Eroski Taldeak 33,2 milioi euroko irabaziak izan zituen iaz
Eroski Taldeak zenbaki gorriak atzean utzi eta 33,2 milioi euroko irabaziak izan zituen iaz. 2016ko emaitzak 56 milioi euroan hobetu ditu, orduan 22,8 milioi euroko galerak izan baitzituen. Eroski S. Coop kooperatiba nagusiak, ostera, 13 milioi euroko etekinak izan zituen 2017an, aurreko urtean baino zortzi aldiz handiagoa (1,54 milioi euro).
5.505 milioi euroko fakturazioa izan zuen, aurreko urtean baino 500 milioi euro gutxiago, batez ere Carrefourri saldutako hipermerkatuen eta Douglas multinazionalari saldutako If lurrin denden ondorioz. Dena den, hori aintzat hartu gabe, aurrkeo urteko salmenta antzekoak izan ditu.
Ohiko jardueran 137,4 milioi euroko emaitza lortu du. Taldearen arabera, ekitaldi horretan eraginkortasuna eta produktibitatea hobetzeko zenbait proiektu gauzatu ditu, hala prozesu logistikoetan nola "Zurekin" eredu komertzialean, belaunaldi berriko dendei lotuta, eta horren guztiaren ondorio dira emaitza horiek.
2017-2020 garairako egin duen plan estrategikoak salmentak urtero % 2 eta % 4 artean igotzea aurreikusten du.
Inbertsioa 106 milioi eurokoa izan zen 2017an, denda propioetan eta frankizia erakoetan egina. Halaber, 11 denda berri zabaldu zituen, horietako bost supermerkatuak (hiru Euskal Autonomia Erkidegoan). Horrez gain, frankiazia erako 61 denda berri ireki zituen: 50 supermerkatu, bi hipermerkatu, zazpi Forum Sport kirol denda eta Dooers marka berriko denda bat, gasolindegi bat eta bidaia bulego bat.
Gaur egun 1.651 denda ditu Eroskik eta horietatik 600 belaunaldi berriko dendak dira (31 hipermerkatu eta 570 supermerkatu). Taldeak elikadura arloan dituen salmenta guztien %65 egiten dira horietan.
Bestalde, bere finantza zorra 167 milioi euroan murriztu du urtebetean.
Zure interesekoa izan daiteke
51 urteko langile bat hil da Iurretan, paper-enpresa batean
Sorospen-dispositiboan parte hartu duten Ertzaintzako bi agente bertan artatu behar izan dituzte osasun-langileek, isuritako gasak arnastuta intoxikatu baitira.
Sopela eta Urduliz bizitegi-merkatuko gune tentsionatu izendatu ditu Eusko Jaurlaritzak
Bizkaiko bi udalerriek urtarrilean eta otsailean eskatu zuten izendapena, eta hiru urteko hasierako indarraldia izango du, luzatzeko aukerarekin.
Espainiako Gobernuak diesela 20 zentimo jaitsiko du irailean, uztailean prezioak gora egin ostean
KPIa lau hamarren igo da uztailean, % 3,6raino Espainia osoan, erregaien eta elektrizitatearen garestitzeak bultzatuta. EAEn, hazkundea bost hamarrenekoa izan da, % 3,7raino. Nafarroan, aldiz, zazpi hamarrenekoa, % 3,4ra arte.
HLREk Megapark merkataritza-gunea saldu dio NEPI Rockcastleri, 254 milioi euroren truke
Akordio honek, NEPI Rockcastlek Europako merkataritza-zentroen sektorean duen presentzia indartuko du, eta Bizkaian erreferentziazko aktibo nagusietako bat gehituko dio bere merkataritza-ondareari.
Euskadiko ikuskizunetako teknikariek grebari eutsi diote, lehen hitzarmen kolektiboaren negoziazioa blokeatuta dagoela salatuta
Lanuzteek abuztuaren 14an eta 26an jarraituko dute, Donostiako eta Bilboko jaiekin bat eginez.
Euskal erakundeek bazka erosketa bateratua egingo dute abeltzaintza ustiategi txikienei laguntzeko
Abuztuan egingo dute erosketa, lehorteak gogorren jo dituen ustiategien benetako beharrak zehazteko inkesta egin ondoren. Dirulaguntza zuzenak, berriz, urte amaieran aztertuko dituzte.
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.