Ogasunen iazko diru-bilketa gaur itxiko dute, historiako igoerarik handienarekin
Herri-Dirubideen Euskal Kontseilua gaur, asteartea, bilduko da 2017ko diru-bilketa ixteko. Aurreko urtea historikoa izan da, euskal ogasunek 14.473,9 milioi euro bildu baitzituzten, aurreko urtean baino % 11,8 gehiago, hain zuzen.
Igoera horrek 2016an baino 1.523 milioi gehiago ekarriko ditu, eta inoizko igoerarik handiena da, zenbaki absolutuak kontuan izanda. Gainera, Herri-Dirubideen Euskal Kontseiluak berak 2017ko urrian egindako aurreikuspenak gainditu ditu datu horrek, orduan aurreikusitakoa baino 106,9 milioi euro gehiago bildu baitituzte.
Hala, Herri-Dirubideen Euskal Kontseiluak otsailean egin ohi duen bilera egingo du gaur. Bertan, aurreko ekitaldiko diru-bilketa itxitzat emateaz gain, hiru foru aldundiek egindako ekarpenen likidazioa onartuko dute, eta bildutako aparteko dirua nora bideratu zehaztu.
Pedro Azpiazu Eusko Jaurlaritzako Ogasun eta Ekonomia sailburuak aurreko astelehenean aurreratu zuenez, zerga bilketaren emaitza onei esker, Jaurlaritzak aurreikusitakoa baino 729 milioi gehiago jaso dituzte.
Horietako 434 milioi zorra kentzeko eta finantza aktiboak sustatzeko bideratuko dituzte, 91 milioi udalekin finantzaren kolaborazioan laguntzeko eta 10 milioi hiru aldundien Doikuntza Funtserako.
Halaber, beste 150 milioi euro aurreko ekitaldi horretan hezkuntzan sortutako gastuak ordaintzeko, mugikortasunean eta osasunean inbertitzeko, eta 2012an funtzionarioei kendutako aparteko soldataren laurdena aurreratzeko.
ELAk politika soziala eskatu du
ELA sindikatuak aparteko diru-bilketa politika sozialak egitera bideratzeko eta sozietateen gaineko zerga murrizteko asmoa bertan behera uzteko eskatu du. Horren esanetan, "ez litzateke gastuaren araurik egongo EAJk PPrekin adostu izan ez balu".
Gainera, ELAren arabera, igoera gorabehera, euskal erakundeen aurrekontuek "oso mugatzaileak izaten jarraitzen dute". Jaurlaritzak "gastuaren araua betetzea adostu zuen Rajoyrekin, eta horrek 2018aren aurrekontua mugatuko du, murrizketen politikari hala eutsiz", gaineratu dute sindikatu horretatik.
Zure interesekoa izan daiteke
Jose Antonio Santano: "AHTren Nafarroarekiko loturari buruzko erabakia aurten hartu beharko da"
Garraio estatu idazkariak berretsi du kontuan hartuko direla Aralar mendilerroan egiten ari diren zulaketen emaitzak, baita ibilbideen denboren azterketa funtzionalak emandako ondorioak, kostu ekonomikoak eta obren epeak ere.
Donostiako Atotxako geltokiko lanak azken fasean, AHTaren iritsieraren zain
Urumea eta Egia lotzen dituen pasabidea erabat zabaldu dute eta trenbideen gainean 5.700 m2-ko plaza zabal bat eraiki dute. 2027an jakingo da noiz iritsiko den AHT-a Donostiara, Espainiako Gobernuaren hitzetan.
Petronorrek 27,8 milioi irabazi zituen 2025ean, aurreko urtean baino % 61 gutxiago, itzalaldiaren eta hiru hilabeteko grebaren eraginez
Konpainiak apirileko itzalaldiaren eraginari eta urteko azken hiruhilekoko lan-gatazkari egotzi die irabazien beherakada. Hala ere, inbertsioak % 48 igo zituen, 217,8 milioi euroraino.
Petrolioaren prezioa % 5 jaitsi da, 98 dolar ingururaino, AEBren eta Iranen arteko elkarrizketen traza ona dela eta
Brenta 98,1 dolarretan kotizatzen da gaur goizean, joan den ostiralean Europan burtsak ixtean kotizatzen zen 103 dolarretatik behera, % 5,2 gutxiago, zehazki. Ekialde hurbileko gerra laster bukatuko den itxaropenak bultzatuta, Asiako Burtsak igoerekin ekin diote egunari eta Burtsa europarren gerorako inbertsioek ere % 1 egin dute gora.
Lekeitioko arrantzale bat hil da Senegalgo uretan
Bermeoko ATUNSA enpresako langilea zen. LAB sindikatuaren esanetan, "heriotza ez traumatiko" gisa sailkatu dute, eta enpresa horretan aurten izan den bigarren heriotza ez traumatikoa izan dela salatu du.
Pakistandarrak lanean esplotatzeagatik ikertutako hiru pertsonak aske utzi dituzte, Espainiatik irtetea galarazita
Ikertuek epailearen aurrean ez deklaratzeko eskubideari heldu diote, eta epaileak pasaportea kentzea eta hileko lehenengo egunean eta hamabosgarrenean epaitegian agertzea agindu du.
A-15 autobidea osorik zabalduko dute igandean, tunelak egokitzeko lanak guztiz amaitu ostean
Asteburuan behin-behineko seinaleak eta obrako gainerako elementuak kenduko dira eta, lanak bukatzeko, Andoain eta Berastegi artean itxita egongo da errepidea, ostiral gauetik igandera bitarte.
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan, Bilboko egoitzan. Erakundeetako eta enpresa munduko ordezkariak bildu ditu ekitaldiak, eta konpainiaren historia gogora ekarri dute. "Argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolaren presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.