Bigarren Hezkuntzako eta Lanbide Heziketako irakasleen LEPa otsailean deituko dute
Hezkuntza Sailak 1.511 plaza jasoko dituen lan eskaintza publikoa (LEP) deituko du 2018ko otsailean Bigarren Hezkuntzarako eta Lanbide Heziketarako, mahai sektorialeko sindikatuei asteazken honetan iragarri dien moduan.
Sailetik ohar baten bidez azaldu dutenez, oposizio hauek bi proba izango dituzte. Lehenengoan gai bat idatziz eta jarduera praktiko bat garatu beharko dute. Bigarrenean, berriz, programazio didaktiko bat aurkeztu eta defendatu beharko dute hautagaiek. Horrekin batera, programazioarekin zerikusia duen unitate bat egin beharko dute, baita ahoz azaldu ere, edota espezialitatearen ikasgai-zerrenda ofizialetik hasita egin beharko dute.
Bigarren Hezkuntzan, 27 espezialitatetan aterako dituzte plazak, besteak beste, gai hauetan: Filosofia, Latina, Marrazketa, Ingelesa, Matematikak, Informatika, Bitartekotza Soziokomunitarioa eta Teknologia.
Lanbide Heziketari dagokionez, lan eskaintza publiko honetara aurkezten diren hautagaiek zazpi espezialitatetan sartzeko aukera izango dute, arlo teknikoagoetan: Prozesu Komertzialak, Aplikazio Informatikoetako Sistemak, Ibilgailuen Mantenua, Mekanizatua eta Makinen Mantenua.
Lan eskaintza publiko honen barruan, sarbide probez gain, goi-mailako gradu batera sartzeko prozedura selektiboak ere deitu dituzte.
Hezkuntza behar berezietako irakasleak
Halaber, legealdi honetan 260 plaza inguruko lan eskaintza publikoa deitzea eskaini die sindikatuei Hezkuntza Sailak, hezkuntza behar berezietako irakasleei zuzenduta.
260 plazako eskaintza honek “balizko bide juridiko guztiak agortzen ditu”, eta sektorean egungo bitartekotasuna 30 puntu murriztea ekarriko du, Jaurlaritzak ohar horretan azaldu duenez.
Albiste gehiago ekonomia
CCOOk Unai Sordo berrautatu du idazkari nagusi, botoen % 96,1ekin, bere azken agintaldia izango denerako
Comisiones Obrerasek Unai Sordo aukeratu du berriro datozen lau urteetan sindikatuko buru izateko. Hautaketaren osteko lehen hitzaldian, ustelkeriaren aurka borrokatzeko eskatu du, eta lanaldi-murrizketaren aldeko mobilizazioak iragarri ditu.
Greba mugagabea iragarri dute Iruñeko villavesa autobusetan uztailaren 1etik aurrera
Langileek hilabeteak daramatzate lanuzteak eta protestak egiten, hitzarmena eguneratzea aldarrikatzeko.
Lan mahai bat osatu da Barrualde-Galdakao ESIko larrialdi zerbitzuaren egoera bideratzeko
Inplikatutako alderdi guztiek hartuko dute parte, “diskrezioz” lan eginda. Egoerak eztanda egin du, larrialdi zerbitzuetako langileen zati handi bat bajan dagoen garaian, zuzendari medikoak dimisioa eman duenean.
Eusko Jaurlaritzak hamarren bat apaldu du 2026rako hazkunde aurreikuspena eta % 1,7an kokatu du
Industria izango da ziurgabetasunak eta nazioarteko merkataritzaren moteltzeak gehien eragingo duen sektorea, kanpoko lehiak daukan eraginagatik.
Sindikatuek salatu dute Galdakaoko Ospitaleko zuzendaritza duela bi urtetik zela arazoaren jakitun
Galdakaoko larrialdi-zerbitzuetako langileek duela bi urte salatu zuten lan-karga handiegia zutela, LAB sindikatuko Jessica Gondraren hitzetan. Horren esanetan, zuzendaritzak urte biko epean ez du ezer egin. Sindikatuen ustez, zuzendaritzak egoera baliatu nahi du langileen irudia zikintzeko, Gernika-Lumoko larrialdi-zerbitzua gauez itxita.
Barrualde-Galdakao ESIaren zuzendari medikoak dimititu egin du, larrialdi-zerbitzuko langileen bajak direla eta sortutako krisi betean
Langileen batzordea eta zuzendaritza 13:00etan bilduko dira, Galdakao-Usansolo Ospitaleko Larrialdi Zerbitzuko egoera bideratzeko. Bertan, azken asteetan hainbat baja-mediko eta barne mugimenduak pilatu dira.
Auzitegi Gorenak atzera bota du ABRAren helegitea, eta 'Arabako Mahastiak' jatorri-deitura behin betiko baliogabetzea berretsi du
Uste du bederatzi urte hauetan "kalte larria" egin zaiela "Errioxa jatorri-deiturari, haren kideei, markari eta izen onari".
Gasteizko lorezainak lanera itzuli dira, gutxieneko zerbitzuak betetzeko
Gasteizko lorezainak lanera itzuli dira gutxieneko zerbitzuak betetzeko. Florida parkeko belarra mozten hasi dira. Belarra mozteko bost makina eta sasiak garbitzeko beste pare bat makinarekin ia hiru hilabetez ukitu gabe egon diren lorategiak zaintzen hasteko agindua jaso dute. Ezarritako zerbitzu minimoak gehiegizkoak eta justifikazio gabeak direla salatu dute lorezainek.
Hasi da hegaluzearen denboraldia: 8.000 kilo heldu dira Getariako portura
Datozen egunetan olatu handia espero da, euskal arrantzaleek hegaluze asko arrantzatu baitute kostaldetik gertu. Salneurria: 13 euro.
ELAk helegitea jarriko die Gasteizko lorezainei ezarritako gutxieneko zerbitzuei
Sindikatu abertzalearen ustez, "justifikaziorik gabekoak" dira eta "grebarako eskubidea urratzen dute". ELAk salatu duenez, "orain funtsezkotzat jotzen da baldintza prekarioak dituen lan bat".