Navalek beste lau hilabetez luzatuko die enplegu-erregulazioko espedientea langileei
Navaleko enpresa batzordeak, zuzendaritzak eta konkurtso-administratzaileak akordio bat sinatu zuten atzo, astelehena, ontziolako 180 langileri eragiten dien aldi baterako enplegu-erregulazioko espedientea beste lau hilabetez luzatzeko. Enplegu gabetze horrek, gainera, % 15eko murrizketa izango du langileen soldatetan eta 2018ko lehen lau hilabeteetan gauzatuko da.
Tarte horretan, bankuekin finantzatzeko laguntza lortzea espero dute, baita Sestaoko ontziolan bi ontzi eraikitzen ari den Herbehereetako armadorearekin ere.
Azken asteotan negoziatu dute akordio hori sindikatuek, baina orain Bilboko merkataritza-arloko epaitegiak onartu behar du, bera baita Sestaoko Naval enpresaren jarduera ekonomikoa ikuskatzen duena.
Enpresa batzordeko idazkariak Radio Euskadiri jakinarazi dionez, armadorea prest egongo legoke ontzi bietatik bat Sestaon bukatzeko eta bestea, berriz, Santanderrera eramatea bertan amaitzeko.
Naval ontziolako zuzendaritzak Living Stone itsasontzia ontziolatik kanpo bukatzeko proposamena egin zien irailean langileei, urte amaierara arte soldatak ordaindu eta lan erregulazioa indarrean den bitartean prestazioak osatzearen truke.
Hemendik aurrera, berriz, enplegu-erregulazioko espedientearen baldintzak aldatuko lirateke, eta enpresak langileen langabeziazko hartukizunak soldataren % 85eraino baino ez lituzke ordainduko.
Albiste gehiago ekonomia
José Antonio Jainagak jasoko du aurtengo Joxe Mari Korta Saria
Uztailaren 10ean Donostian jasoko du saria Jainagak, Imanol Pradales lehendakaria buru izango duen ekitaldi batean.
Lezoko Interal enpresak bi greba egun deitu ditu, Enplegu Erregulazioko Espedientea ezarri eta 226 langileetatik 85 kaleratuko dituztela salatzeko
LAngileen batzordeak ekainaren 26rako eta uztailaren 2rako deitu ditu greba egunak, eta uztailaren 8tik aurrera greba mugagabea hasteko aukera ere aurreikusi du.
CCOOk Unai Sordo berrautatu du idazkari nagusi, botoen % 96,1ekin, bere azken agintaldia izango denerako
Comisiones Obrerasek Unai Sordo aukeratu du berriro datozen lau urteetan sindikatuko buru izateko. Hautaketaren osteko lehen hitzaldian, ustelkeriaren aurka borrokatzeko eskatu du, eta lanaldi-murrizketaren aldeko mobilizazioak iragarri ditu.
Greba mugagabea iragarri dute Iruñeko villavesa autobusetan uztailaren 1etik aurrera
Langileek hilabeteak daramatzate lanuzteak eta protestak egiten, hitzarmena eguneratzea aldarrikatzeko.
Lan mahai bat osatu da Barrualde-Galdakao ESIko larrialdi zerbitzuaren egoera bideratzeko
Inplikatutako alderdi guztiek hartuko dute parte, “diskrezioz” lan eginda. Egoerak eztanda egin du, larrialdi zerbitzuetako langileen zati handi bat bajan dagoen garaian, zuzendari medikoak dimisioa eman duenean.
Eusko Jaurlaritzak hamarren bat apaldu du 2026rako hazkunde aurreikuspena eta % 1,7an kokatu du
Industria izango da ziurgabetasunak eta nazioarteko merkataritzaren moteltzeak gehien eragingo duen sektorea, kanpoko lehiak daukan eraginagatik.
Sindikatuek salatu dute Galdakaoko Ospitaleko zuzendaritza duela bi urtetik zela arazoaren jakitun
Galdakaoko larrialdi-zerbitzuetako langileek duela bi urte salatu zuten lan-karga handiegia zutela, LAB sindikatuko Jessica Gondraren hitzetan. Horren esanetan, zuzendaritzak urte biko epean ez du ezer egin. Sindikatuen ustez, zuzendaritzak egoera baliatu nahi du langileen irudia zikintzeko, Gernika-Lumoko larrialdi-zerbitzua gauez itxita.
Barrualde-Galdakao ESIaren zuzendari medikoak dimititu egin du, larrialdi-zerbitzuko langileen bajak direla eta sortutako krisi betean
Langileen batzordea eta zuzendaritza 13:00etan bilduko dira, Galdakao-Usansolo Ospitaleko Larrialdi Zerbitzuko egoera bideratzeko. Bertan, azken asteetan hainbat baja-mediko eta barne mugimenduak pilatu dira.
Auzitegi Gorenak atzera bota du ABRAren helegitea, eta 'Arabako Mahastiak' jatorri-deitura behin betiko baliogabetzea berretsi du
Uste du bederatzi urte hauetan "kalte larria" egin zaiela "Errioxa jatorri-deiturari, haren kideei, markari eta izen onari".
Gasteizko lorezainak lanera itzuli dira, gutxieneko zerbitzuak betetzeko
Gasteizko lorezainak lanera itzuli dira gutxieneko zerbitzuak betetzeko. Florida parkeko belarra mozten hasi dira. Belarra mozteko bost makina eta sasiak garbitzeko beste pare bat makinarekin ia hiru hilabetez ukitu gabe egon diren lorategiak zaintzen hasteko agindua jaso dute. Ezarritako zerbitzu minimoak gehiegizkoak eta justifikazio gabeak direla salatu dute lorezainek.