikoa ezartzea
Miren Arzalluz Bilboko Guggenheim museoko zuzendari nagusiaren arabera, bisitarien eta egoiliarren arteko "bizikidetza" sustatzeko baliagarria izango da. Radio Euskadin egindako elkarrizketan esan duenez, "zerga turistikoa ez da zerbait berria", XIX. mendean indarrean baitzegoen Biarritzen.
Mercedes-Benzek bere ekoizpena etengo du bihar, Leonardo ekaitzak eragindako hornidura faltagatik
Enpresak azaldu duenez, Gibraltarko itsasartean itsas trafikoa geldiarazten ari dira denboralearen ondorioz. Horregatik, larunbat goizeko txandan jarduera etetea erabaki du.
Baso-langile bat hil da Zornotzan, zuhaitz batek kolpatuta
Lan-istripua 18:30 aldera gertatu da, eta, osasun-langileak bertaratu diren arren, ezin izan dute ezer egin haren bizitza salbatzeko.