Pertsona bakoitzeko 1.673 euroko gastua aurreikusi du Osasun Sailak 2018an
Eusko Jaurlaritzaren aurrekontuak 3.671 milioi euro bideratuko ditu Osasun Sailera 2018an, 2017an baino 128,6 milioi gehiago (+% 3,6). Horrela, pertsona bakoitzeko 1.673 euroko gastua aurreikusi dute.
Jon Darpon Osasun sailburuak 2018ko aurrekontu proiektua aurkeztu du Eusko Legebiltzarreko Ogasun eta Aurrekontu Batzordean. Jaurlaritzaren aurrekontu osoaren % 32 suposatzen du.
3.671.362.000 euroko aurrekontua “osasun sistema publikoa sendotzeko eta Osakidetzaren zerbitzu unibertsala bermatzen jarraitzeko” erabiliko dutela azaldu du Darponek. Kontuek % 3,6ko hazkundea izango dutela goraipatu du sailburuak, “2013tik izan den handiena”.
1.200 milioi, hezkuntza publikora, eta 622 itunpekora
Hezkuntza Sailak datorren urtean 1.200 milioi euro inbertituko ditu hezkuntza sistema publikoan, eta 622,2 milioi itunpeko ikastetxeetan. Cristina Uriarte sailburuaren hitzetan, datuek Eusko Jaurlaritzaren apustua eta hezkuntza eredua zein den argi uzten dute.
Osasun Sailaren atzetik baliabide handienak izango dituena Hezkuntza Saila izango dela nabarmendu du Uriartek Legebiltzarreko Batzordean. Guztira, 2.718,8 milioi euro izango ditu Hezkuntza Sailaren aurrekontuak 2018an, 2017an baino % 1,9 gehiago.
Langileen soldatek aurrekontuaren % 47,2 eramango dutela azaldu du Uriartek, aurten baino 24,9 milioi euro gehiago, alegia.
Lanbidek "hobetu" behar duela onartu du Artolazabalek
Beatriz Artolazabal Enplegu eta Gizarte Politiketarako sailburuak Lanbide defendatu du, “nahiz eta hobetu behar, helburuak betetzen ari delako”. Langabezia-tasaren jaitsierak hori argi uzten duela erantsi du sailburuak.
“Lanean jarraitu behar dugula egia da, baina zailtasunak eta arazoak onartuta, Lanbide enpleguaren hobekuntzan laguntzeko lanean ari da”, errepikatu du.
Enplegu eta Gizarte Politiketarako Sailaren aurrekontuak “aurrenekoz” mila milioi euroak (1.005,6 milioi euro) gainditzen dituela goraipatu du sailburuak, aurten baino % 0,7 gehiago (6.521.988 euro gehiago).
Etxebizitza politikek 327,5 milioi izango dituzte, % 62 alokairu politiketarako
Etxebizitza politikek 327,5 milioi euroko aurrekontua izango du 2018an; izan ere, Ingurumen, Lurralde Plangintza eta Etxebizitzako Sailaren programari (126,9 milioi), Alokabide (77,8 milioi) eta Visesa (122,7 milioi) elkarte publikoen ekarpena gehitu behar zaio.
Iñaki Arriola sailburuak agerraldia egin du arratsaldean, Eusko Legebiltzarrean. Sailak 205,9 milioi euroko aurrekontua izango duela jakitera eman du, 2017an baino % 7,2 gehiago. Portzentajean hazkunde handiena izango duen saila da.
Etxebizitza politiken gastutik % 62 alokairuak eramango du, eta % 26 hirigintza politikek.
Albiste gehiago ekonomia
Bizkarrak bere 12 dendak eta bi lantegiak itxiko ditu ekainaren 30ean
Dendak ditu Galdakaon (5), Bilbon (3), Usansolon (2), Basaurin (1) eta Lemoan (1), bai eta bi lantegi ere, okindegia bata eta gozotegia bestea, biak Usansolon.
45 urteko langile bat hil da Altsasun, zuhaitzak mozten ari zela adar bat gainera erorita
Behargin errioxarra baso lanetan ari zela adar bat erorita hil da. Bertara iristeko zaila den baso batean gertatu da ezbeharra, Auntzetan. LAB sindikatuak salatu duenez, aurten dagoeneko 29 behargin hil dira Euskal Herrian.
José Antonio Jainagak jasoko du aurtengo Joxe Mari Korta Saria
Uztailaren 10ean Donostian jasoko du saria Jainagak, Imanol Pradales lehendakaria buru izango duen ekitaldi batean.
Lezoko Interal enpresak bi greba egun deitu ditu, Enplegu Erregulazioko Espedientea ezarri eta 226 langileetatik 85 kaleratuko dituztela salatzeko
LAngileen batzordeak ekainaren 26rako eta uztailaren 2rako deitu ditu greba egunak, eta uztailaren 8tik aurrera greba mugagabea hasteko aukera ere aurreikusi du.
CCOOk Unai Sordo berrautatu du idazkari nagusi, botoen % 96,1ekin, bere azken agintaldia izango denerako
Comisiones Obrerasek Unai Sordo aukeratu du berriro datozen lau urteetan sindikatuko buru izateko. Hautaketaren osteko lehen hitzaldian, ustelkeriaren aurka borrokatzeko eskatu du, eta lanaldi-murrizketaren aldeko mobilizazioak iragarri ditu.
Greba mugagabea iragarri dute Iruñeko villavesa autobusetan uztailaren 1etik aurrera
Langileek hilabeteak daramatzate lanuzteak eta protestak egiten, hitzarmena eguneratzea aldarrikatzeko.
Lan mahai bat osatu da Barrualde-Galdakao ESIko larrialdi zerbitzuaren egoera bideratzeko
Inplikatutako alderdi guztiek hartuko dute parte, “diskrezioz” lan eginda. Egoerak eztanda egin du, larrialdi zerbitzuetako langileen zati handi bat bajan dagoen garaian, zuzendari medikoak dimisioa eman duenean.
Eusko Jaurlaritzak hamarren bat apaldu du 2026rako hazkunde aurreikuspena eta % 1,7an kokatu du
Industria izango da ziurgabetasunak eta nazioarteko merkataritzaren moteltzeak gehien eragingo duen sektorea, kanpoko lehiak daukan eraginagatik.
Sindikatuek salatu dute Galdakaoko Ospitaleko zuzendaritza duela bi urtetik zela arazoaren jakitun
Galdakaoko larrialdi-zerbitzuetako langileek duela bi urte salatu zuten lan-karga handiegia zutela, LAB sindikatuko Jessica Gondraren hitzetan. Horren esanetan, zuzendaritzak urte biko epean ez du ezer egin. Sindikatuen ustez, zuzendaritzak egoera baliatu nahi du langileen irudia zikintzeko, Gernika-Lumoko larrialdi-zerbitzua gauez itxita.
Barrualde-Galdakao ESIaren zuzendari medikoak dimititu egin du, larrialdi-zerbitzuko langileen bajak direla eta sortutako krisi betean
Langileen batzordea eta zuzendaritza 13:00etan bilduko dira, Galdakao-Usansolo Ospitaleko Larrialdi Zerbitzuko egoera bideratzeko. Bertan, azken asteetan hainbat baja-mediko eta barne mugimenduak pilatu dira.