Langileak CNAren kaleratzeak auzitara eramatea aztertzen ari dira
Edesa Industrialeko (garai bateko Fagor Etxetresnak) eta Geyser Gastech filialeko enpresa-batzordeak lan-erregulazioko espedientea auzitara eramatea aztertzen ari dira, prozesuan “irregulartasunak” izan direla uste dutelako.
Bestalde, Arrasateko (Gipuzkoa) lantegiaren 50 bat beharginek elkarretaratzea egin dute gaur Gasteizen, Eusko Jaurlaritzako egoitzaren aurrean. CNA taldeak Garagartzako fabrika itxi nahi du. Ricardo Perez Edesako enpresa-batzordearen presidenteak langileen asmoen berri eman du.
Lan-erregulazioko planaren aurka ELAk eta LABek egindako txosten bat Lan Zuzendaritzaren esku utzi dute beharginek. Perezek azaldu duenez, “negoziazio prozesuan zehar eman diren irregulartasunengatik” espedientea “baliogabea” da.
"Informazioa ezkutatu zaigu”
“Informazioa ezkutatu digute, CNA taldearen inolako konturik eta dokumentaziorik ez dugu jaso, horregatik kaleratzeak planteatu diren bezala ezin dira onartu”, erantsi du.
Aurretiko erretiroekin eta boluntarioekin lanpostu kopurua murrizteko sindikatuen eskaerari “enpresak entzungor” egin diola salatu du Perezek.
Txostena entregatu ondoren, beharginen ordezkariak Eusko Jaurlaritzako Lan Zuzendaritzarekin bilera bat eskatu du, lan-erregulazioko espedientea baliogabetzen saiatzeko.
“Prozesu oso geldoa” izango litzatekeela onartu du, baina arrazoia emango dietela uste du Perezek, “kaleratze hauek zuzenak ez direlako”.
Zure interesekoa izan daiteke
Papresako langileek lanuzteak hasi dituzte, enpresa sal dezaketelakoan eta laneko erregulazio espedientea ezarriko duelakoan
Enplegu-erregulazioko espedienteak 250etatik 110 langileri eragin liezaieke.
Greba eguna dute Tubos Reunidoseko langileek, eta deialdiek batzordeen eta zuzendaritzaren arteko bilerarekin bat egingo dute
Amurrioko lantegiko beharginek lanuzteak deitu zituzten otsailaren 17, 23 eta 26rako eta martxoaren 4 eta 9rako. Trapagarango lantegiko LAB eta ESK sindikatuek ere lanuzteak deitu dituzte egun horietarako.
Bilboko portuan da Trumpek Venezuelako petrolioaren kontrola hartu zuenetik Europara heldu den lehen ontzia
Hilabete eta sei egun igaro dira Josu Jon Imaz Repsolen egungo kontseilari delegatua Etxe Zurian sartu zenetik, beste petrolio-enpresa batzuetako ordezkariekin, Venezuelako petrolio-industria berrabiarazteko. Hala, Trumpek industria horren kontrola hartu zuenetik Karibeko lehen petrolio-ontzia iritsi da Bilbora. Repsolek milioi bat upel eskuratu ditu, eta Petronorren plantan tratatuko dituzte, Muskizen.
Lanaldiei lotuta Euskadin egindako jarduketen % 60etan irregulartasunak antzeman zituen iaz Lan Ikuskaritzak
Emandako datuen arabera, Euskadiko Lan Ikuskaritzak 20.191 esku-hartze egin zituen iaz. Horietan 1862 arau-hauste antzeman ziren — 10,4 milioi euro —, eta 26.959 kontratu berrikusi; horietatik 1.788 kontratu mugagabe eta lanaldi osokoak bihurtu ziren.
Euskadik zerua ukitu nahi du aeronautikan: 110 milioi inbertituko ditu proiektu batean, eta 800 lanpostu sortu
ITP Aero izango da proposamenaren buru, eta hamabi enpresak hartuko dute parte harekin batera.
Estatutu propio baten aldeko aldarria zabaldu dute medikuek Donostian
Osakidetzan lehen arretako mediku bat egongo da gutxienez osasun-etxe bakoitzean. Baliteke urgentziazkoak ez diren ebakuntza batzuk bertan behera uztea.
Zer eskatzen dute medikuek?
Medikuen sindikatuek Estatutu Marko propioa eskatzen dute, euren lanbideak Osasunaren sektoreko gainerako lanbideetatik bereizten dituzten ezaugarriak dituela argudiatuta.
Espainiako Gobernuak gutxieneko soldataren igoera sinatuta, zenbatekoa izango da LGS berria?
Behin akordioa sinatuta, litekeena da Errege Dekretua astearte honetan onartzea, % 3,1eko igoerarekin.
Albiste izango da: medikuen greba, aireportuen eskualdatzea eta abisu horia euriagatik
Gaurkoan albiste izango direnen laburpena, bi hitzetan.
Tamara Yagüe (Confebask): "Industria atzeraldira hurbil daiteke une batzuetan; datozen hilabeteak erabakigarriak izango dira"
Arantza Ruizek Confebaskeko presidentea elkarrizketatu du ETBko "12 minutos" saioan. Yagüek azpimarratu du hazkundea ez dela etengabea sektore guztietan, eta, industriari dagokionez, zuhur jokatzea komeni dela adierazi du, "datozen hilabeteak erabakigarriak" izango baitira.