Haurreskolen negoziazio mahaian akordioa adostu dute LABek eta Eusko Jaurlaritzak
Haurreskolak Partzuergoko negoziazio mahaian akordioa lortu dute gaur LABek eta Eusko Jaurlaritzak. Sindikatu abertzaleak ordezkaritza sindikalaren gehiengoa du Partzuergoan (% 62).
EAEko Exekutiboak agiri batean jakitera eman duenez, bileran sindikatuaren proposamenak aztertu dituzte, ondoren LABekin akordioa sinatu dute, “eduki guztia bermatuz”.
LABek eta Hezkuntza Sailak adostutako edukien artean, besteak beste, lehen eguneko ordezkapenak eta araudia, administrazio eta zerbitzuetako beharginen lan eskaintza publikoa, haurreskola guztietan familientzako 8 orduko zerbitzua eta irakasleak ordezkatzeko zerrenden merituak daude.
Haurreskoletako adostasuna LAB, CCOO eta UGT sindikatuek eta Hezkuntza Sailak sukalde eta garbiketako mahaian akordioa sinatu eta ordu batzuk geroago etorri da.
Bestalde, “LAB eta CCOO sindikatuek Hezkuntza Bereziko Negoziazio Mahaian balorazio positiboa egin” eta “Steilasek proposamenaren edukiak langileei azaltzeko asmoa azaldu ondoren”, beste bilera bat aurreikusi du Jaurlaritzak.
“Akordioak lortzeko tresna nagusiak negoziazio mahaiak” direla berretsi du Hezkuntza Sailak. “Negoziazio mahaian jarrera bat defendatu eta hezkuntza zentroen funtzionamendu normala errespetatzea bateragarria da”, erantsi du Exekutiboak.
Zure interesekoa izan daiteke
Zerga turistikoaren ordenantza onartuta, urtean 8 milioi euro biltzea espero du Donostiako Udalak
Jon Insausti alkateak esan duenez, helburu nagusia da hiria bisitatzen dutenek "zerbitzu publikoak, azpiegiturak, hiri-espazioak, segurtasuna eta beste jarduerak finantzatzen laguntzea, bisiten eta donostiarren bizi-kalitatearen arteko oreka mantentzeko".
Martinezek ziurtatu du medikuen sindikatuarekin lortutako akordioa ez dela baztertzailea
Eusko Jaurlaritzako Osasun sailburuaren hitzetan, Osakidetzako gainerako kolektibo profesional guztiekin hitz egiten jarraituko du. Iraileko mahai sektorialeko bilerara joateko deia egin die sindikatuen ordezkariei.
Langabeziak behera egin du Euskadin eta Nafarroan bigarren hiruhilekoan, eta bi erkidegoetan Estatuko batezbestekoaren azpiko tasak daude
Euskal Autonomia Erkidegoan 12.400 langabe gutxiago daude, eta tasa % 7,11koa da; Nafarroan, berriz, 3.300 langabe gutxiago daude, % 8,07ko indizearekin.
39 urteko gizon bat larri zauritu da Iruñean lan-istripuz
Presiozko mahuka batek buruan jo du baratzean ari zela.
Alokairuen prezioa % 3 eta % 4 artean jaitsi zen Donostian, Irunen eta Errenterian 2025eko azken hiruhilekoan
2025ean 86.522 alokairu-kontratu sinatu ziren Euskadin, serie historikoko bolumenik handiena. Alokairuen prezioei gehien eusten dion lurraldea Araba da.
Papresak aro berria hasi du, CL Group Industrial taldeak paper fabrika erosi baitu
Gaurtik CL Group Industrial taldeak bere gain hartu du Errenteriako paper fabrikaren ekoizpena.
CCOOk euskara ikasteko denbora eta baliabideak eskatu ditu eta euskarafobia dagoela ukatu du
Euskadi Irratian egin dioten elkarrizketan, Iñigo Garduño CCOOren komunikazio idazkariak langileak auzitegietan defenditzeko egindako bidea azpimarratu du. Halaber, adierazi du ez direla aritu euskararen kontra, euskara ikasteko baliabideak eskatzen baizik.
EAEko arrantzaleek antxoa-kuota ia osoa agortu dute eta hegaluzearen kosteraren buru dira
Esleitutako antxoa-kuotaren % 98,4 harrapatu dute dagoeneko. Euskal ontziek harrapatu dituzte Estatuan arrantzatutako hegaluzearen hamar kilotik sei.
Azkoyen enpresa erosteko 244,5 milioi euroko eskaintza egin du Ohmnia taldeak
Eskaintzaren sustatzaileen ustez, operazioa ezagutza partekatzeko eta industria-irtenbide aurreratuagoak eta balio erantsi handiagokoak garatzen laguntzeko aukera bat da.
ELAk mobilizazioak iragarri ditu udazkenerako, Osakidetzako kolektibo guztien lan-baldintzak negoziatzeko
Sindikatuak 17 urte baino gehiago dituen Lan Baldintzak Arautzeko Akordio zaharkitua berritzeko exijitu du, eta diskriminaziorik gabe negoziazioak hasteko deia egin du.