Bizkaiko zahar-etxeetako gatazkaren konponbidea, gertu
Bizkaiko zahar-etxeetako lan gatazkaren konponbidea gertu egon liteke, 300dik gora eguneko grebaren ondoren.
ETBk jakinarazi duenez, ELA sindikatuak onartu egin du sektoreko hiru patronaletako batek (Gesca) egindako eskaintza. Izan ere, eskaintza horrek aldarrikapen gehienak jasotzen dituela uste du zentral abertzaleak.
Orain, baina, gutxienez beste bi patronaletako batek (ELBE edo LARES) egin behar du bat akordioarekin, lan gatazka amaitu dadin.
Gaizka Miguel Bizkaiko zaharren egoitzetako sektorean ELAk duen ordezkariak Europa Pressi adierazi dionez, "ez dago gatazka bukatzeko inolako akordiorik", "akordioa egoteko eta langile guztientzako hitzarmena sinatzeko patronalaren gehiengoa batu behar da".
Miguel oso kritiko azaldu da Elberen aurrean, "erabat desagertuta egon da negoziazioan", esan du. Lares patronala ildo beretik kokatu du ordezkari sindikalak, bere esanetan, "oso gatazkatsua izan da gatazka honetan", "teorian, irabazi asmorik gabeko fundazioa da eta, horren gehiengoa, etekin handiak izaten dituzte eta finantzazio publiko zabalagoa eta itunpeko plaza kopuru gehiago".
Miguelen esanetan, "gatazka honetako alde bakoitzak bere ibilbidea egin behar du, patronalen artean hitz egin beharko dute, eta ez dakit Aldundiak esku hartu behar izango ote duen". "Bi patronaletako bat Gescarekin egindako akordioarekin elkartuko den zain daude langileak", berretsi du.
ELAren ordezkariak azaldu duenez, sindikatuak kanpaina berri bat abiarazi du "gatazka gizartera" eramateko asmoz, Euskal Autonomia Erkidegoko hiru lurraldeetan zehar, "herritarrek Bizkaiko zahar egoitzetako langileak pairatzen ari direna ezagut dezaten".
Gainera, datozen egunotan elkarretaratzeak egingo dituzte lantokietan. Astelehenean, urriak 2an, manifesatazioa egingo dute Bilbon, Moyua plazatik La Misericordia Egoitzaraino, hain zuzen, "Lares patronalaren zentro garrantzitsuenetako bat", eta, hurrengo egunean, beste manifestazio bat egingo dute PPren egoitzatik Bizkaiko Foru Aldundiaren Jauregiraino, iragarri du ELAk.
Bizkaiko erresidentzietako 5.000 langileek 300dik gora greba egun egin dituzte, euren lan baldintza "prekarioak" salatzeko.
Zure interesekoa izan daiteke
EBZk inflazioaren gorakada eta hazkundearen moteltzea aurreikusi ditu, Ekialde Hurbileko gerraren ondorioz
Abenduko proiekzioekin alderatuta, aurten bereziki inflazioak gora egingo duela ohartarazi du Europako Banku Zentralak (EBZ), Ekialde Hurbileko gerraren ondorioz energiaren prezioak nabarmen igo direlako.
Angularik ezin dela arrantzatu berretsi du EAEko Justizia Auzitegi Gorenak
Iazko azaroan, 2025-2026rako aurreikusitako angularen kanpaina bertan behera geratu zen EAEn, Eusko Jaurlaritzaren txostenek espeziea egoera kritikoan zegoela egiaztatu baitzuen.
Diesel litroa 2 eurotik gora dago Hego Euskal Herriko gasolindegi askotan
Gasolioaren prezioa % 30,78 igo da martxoan, Irango gerrak eragindako ezegonkortasunaren ondorioz, eta maximo berria ezarri du, litroko 1,916 eurora iritsi baita EAEn, batez beste, 2022ko uztailetik izan duen preziorik garestiena.
Euskadiko CCOOk gaitzetsi du ELAk "seinalamendu kanpaina" darabilela haren kontra, eta adierazi du euskararen aldeko jarrera "integratzailea" duela
Comisiones Obrerasek salatu du sindikatuaren aurkako manifestazio kanpaina bat darabiltzatela beste sindikatuek, euskararekiko eta hizkuntza eskakizunekiko duen jarrera dela eta. Santi Martinez idazkari nagusiak, gainera, Korrikan parte hartzeko "betoa" jarri izana gaitzetsi du, eta sindikatu abertzaleak haien kontra "erakunde ultra batek egingo lukeen moduan" jokatzen ari direla uste du.
Aste Santuan greba egingo dute Bilboko aireportuko Grounforceko lurreko asistentziako langileek
Lanuzteak martxoaren 27an hasiko dira eta apirilaren 1ean (asteazkena), apirilaren 3an (Ostiral Santua) eta 6an (Pazko Astelehena) izango lukete eragina. KPIaren diferentzialari eta erosahalmenari eustea aldarrikatzen dute langileek. Handling enpresa horrek zerbitzua ematen duen Estatuko aireportu guztietan izango dira greba-deialdiak.
Nafarroako Ekonomia eta Gizarte Kontseiluak Irango gerraren ondorioei aurre egiteko neurriak aztertuko ditu
Nafarroako Gobernuak aurreratu du Ministroen Kontseiluak ostiral honetan iragarriko dituen neurriak arretaz aztertuko dituela Nafarroan aplika daitezkeen egiaztatzeko.
"Indarberriturik eta helburua lortzetik gertuago" atera dira langile klasea eta indar sindikala, ELAren eta LABen ustez
Sindikatuen ustez, greba orokorra "klase elkartasun erakustaldia" izan da. LGS propioa lortzeko bideak zabalik daudela adierazi dute (bai patronalarekin, bai Espainiako Kongresuan) eta Jaurlaritzari eta, bereziki, EAJri, eskatu diote argitu dezala Legebiltzarrean eta Espainian dituen jarrera kontraesankorrak.
Atzoko greba orokorra "indar erakustaldia" izan zen, LAB eta ELA sindikatuen aburuz
Radio Euskadin eta Euskadi Irratian egindako elkarrizketetan LAB eta ELAko idazkari nagusiek adierazi dutenez, atzokoak "oso mobilizazio jendetsuak izan ziren, 135.000 pertsona ere batu zirela". "Indarberrituta atera gara", azpimarratu du Garbiñe Aranburu LABen koordinatzaile nagusiak.
Albiste izango dira: Greba orokorraren balantzea, Iranek Ali Larijaniren heriotza eta Ipar Euskal Herriko udal hauteskundeen bigarren itzulia
Orain-ek gaur landuko dituen albiste nagusien laburpena.
Ertzaintzak hiru pertsona atxilotu ditu greba orokorraren egunean
Desordena publikoak egitea leporatzen zaie. Gainera, bost pertsona ikertzen ari da eta 165 identifikatu ditu.