Edesa Industrialeko langileak kaleratzeko espedientea aurkeztu du CNAk
Enpresako langile guztiak kaleratzeko lan-erregulazioko espedientea aurkeztu du gaur Edesa Industrialeko zuzendaritzak (garai bateko Fagor Etxetresnak).
Txostena formalki aurkeztu du zuzendaritzak. Ondoren enpresa-batzordearekin bildu da, dokumentazioa emateko eta informatzeko. Iragan ostiralean iragarri bezala, espedientea aurkeztu dute Edesa Industrialeko eta Geyser filialeko 327 langileak kaleratzeko, Kataluniako taldearen eta enpresa-batzordearen iturriek jakitera eman dutenez.
Edesako eta Geyserreko beharginek CNA taldearen egitasmoa errefusatu zuten iragan astean. Garagartzako lantegia (Arrasate) ixtea eta 167 langile kaleratzea proposatu zuen zuzendaritzak.
Langile guztiak kaleratzeko txostena aurkeztu behar zuela ohartarazi zuen zuzendaritzak hasieratik. Beharginek egitasmoa onartzen baldin bazuten, 160 langile “libratzea” posible zela azaldu zuen.
Eusko Jaurlaritzarekin bilera
Egoeraren berri emateko eta laguntza eskatzeko, langileak Eusko Jaurlaritzako ordezkariekin bilduko dira arratsaldean. Bestalde, hurrengo pausoak erabakitzeko batzarra egingo dute bihar.
CNA Kataluniako taldeak, Cata enpresaren bidez, hartzekodunen konkurtsoan zegoen Fagor Etxetresnak bereganatu zuen 2014ko uztailean, 38,5 milioi euroren eta aurreneko urtean 705 lanpostu sortzeko egitasmo baten truke.
Iragan uztailean ur-berogailuen (Geyser) eta garbigailuen ekoizpena bertan behera utzi zituen Edesak.
Abuztuaren 20an “bideragarritasun plana” aurkeztu zuen zuzendaritzak. Ia 200 kaleratze eta Garagartzako lantegia ixtea aurreikusten zuen egitasmoak, baina astebete geroago kaleratzeak 167ra murriztu zituzten. Hala ere, Arrasateko lantegia ixteko asmoa berretsi zuten.
Zure interesekoa izan daiteke
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.
Gasteizko Udalak taxilarien guardiak arautu ditu, dekretu bidez
Dokumentuak larunbat eta jai bezperetarako guardien egutegia ezartzen du, 00:00etatik 08:00etara, eta tarte horretan gutxienez 50 taxi arituko dira zerbitzua ematen.
Etxebizitzen salerosketa % 11,6 jaitsi da EAEn, eta % 8,2 igo da Nafarroan
Donostian 418 etxebizitza salerosi dira 2026ko urtarrila eta apirila bitartean, aurreko hiruhilekoan baino % 26,8 gutxiago, eta iazko tarte berean baino % 30,8 gutxiago.
Banku-txartelari agur? Bizum bidezko ordainketa saltokietara iritsi da
NFC teknologiaren bidez egingo dira ordainketak, contactless metodoaz, erabiltzaileak Bizum aktibatuta duen banku-aplikazioaren edo Bizum Pay-ren diru-zorro digital berriaren bitartez. Ordainketa berehala egingo da, eta ez da bitartekaririk (Visa, Mastercard…) beharko. Massimo Cermelli ekonomialariaren ustez, Bizum "erakargarria izan daiteke; saltoki txiketarako, batik bat", komisioetan aurreztu dezaketelako.
Tubos Reunidosen enpresak "antolatutako" eta patronalak babestutako kanpaina bat egon dela salatu du ELAk
Mitxel Lakuntza ELA sindikatuko idazkari nagusiak enpresak azken urteetan egindako "kudeaketa tamalgarria" gaitzetsi, eta "akziodunek 170 milioiko zorra" sortu dutela salatu du.
Amurrioko Tubos Reunidosko langileak lanera itzuliko dira, greba mugagabearen ostean
Batzordeak, hala ere, ez du baztertzen etorkizunean lanuzteei berriro ekitea, eta oraingoz bi greba eta mobilizazio egun deitu ditu maiatzaren 26rako eta 28rako.
Ikuskizunetako langileek greba eguna dute gaur Araban, Bizkaian eta Gipuzkoan
Sektorearentzako hitzarmen bat eskatzen dute lan-baldintza duinak bermatzeko. Ekitaldi asko bertan behera gelditu dira jada, eta gorabeherak espero dira gaur kontzertu, antzerki eta kongresuetan.