Gas Naturalek eta Caixabankek egoitza soziala Kataluniatik aterako dute
Egoitza soziala Bartzelonatik Madrilera eramatea adostu du gaur Gas Natural Fenosaren administrazio-kontseiluak ezohiko bileran, finantza iturriek azaldu dutenez. "Aldi baterako" erabakia dela erantsi dute. Era berean, Caixabankeko administrazio-kontseiluak egoitza soziala Valentziara eramatea erabaki du ezohiko bileran.
Horrela, merkatuak lasaitu nahi ditu Gas Naturalek, Kataluniako Parlamentuak datorren astean aldebakarreko independentzia aldarrikatzeko hipotesiaren aurrean.
Multinazionalaren egoitza Bartzelonako Gas plazan dago, baita zerbitzu zentralak ere. Orain Madrilgo San Luis etorbidera eramango dute, non Gas Naturalek bulegoak ditu. Bertan 1.600 pertsona bat ari dira lanean.
Gas Naturaleko akziodun nagusiak Criteria (% 24,43), Global Infrastructure Partners (GIP) AEBko funtsa (% 20) eta Repsol (% 20) dira.
Egoitza soziala Kataluniatik at eraman duten enpresekin bat egin du Gas Naturalek, Europar Batasuneko araudiaren babespean jarraituko duela ziurtatzeko.
“Aldi baterako” erabakia dela ziurtatu dute iturriek; izan ere, Kataluniako egoera baretzea espero dute.
Isidro Faine Gas Naturaleko presidentea da. Aldi berean, La Caixa Fundazioaren presidentea ere bada.
Zerbitzu zentralak, Bartzelonan
Nahiz eta egoitza soziala lekualdatu, Gas Naturalek zerbitzu zentralak Bartzelonan mantenduko ditu. 1.100 pertsonak lan egiten dute bertan.
Gas Natural Fenosa multinazionala 30 herrialde baino gehiagotan dago eta ia 22 milioi bezero ditu. Sociedad Catalana para el Alumbrado de Gas enpresan du bere jatorria; 1843an osatu zen.
Ibex indizearen Kataluniako bigarren enpresa da egoitza lekualdaketa onartzen, atzo Sabadell bankuak gauza bera egin baitzuen.
Caixabank, Valentziara
Bestalde, Caixabank egoitza soziala Valentziako Pintor Sorolla kalera eramateko neurriak hartzen ari da, Balore Merkatuaren Batzorde Nazionalak jakitera eman duenez.
Espainiako Gobernuak gaur onartutako lege-dekretuaz baliatu da Jordi Gualek zuzentzen duen bankuak lekualdaketa bideratzeko. Exekutibo zentralak egoitza sozialen lekualdaketa errazteko marko berria onartu du gaur.
Horrela, Caixabanken egoitza sozialaren lekualdaketak ez du akziodunen oniritzia jaso behar, nahiz eta bankuaren estutuetako 4.2 artikuluak hala aurreikusi. Akziodunen batzordearen adostasunik gabe egoitza soziala aldatzea eragozten zuen horrek.
Caixabanken akzioek % 0,59 egin dute behera gaur burtsako saioan, baina ostegunean % 4,93 gora egin zuten, Sabadellek egoitza aldatu behar zuela jakitera eman ondoren. Astean zehar Caixabankek % 3,72 egin du behera merkatuetan.
Enpresa ugarik egoitza soziala aldatzea erabaki dute dagoeneko, besteak beste, Gas Natural, Sabadell, Dogi, Naturhouse, Eurona, Oryzon, Proclinic eta Service Pointek. Freixenet edo Codorniu konpainiek gauza bera egingo lukete, aldebakarreko independentzia aldarrikatzen baldin bada.
Ibex 35 indizearen barruan, Abertis, Cellnex eta Colonial enpresek egoitza soziala Katalunian dute, baita FCC, Borges eta Ercrosek ere.
Albiste gehiago ekonomia
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.
:eitb-banner?$eitb-banner$&fmt=webp-alpha&qlt=80)
Urte amaierarako 4.000 plaza baino gehiagoko lan-eskaintza publikoa deitzea aurreikusten du Osakidetzak
Lehen Mailako Arretan betetzen zailak diren 169 plazaren esleipena amaitzen ari da Osakidetza, landa-eremuetako, arratsaldeko txandetako eta Etengabeko Arreta Guneetako asistentzia indartzeko.