Espainiako Gobernuak Kupoaren eta Kontzertuaren legeak onartu ditu
Kupoaren lege-proiektua eta Kontzertu Ekonomikoaren aldaketa onartu ditu gaur Ministroen Kontseiluak. Biak Espainiako Gobernuak eta Eusko Jaurlaritzak adostu zituzten. Orain Diputatuen Kongresura eta Senatura bidaliko dituzte, bertan berresteko.
Bi Exekutiboek adostu bezala, urtea bukatu baino lehen onartzeko, legeak Kongresura bidaliko zituztela agindu zion Cristobal Montoro Ekonomia Ministroak EAJri orain dela gutxi.
Ministroen Kontseiluak gaur eman duen pausoa, beraz, hitzarturik zegoen, baina Gobernu zentralak Estatuko Aurrekontu Orokorren negoziazioari bultzada eman nahi dionean gertatu da. Madrilek jeltzaleen babesa lortu nahi du, kontuak aurrera ateratzeko.
Hala ere, bi gaien arteko loturarik ez dagoela argi utzi nahi izan du ministroak. Espainiako Gobernuak aurrekontuak aurrera ateratzeko babesak bilatuko dituela onartu du Montorok prentsaurrekoan; baina ?gai batzuek ez dituzte besteak baldintzatuko?, gaineratu du.
Gainera, lurralde administrazio guztietako finantziazioa eguneratzeko lanean ari dela azaldu du ministroak. Horrela, Nafarroako Hitzarmen Ekonomiko berria adosteko zorian daudela aurreratu du. Erregimen komuneko erkidegoen sistema erreformatzeko asmoa duela berretsi du.
Legearen barruan eztabaidatuz, ?leialtasunez eta elkarrenganako errespetuarekin?, ?gauza asko desberdin ulertzen? dituzten erakundeen arteko akordioa posible dela esateko aprobetxatu du Ogasun ministroak, Kataluniako gatazkari erreferentzia argia eginez.
Urtero 1.300 milioi
Konkretuki, Kupoaren bosturteko Legea onartu du Espainiako Gobernuak, 2017-2021 eperako. Euskadik Estatuari ordaindu beharko diona zenbatzeko formula jasotzen du arauak. Bestalde, Kontzertu Ekonomikoaren Legeak aldaketa ezberdinak bilduko ditu.
Bi Exekutiboen arteko lege adostuak direnez, ez dute zuzenketarik aurkeztuko Kongresuan eta Senatuan. Montororen ahotan, biak onartu eta 2018ko urtarrilaren 1ean indarrean izango dira.
Kupoaren zenbatekoa 1.300 milioi eurokoa da urtero, baina hori oinarri bat baino ez da izango; izan ere, Kupo likidoa, Euskadik benetan ordainduko duena, aldatu egingo da, urtetik urtera aplikatzen zaizkion kontzeptuen eta deskontuen arabera.
Albiste gehiago ekonomia
Azkoitiko Juaristi eta Aitek enpresetako langileek bizi duten "egoera jasanezina" salatu dute
Orain urtebete inguru lehertu zen lan-gatazkaren berri emateko, agerraldia egin dute bi enpresetako langileek. Uste dute zuzendaritzak "ezkutuko itxiera plan bat" duela. 130 lanpostu eta hainbat familia "arriskuan" daudela salatu dute.
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.