Hezkuntzako sindikatuek ez dute baztertzen hurrengo bileran akordioren bat adostea
Hezkuntza arloko sindikatu gehienek negoziazioetan aurrerapenak eta proposamen berriak atera direla esan dute, ostiral honetan Hezkuntza Sailarekin bildu ostean. Esaterako, ikasturte guztietako irakasleen gaixotasunak lehen egunetik ordezkatzea onartu dute.
Hori dela eta, ez dute baztertzen hurrengo bileran akordioren bat adostea, Steilas, LAB, UGT eta CCOO sindikatuetako bozeramaileek jakinarazi dutenez. ELAk, berriz, mobilizazioekin jarraitzea babestu du.
Okatz Garamendi Hezkuntza Saileko Administrazio eta Zerbitzuen sailburuordearen hitzetan, datorren maiatzaren 10eko bilera "oso garrantzitsua" izan daiteke.
Gaurkoa, Steilas, ELA eta LAB sindikatuek apirileko grebak alde batera uztea erabaki zutenetik egiten duten bigarren bilera izan da.
Atzo Bilboko ekitaldi batean Cristina Uriarte Hezkuntza sailburuak adierazitakoaren arabera, "lan harremanei buruzko eztabaidak negoziazio-mahaian konpondu behar dira, ikastetxeak alde batera utzita". Hala, irakasle-funtzionarioen mahaian sindikatuekin "jarrerak hurbiltzeko lanean" ari direla azaldu zuen. Gaur bilduko dira berriz, eta "elkar ulertzea" posible dela adierazi zuen.
Irakasleen garrantzia azpimarratu eta haien lana gizartean ez dagoela "behar bezala" onartuta azpimarratzeaz gain, "irakasleen zein zuzendaritza-taldeen lanari balioa ematea" guztioi dagokigula berretsi zuen.
Hasierako prestakuntza zein hautaketa-prozesuak eta heziketaren, ebaluazio-prozesuen eta lan-baldintzen eguneratzea hobetze aldera "urratsak" emateko Hezkuntza Sailak duen konpromisoa nabarmendu zuen. Zentroetako lantaldeak osatzen dituzten kolektiboen lan-harremanen eztabaidaren arloan azken hilabeteok gatazkatsuak izan direla onartu zuen.
Lan eskaintza publikoen bidez irakasleren egonkortasunaren aldeko apustua azpimarratu zuen Uriartek. Legegintzaldi honetan gutxienez 5.000 lanpostu eskaintzeko asmoa azaldu zuen.
Bestalde, itunpeko ikastetxeetan maiatzaren 15ean eta 16an deitutako grebari buruz hitz egin zuen. Kasu horretan ere, akordioak lortzeko "elkarrizketa eta eztabaida" ezinbestekoak direla esan zuen.
ELAk mobilizazioei berrekiteko apustua egin du, Hezkuntza Sailak Irakasleen Mahaiaren aldarrikapenei "erantzun ezean"
ELA sindikatuak berriz mobilizatzen hastearen aldeko apustua egin du, Eusko Jaurlaritzak irakasle-funtzionarioen mahaiko aldarrikapen sindikalei "ez badie erantzuten". Zentzu horretan, ELAren iritziz, Hezkuntza Sailaren azken proposamenek "ez diete ez sektorearen ez gure eskaerei erantzuten".
Hezkuntza Saileko eta sektorean ordezkaritza duten sindikatuek apirilaren 18an egin zuten irakasleen mahaiaren azken bilera, eta gaur bilduko dira berriz.
"Ikasturtea mobilizaziorik gabe amaitu nahi du Jaurlaritzak", dio ELAk, eta "gure aldarrikapenei erantzun gabe edo oso modu partzialean eginda". Horrenbestez, "negoziatzeko borondate falta garbia" agerian utzi duela aipatu du sindikatuak.
Hori dela eta, gaurko bileran aldarrikapen sindikalek erantzunik gabe jarraitzen badute, ELAk mobilizazioei berrekitea proposatu du.
Albiste gehiago ekonomia
Statkraftek aztertuko du Piaspe parke eolikoaren ingurumen baimenari buruzko erabakiari helegitea jarri ala ez
Parke eolikoa Gipuzkoako Azpeitia, Zestoa eta Errezil udalerrietan zegoen planifikatuta eta kontrako ingurumen-ebazpena jaso du. Enpresaren aburuz, parke eolikoa "energiaren sozializazioa bultzatzeko diseinatu zen, enpresen, administrazioen eta tokiko komunitateen inplikazioa bilatuz".
Jaurlaritzak ingurumen baimena ukatu dio Piaspe proiektu eolikoari
Eusko Jaurlaritzako Industria, Transizio Energetiko eta Jasangarritasun sailak atzera bota du Statkraft enpresak Azpeitia, Zestoa eta Errezil artean egitekoa zuen parke eolikoaren proiektua. Mendi inguru horretan eraikitzekoak zituzten errotek eta energia azpiegiturek ingurumenari kalte egingo lioketela ebatzi du txostenak.
BBVAk bere eskaintzari eutsi eta aurrera jarraitzen du Sabadell erosteko ahaleginean
Sabadelleko akziodunek ia aho batez TSB Erresuma Batuko filiala Santander bankuari saltzea onartu eta astebetera hartu du Carlos Torres buru duen konpainiak erosketa eskaintzari eusteko erabakia.
Greba Bilboko Udaltzaingoaren telefono bidezko arreta-zerbitzuan, Aste Nagusian zehar
ELAk salatu du Udalak eta Lanalden azpikontratak ez dutela negoziatu nahi zerbitzua osatzen duten bost profesionalen lan-baldintzak hobetzea.
Jaurlaritzak onartu egin du Araban bi eguzki-parke eraikitzea, bata Agurainen eta bestea Arespalditzan
Euskal Herriko Agintaritzaren Aldizkariak ostegun honetan argitaratu du bi proiektuek ingurumen baimena lortu dutela. Instalazioek 32 hektareako azalera eta 20 megawatteko potentzia izango dute.
EHNE sindikatuak salatu du Nafarroako Gobernuak urratu egin duela suteei aurre egiteko hitzartutako protokoloa
Nafarroako Gobernuak suteak saihesteko lehen sektoreko hainbat jarduerei ezarri dien murrizketa-sortak hautsak harrotu ditu. Hala, EHNE laborarien sindikatuak protesta egin du astearte honetan, salatzeko Barne Departamentuak urratu egin duela hitzartua zuten suteen kontrako protokoloa.
Trumpen muga-zergek 400 milioi inguruko eragina izango lukete Euskadin, eta 73 milioi ingurukoa, Nafarroan
Bi lurraldeek dituzten esportazio-kopuruak direla eta, merkataritza-gerrak hainbat ondorio utziko lituzke Hego Euskal Herrian. Sektore kaltetuenak automobilgintza, makina-erremintagintza, altzairugintza eta ardogintza dira.
Udan egiten dira dendetako lapurreten % 26, eta ardoa, hestekiak eta aurpegiko kremak lapurtzen dira gehien-gehien
Jan-edatekoak daude Nielsenek egindako Estatu mailako rankingaren buruan. Horien atzetik zaintza pertsonalerako produktuak daude.
Debekatu egin dituzte zenbait nekazaritzako lan Nafarroan, sua dela eta
Nafarroako lurralde osoan debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak eragin baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.