Jaurlaritzak 1.750 milioi euro bideratuko ditu I+G+Bra datozen lau urteotan
Eusko Jaurlaritzak 2018rako onartutako aurrekontu aurreproiektuak berebiziko lehentasuna emango dio ikerketari eta garapenari, 433 milioi euro horretara bideratuta. Iñigo Urkullu lehendakariak nabarmendu duenez, konpromisoa epe luzerakoa da, eta, hala, datozen lau urteotan denera 1.750 milioi euro inbertituko ditu Gasteizeko Exekutiboak I+G+B arloan.
Donostian eman ditu datuok Urkulluk, Miramongo Teknologia Parkean egiten ari diren Fabrikazio Aurreratuaren eta Makina-erremintaren 21. Kongresuan.
Besteak beste, "fabrikazio aurreratuko aktiboen sare konektatua edo Digital Innovation Hub delako bat" sortu nahi du Jaurlaritzak, lehendakariak iragarri duenez.
Jaurlaritzak enpresen digitalizazioarekin daukan konpromisoa azpimarratu du Urkulluk, eta, berrikuntzarekin batera, 2020 Industria Planaren oinarrian digitalizazioa dagoela gaineratu du. Atzo onartutako aurrekontuen aurreproiektuan berrikuntzari eta garapenari lehentasuna eman zaiela esan du lehendakariak.
"Jaurlaritzak gai honetan inbertsioa urtero % 1,5 gehitzeko konpromisoari eusten dio, eta horrek esan nahi du 1.750 milioi euro inbertituko direla lau urtean", esan du lehendakariak.
Halaber, fabrikazio aurreratuak "laugarren iraultza industrialerako eraldaketa" bultzatzen duela nabarmendu du, eta, prozesu horretan, makina-erreminta "benetako motorra" dela ziurtatu.
Arantxa Tapia Ekonomiaren Garapenerako eta Azpiegituretako sailburua, Eneko Goia Donostiako alkatea eta Gipuzkoako Foru Aldundiko, Espainiako Gobernuko eta AFM makina-erremintako erakundeko ordezkariak ere izan dira Donostiako ekitaldian.
ldian.Zure interesekoa izan daiteke
Makinistek greba abiatu dute, tren zerbitzuaren krisiaren ostean
Jaurlaritzak % 50eko gutxieneko zerbitzuak ezarri ditu puntako orduetan, eta % 25ekoak gainerako orduetan Bilboko eta Donostiako aldiriko bost lineetan, trenbide sektoreko sindikatuek otsailaren 9an, 10ean eta 11n deitutako hiru greba egunetarako.
Amurrioko Tubos Reunidoseko langileek 24 orduko lanuzteari ekin diote, enplegu-erregulazio prozesuari aurre egiteko
Igandeko 22:00etan hasi da lanuztea. Astelehen honetan bilduko da zuzendaritza Amurrioko zein Trapagarango lantegietako ordezkaritza sindikalarekin, eta enplegu-erregulazioko txostenaren berri emango die. UGT beldur da kaleratzeak 130 baino gehiago izango ote diren.
Talgok 1.332 milioi euroko kontratua lortu du Saudi Arabian, abiadura handiko 20 tren egiteko
Jose Antonio Jainaga urtarrilean tren-konpainia horretako presidente izendatu zutenetik sinatutako lehen kontratu handia da. 20 tren horiek Talgok 2018an hornitu zituen 35 trenei gehitu behar zaizkie.
Ertzaintzaren lan eskaintzarako lehen probak atzerapenarekin hasi dira, espero baino jende gehiago aurkeztu baita
Aurreikusitakoa baino ordubete eta laurden geroago hasi dira azterketak, leku eta proba gehiago prestatu behar izan dituztelako; izan ere, hautagaien % 70 aurkeztu ohi dira, eta % 85etik gora bertaratu dira gaurkoan. Segurtasun Sailak ohar bidez azaldu duenez, sindikatuei eman diete jada gertatutakoaren berri, baina Legebiltzarrean agerraldia eskatu du azalpenak emateko.
Eusko Jaurlaritzak eta Espainiako Gobernuak gutxieneko zerbitzuak ezarri dituzte datorren asteko trenbideen sektoreko grebari begira
Trenbideko sindikatu nagusiek (CCOO, UGT eta makinisten Semaf) datorren asterako deitutako grebari eutsiko diote, otsailaren 9tik 11ra.
Metal Groupek enpresa-batzordeekin eta administratzailearekin aztertuko du konkurtsoaren eta lantegien itxieraren ondorengo egoera
COOOko iturriek adierazi dutenez, egoera zaila da, eta, gainera, zaila da lantegien jarraitutasuna bermatuko lukeen erosle bat aurkitzea.
Elkarrekin Podemosek zuzenketak aurkeztuko dizkio turismo-zergari "progresiboa eta udalerrien errealitatera egokitua" izan dadin
Miren Echeveste Elkarrekin Podemosen Gipuzkoako Batzar Nagusietako bozeramaileak esan duenez, bere taldeak "jarrera ireki, arduratsu eta eraikitzailearekin" egingo dio aurre zerga honen negoziazioari, "aurreproiektua indartzeko eta herri eta hirietako bizitzarekin bateragarria den turismo eredu jasangarriago baterantz aurrera egiteko".
Adegi: "Absentismoak gizarte osoaren kezka izan beharko luke, ez bakarrik enpresariena"
Jose Miguel Ayerza Adegiko zuzendari nagusiak positibotzat jo du Cebekek gai horretan neurriak hartzeko eskatu izana. "Eragile guztiok partekatu beharko genuke diagnostikoa, eta neurriak jarri beharko genituzke hori murriztu ahal izateko", gaineratu du.
Donostia da hiribururik garestiena: 6.107 euro metro karratuko
Donostia da, alde handiarekin, hiribururik garestiena, Madril, Bartzelona, Palma eta Bilboren aurretik, baina Gasteiz eta Iruñea ere Estatuko 10 hiri garestienen artean daude.
Enplegu-erregulazioko espedientea bertan behera uzteko eskatu du Tubos Reunidoseko enpresa batzordeak, "borrokari" bidea irekita
Mikel Jauregi Industria sailburuak esan du otsailaren 13an Tubos Reunidoseko enpresa batzordearekin egingo duten bileran konponbideak bilatzen saiatuko direla, besteak beste, enplegu-erregulazioko espedientearen ondorioak "txikitzeko".