KPIaren urte arteko tasa bost hamarren jaitsi da abenduan, eta % 1,2an kokatu
Kontsumorako Prezioen Indizea, alegia, KPIa, % 0,1 igo da abenduan Estatuan, azaroan izandako datuekin alderatuta, baina bost hamarren egin du behera, urte arteko tasari dagokionez; ondorioz, % 1,2an kokatu da tasa hori, urteko mailarik baxuenean, Estatistikako Institutu Nazionalak zabaldutako datuen arabera.
Hala, aurreratutako adierazleak emandako datua baieztatzekotan, prezioek hitzarmenean adostutako soldata-igoeraren azpitik amaituko dute 2017 (azarora arte, % 1,43koa zen igoera hori); hori bai, langile publikoen soldataren aurtengo igoera baino handiagoa da inflazioa (% 1ekoa izan da), bai eta pentsioen igoera baino handiagoa ere (% 0,25 egin dute gora pentsioek). Hori dela eta, kontsumitzaileen erosketa-ahalmena galdu dute.
Estatistikako Institutu Nazionalaren arabera, KPIaren urte arteko bilakaeran eragina izan du erregaien prezioen igoerak; hain zuzen ere, gasolioak eta gasolinak 2016an baino gutxiago igo dira.
Hamaseigarren aldiz jarraian, datu positiboa
Positiboa izanez, abenduko urte arteko tasak aurreko hamabost urte arteko tasen ildotik joan da. Esan nahi duena da 2017ko abenduko prezioak duela urtebetekoak baino % 1,2 altuagoak direla.
Urte arteko KPIan % 3an hasi zuen 2017; 2012ko urritik, tasarik altuena zen hura. Otsailean errepikatu zen ehuneko hori; martxoan, baina, zazpi hilabetean lehen aldiz, inflazioak behera egin zuen, urte arteko datuari zegokionez, eta % 2,3an kokatu zen.
Gerora, igoerak eta jaitsierak izan zituen; abuztuan, aldiz, urte arteko KPIa % 1,6an kokatu zen, uztailean baino hamarren bat gorago; irailean, % 1,8ra igo zen, urrian % 1,6ra jaitsi, eta azaroan % 1,7ra igo berriro.
Urteko azken hilabetean, bateratutako KPIa % 1,3an jarri da. Datua baieztatuko balitz, baieztatutako KPIaren urteko tasak bost hamarreneko beherakada izango zuen azaroko datuekin alderatuta.
Hileroko datuak kontuan izanik, KPIa % 0,1 igo da abenduan; 2016ko abenduan, baina, % 0,6 egin zuen gora.
Estatistikako Institutu Nazionalak urtarrilaren 12an emango ditu abenduko KPIaren behin betiko datuak.
Albiste gehiago ekonomia
Azkoitiko Juaristi eta Aitek enpresetako langileek bizi duten "egoera jasanezina" salatu dute
Orain urtebete inguru lehertu zen lan-gatazkaren berri emateko, agerraldia egin dute bi enpresetako langileek. Uste dute zuzendaritzak "ezkutuko itxiera plan bat" duela. 130 lanpostu eta hainbat familia "arriskuan" daudela salatu dute.
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.