Jaurlaritzak 13.500 lanpostuko eskaintzak egingo ditu 2020 urtera arte
Eusko Jaurlaritzak 2018an ekingo dio berriro EPSV edo borondatezko gizarte-aurreikuspeneko erakundeetan ekarpenak egiteari (17 milioi euro bideratuko ditu horretara), eta % 1,5 igoko die soldata langile publikoei. Andres Zearreta Funtzio Publikoko sailburuordeak jakinarazi duenez.
Ostiral honetan, Eusko Jaurlaritzak Gasteizen duen egoitzan, Euskal Autonomia Erkidegoko Administrazioaren Negoziazio Mahai Orokorraren bilera izan da. Bertan, zentral sindikalak daude, Euskal Administrazio Publikoarentzat lanean ari diren 70.000 pertsona ordezkatzen: Administrazio Orokorra (Lakua), Hezkuntza, Osakidetza, Segurtasuna, Justizia Administrazioa, etab.
Lehenengo eta behin, Funtzio Publikoko sailburuordeak sindikatuei jakinarazi dienez, Eusko Jaurlaritzak 2018an ITZARRI borondatezko gizarte-aurreikuspeneko erakundeari ekarpenak egiteari ekin nahi dio berriro. Orain, Jaurlaritzak negoziazioetara eramango duen proposamena da langileen soldataren % 0,5eko ekarpena egitea urtarrilaren 1etik aurrera. Neurri honek, gutxi gorabehera, 17 milioi euroko inbertsioa dakar. Aurrerantzean, elkarrizketa zentral sindikalekin irekitzea proposatu du Jaurlaritzak, Espainiako oinarrizko araudiaren ondorioz 2012tik debekatuta dauden ekarpen horiei berriz ekiteko xehetasunak ezartze aldera.
Soldata igoera, 2018an
Batzarrean, halaber, 2018an soldata % 1,5 igotzeko proposamena iragarri die Andres Zearretak sindikatuei. Gainera, langile publikoen soldata-igoera Estatuko BPGd-arekin lotzeko Espainiako Gobernuak egin duen proposamenaren aurka dagoela adierazi du. Hori horrela, Funtzio Publikoko sailburuordeak zera salatu du: “Espainiako, Gobernuak inolako justifikaziorik gabe, behartu nahi gaitu gure langile publikoen soldata-igoera Estatuko indize makroekonomikora lotzera, kontuan hartuta aldakorra dela eta ez duela zertan adierazi euskal ekonomiaren benetako bilakaera”.
Aparteko ordainsaria
Halaber, Zearretak iragarri du Eusko Jaurlaritza dagoeneko prestatzen ari dela ordaintzeke dagoen 2012ko azken aparteko pagaren ordainketa 2017ra aurreratzeko lege-proiektua. Neurri horrek 42 milioi euroko aurrekontua izango du. Datorren urtetik aurrera, aparteko ordainsariak ekainean eta abenduan ordainduko dira berriro.
Lan eskaintza publikoa 2020
Azkenik, Funtzio Publikoko sailburuordeak sindikatuei jakinarazi die Eusko Jaurlaritza prestatzen ari den “2020 Enplegu Plan Estrategikoa”k igo egingo duela oposizioetara deituko duen enplegu publikoen plaza-kopurua, eta 13.500 izango direla. Horrela, datozen 3 urteotan, Eusko Jaurlaritzak lan eskaintza publikoak deituko ditu, enplegua finkatzeko eta egonkortzeko herritarrei eskaintzen dizkien zerbitzu publiko guztietan. Andres Zearretak zentral sindikalei proposatu die aurrerantzean negoziazio prozesua sektore publiko bakoitzean irekitzea, xehetasunez zehazteko legegintzaldi honetan eskainiko den plaza-kopurua eta plaza-mota. Mahai sektorialetan negoziazioa honako eskaintza-oinarri honetatik abiatzea proposatu du:
- 1.500 plaza Euskadiko Administrazio Orokorrean (Lakua)
- 5.000 plaza Osakidetzan
- 5.000 plaza Hezkuntzan
- 1.600 plaza Segurtasunean
- 400 plaza Justizia Administrazioan
Zure interesekoa izan daiteke
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".