Erreforma fiskala adostu dute EAJk eta PSEk
Euzko Alderdi Jeltzaleak eta Euskadiko Alderdi Sozialistak akordioa lortu dute hurrengo ekitaldirako erreforma fiskala burutzeko, Sozietate eta Ondare zergak aldatuta. Eusko Jaurlaritzan eta foru aldundietako gobernuetan daude bi alderdiak.
EAJk eta PSEk adierazpen bateratua igorri dute hitzarmenaren berri emateko. Hiru proiektu desberdinetan gauzatuko da akordioa.
Bizkaia eta Gipuzkoa ez dira oztopo EAJ eta PSErentzat, nahikoa babesa dutelako bi batzar nagusietan, baina Araban ez dute gehiengorik, eta gutxienez beste talde baten laguntza behar izango dute. Ramiro Gonzalez ahaldun nagusiak kontaktu erronda bati ekingo dio, baina esan duten bezala, beste lurraldeetan ere babes zabalagoa bilatuko dute.
EFEren arabera, proiektuak ez du Soziezate zergaren tasa nominala aldatuko (%28), eta kenkari batzuk aldatuko dira enpleguaren sorrera eta I+G+b inbertsioaren alorrean.
Enpleguaren sorreragatik kenkariak izateko, sortutako lanpostuek gutxieneko soldataren %175a izan beharko dute gutxienez, eta gutxienez bi urteko luzeera izan beharko dute.
Ondasun zergan, harmonizazioa proposatzen dute Arabaren irizpideen inguruan, bere garaian Gipuzkoan Bilduk eta PSEk onartutako Aberastasunaren eta Fortuna Handien Zerga aldatuta.
Azaldu duten moduan, akordioaren helburu nagusia da "erreferentzia erakargarriari eustea, enpresen aldetik inbertsioak egin daitezen; kalitatezko enplegua sustatzea eta zerbitzu publikoei eusteko behar diren baliabide nahikoak bermatzea".
Biek 2013an egindako erreforma fiskalaren "balantze positiboa" egiten dute, eta esan duten bezala, oraingo helburua "gaur egungo araudia hobetzea" eta orain dela 4 urtekoan "jasotako helburuak lortzea".
Oposizioaren erreakzioa
Leire Pinedo EH Bilduko legebiltzarkideak asteazken honetan adierazi duenez, EAJk eta PSE-EEk erdietsitako adostasunak ez du diru bilketa handitzea eta gizarte politiken "norabide aldaketa" ekarriko. Europa Press albiste agentziari egindako adierazpenetan esan duenez, benetan ez da zerga erreforma bat, "zerga konkretu batzuetan egindako moldaketak" baizik. Haren esanetan, EH Bilduk aspaldidanik eskatua du sakoneko zerga erreforma bat egitea eta gogoratu du Pedro Azpiazu Eusko Jaurlaritzako Ogasun eta Ekonomia sailburuak ere gauza bera eskatu zuela urtearen hasieran. "Eta gu horrekin ados geunden, baina mahai gainean jarri behar dutena ez da EH Bilduk aspaldidanik eskatzen duen erreforma sakon hori", gaineratu du.
Haren esanetan, EAJren eta PSE-EEren proposamena Eusko Jaurlaritza osatzen duten alderdien "kudeaketa txarraren, ageriko ezgaitasunaren fruitua da, izan ere, "uda aurretik aurkeztuko zutela esan zuten". "Azaroan gaude eta ez dirudi aurkeztuko dutena sakoneko erreforma bat denik", kritikatu du.
Elkarrekin Podemosek ere gogor kritikatu du jeltzaleen eta sozialisten arteko akordioa eta sakoneko zerga erreforma bat eskatu du. Julen Bollain Elkarrekin Podemoseko legebiltzarkideak azpimarratu duenez, sakoneko erreforma fiskal bat beharrezkoa da "gure zerbitzu publikoak bermatu ahal izateko".
Borja Semper Euskadiko PPk Eusko Legebiltzarrean duen bozeramaileak ziurtatu duenez, EAJren eta PSE-EEren arteko akordioa "akats politikoa eta galdutako aukera da", Pertsona Fisikoen Errentaren gaineko Zergan "moldaketa txikiak" eta Sozietateen eta Ondarearen gaineko zergetan "aldaketa" batzuk baino ez direlako egin.
Radio Nacional irrati kateari egindako adierazpenetan ziurtatu duenez, jeltzaleen eta sozialisten arteko akordioa "aukera galdua da".
Albiste gehiago ekonomia
Jaurlaritzak onartu egin du Araban bi eguzki-parke eraikitzea, bata Agurainen eta bestea Arespalditzan
Euskal Herriko Agintaritzaren Aldizkariak ostegun honetan argitaratu du bi proiektuek ingurumen baimena lortu dutela. Instalazioek 32 hektareako azalera eta 20 megawatteko potentzia izango dute.
EHNE sindikatuak salatu du Nafarroako Gobernuak urratu egin duela suteei aurre egiteko hitzartutako protokoloa
Nafarroako Gobernuak suteak saihesteko lehen sektoreko hainbat jarduerei ezarri dien murrizketa-sortak hautsak harrotu ditu. Hala, EHNE laborarien sindikatuak protesta egin du astearte honetan, salatzeko Barne Departamentuak urratu egin duela hitzartua zuten suteen kontrako protokoloa.
Trumpen muga-zergek 400 milioi inguruko eragina izango lukete Euskadin, eta 73 milioi ingurukoa, Nafarroan
Bi lurraldeek dituzten esportazio-kopuruak direla eta, merkataritza-gerrak hainbat ondorio utziko lituzke Hego Euskal Herrian. Sektore kaltetuenak automobilgintza, makina-erremintagintza, altzairugintza eta ardogintza dira.
Udan egiten dira dendetako lapurreten % 26, eta ardoa, hestekiak eta aurpegiko kremak lapurtzen dira gehien-gehien
Jan-edatekoak daude Nielsenek egindako Estatu mailako rankingaren buruan. Horien atzetik zaintza pertsonalerako produktuak daude.
Debekatu egin dituzte zenbait nekazaritzako lan Nafarroan, sua dela eta
Nafarroako lurralde osoan debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak eragin baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.