'Txiki' Muñoz: 'Grebarik gabe ez da posible ELA eta LABen arteko elkarlana'
Adolfo Muñoz ELAko idazkari nagusiak LABi ohartarazi dio "grebarik egin gabe" ez dela posible bi sindikatuen arteko elkarlan estrategikoa.
Bere blogean argitaratutako artikulu batean, gogor kritikatu du LAB sindikatua, hezkuntza publikoko hiru sektoretan Eusko Jaurlaritzarekin akordioetara iristeagatik eta, ondorioz, greba-deialdia bertan behera uzteagatik.
"LABek ezin du erabaki hori justifikatu, akordioak oso txarrak direlako. Sinatzeko eman duen azalpen bakarra oso kezkagarria da: 'lehen indarra gara sektore horietan eta horrek eskatzen duen ardura politikoaz jokatzea erabaki dugu'. LABek gehiengoa duen tokietan 'arduraz jokatzeak' esan nahi du ez dela grebarik izango", adierazi du.
"Sektore oso feminizatuak dira (lantaldearen % 90tik gora emakumezkoak dira) eta, hain zuzen ere horregatik, hezkuntza publikoko zentro prekarioenak dira. Sukaldean eta Garbiketan behin-behinekotasuna % 64koa da, Heziketa Berezian % 58koa eta Haurreskoletan % 41ekoa", azaldu du Muñozek.
"Ehunka lanpostu galdu dira; lan-kargak gora egin du; eta soldatak hezkuntza publikoko batezbestekoa baino % 12-35 baxuagoak dira. LABek, CCOOk eta UGTk sinatu dituzten akordioek ez dute horietako ezer konponduko; alderantziz, arazo horiek betikotu egingo dituzte. LABek badaki horrela dela, baina berdin izan zaio", salatu du.
Eusko Jaularitzak LABen erabakia begi onez hartu duela eta, Muñozek ondokoa esan du: "Nola ez! Gobernuek eta patronalek sindikalismo 'arduratsua' beti da baloratzen dute positiboki".
"Eta horrek asko kezkatzen gaitu; izan ere, LABen helburua desmobilizazioa bada, bi sindikatuen arteko ekintza estrategikoa ez da posible", ohartarazi du.
Gauzak horrela, ELAk hezkuntza publikoan mobilizazioak mantentzearen alde lan egingo duela berretsi du, "hori baita modu bakarra gobernua mugiarazteko, murrizketak amaitzeko eta prekarietatea bukatzeko".
"Sindikalismo erreibindikatzaileak ekintza erreibindikatzaileak behar ditu. Bide horretan elkar topatuko gara, baina hortik kanpo ez", azpimarratu du.
Zure interesekoa izan daiteke
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.