Pentsiodunekin 'krudela' izatea leporatu diote UGTk eta CCOOk Espainiako Gobernuari
Pentsiodunekin "krudela" izatea leporatu diote UGT eta CCOO sindikatuek Espainiako Gobernuari. Haientzako "kaka zaharra" diren igoerak izatea kritikatu dute, beste gai batzuetarako milioika euro bideratzen diren bitartean.
Bi sindikatuek elkarretaratzea egin dute igande eguerdian, Iruñean, Gizarte Segurantzako egoitzaren ondoan. UGTko probintziako idazkari nagusia eta Cristina Antoñanzas idazkariorde federala izan dira bertan, UPN, PSN eta I-E alderdietako buruzagiez gain.
Elkarretaratzean, pentsioei jarritako erreformak kentzeko eskatu du Antoñanzasek. Kopuruak igotzea eta sistema publikoa bermatzea nahi politikoaren araberakoa dela azpimarratu du Chechu Rodriguezek (CCOO).
Ohar bateratu batean, bi sindikatuek esan dute Nafarroan 134.000 pentsiodun daudela 1.070 euroko batez besteko pentsioarekin, eta 56.000 pertsonak 700 euro baino gutxiago kobratzen dutela. Pentsiorik baxuenak hobetzeko neurriek ez diela Nafarroako pentsioen "%50ei ere eragingo" adierazi dute sindikatuek.
Birbalorizatzeko programa berriaren eskaera
Hori dela eta, CCOO eta UGT sindikatuen ustez, "pentsioen erosteko ahalmenaren boterea mantentzea bermatzeko garaia da". Urtean urteko igoerek balio ez diela azaldu dute, "birbalorazio formula berria onartzea ezinbestekotzat jotzen dugu, erosteko ahalmena mantentzeko legea bermatzen duena".
Gainera, laneko behin-behinekotasuna ezabatzea, lan-erreforma kentzea, 2013ko gizarte segurantzaren erreforma lehengoratzea, sistemako diru-sarrerak indartzea eta Espainiako Gobernua Toledoko Itunarekin akordio batera iristea eskatu dute.
Espainiako Gobernuak "pertsonengatik autobideengatik baino interes handiagoa erakutsi behar" duela azaldu dute, pentsiodunen arloan duen politika "krudela" delako, "erosteko baimena murrizten dielako, aldez aurreko abisurik gabe, bederatzi milioi pentsioduni, haien lanarekin herrialdeak duen aberastasuna eta garapen maila lortu ostean".
Albiste gehiago ekonomia
Azkoitiko Juaristi eta Aitek enpresetako langileek bizi duten "egoera jasanezina" salatu dute
Orain urtebete inguru lehertu zen lan-gatazkaren berri emateko, agerraldia egin dute bi enpresetako langileek. Uste dute zuzendaritzak "ezkutuko itxiera plan bat" duela. 130 lanpostu eta hainbat familia "arriskuan" daudela salatu dute.
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.