Azpiazuk Gizarte Segurantzaren eskuduntza transferitzeko eskatu du
Pedro Azpiazu Eusko Jaurlaritzako Ogasun eta Ekonomia sailburuak Gizarte Segurantzaren eskuduntza transferitzeko eskatu dio Espainiako Gobernuari, eta gaur egun dagoen defizit arazoa konpontzeko "konpromisoa" agertu du.
Forum Europa gosari informatiboetan izan da gaur Azpiazu, eta beste gai ekonomikoren artean, pentsioen auzia eta Gizarte Segurantzaren defizitaren arazoa izan ditu hizpide. Gogorarazi duenez, EAEko langileek "soberakin ugari" eman dituzte hainbat urtetan, "une jakin honetan" defizita badago ere.
Sailburuak pentsioen sistema publikoa defendatu du, "pertsonek duten eskubide bat" den aldetik. Horren ustean, "une jakin batean finantza arazo bat badago, neurriak hartu beharko dira sistema jasangarria izan dadin".
"Hortxe dago transferentziaren gaia. Eskuduntza guri eman diezagutela eta eman beharreko irtenbidea emango diogu, egokia", adierazi du.
Ogasun eta Ekonomia sailburuak emandako datuen arabera, azken hamarkadan "nabarmen" egin dute gora pentsioek EAEn: 2007an, Barne Produktu Gordinaren (BPG) % 8,5 ziren, eta 2016an, berriz, % 11,8. Azpiazuren hitzetan, "batezbesteko pentsioak egin du gora, ez hainbeste pentsiodunen kopuruak".
Defizitaren "arazo larria" hizpide hartuta, Azpiazuren aburuz, logikoena "kotizazio gabeko alderdia horretatik bereiztea" da, "aurrekontu bidez finantzatzeko".
Kontzertu Ekonomikoa
Kontzertu Ekonomikoaren defentsa sutsua ere egin du Pedro Azpiazuk, eta "errespetua" eskatu du kritiken aurrean. Hala, "alderdien arteko ika-mikarako" ez erabiltzeko deia egin du.
Sailburuak salatu duenez, "albiste faltsu etengabeak" botatzen dituzte batzuek, "gezurra direla jakin badakiten arren".
"Sistema hau pribilegioa dela esaten dute, eta ez da batere bidezkoa, kalkulu zorrotzak egiten dituzten teknikariak daude atzean. Beraz, erantzukizuna, zorroztasuna eta seriotasuna eskatu behar ditut", esan du.
Azpiazuren iritzian, "finantza sistema ezberdinduak ezin dira alderdien arteko ika-mikarako erabili".
Era berean, Kontzertua kritikatzen dutenei honakoa galdetu die: "Uste al duzue Espainiako Gobernuak eta Eusko Jaurlaritzak Kupoaren eta Kontzertuaren inguruko erabaki ez bidezko, insolidario eta inkonstituzionalak hartuko dituztela eta, beraz, prebarikazioz jokatuko dutela?".
"Erregimen komuneko beste sistemek merezi duten errespetu bera nahi dut gure finantza sistemarentzat. Kontzertua errespetatzea Jaurlaritza eta Euskadi errespetatzea da", azpimarratu du.
Albiste gehiago ekonomia
Azkoitiko Juaristi eta Aitek enpresetako langileek bizi duten "egoera jasanezina" salatu dute
Orain urtebete inguru lehertu zen lan-gatazkaren berri emateko, agerraldia egin dute bi enpresetako langileek. Uste dute zuzendaritzak "ezkutuko itxiera plan bat" duela. 130 lanpostu eta hainbat familia "arriskuan" daudela salatu dute.
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.